ما الحل مع زوجي المدمن على السهر
 

مرحبا اخواتي و عزيزاتي كيفكم ان شا الله تكونون باتم الصحة والعافية ,,,,

مشكلتي مشكلة اتمنى اجد النصيحة و الفائدة و المواساة لي على مشكلتي ,,,,
زوجي تعب نفسيتي و دمرها بسبب راسه اليابس و عناده و اصراره على تصرفاته الغلط يسهر تقريبا كل يوم يروح الى مكان لعب القمار يطلع من البيت من ساعة 10 مساء و مرات ساعة 8 مساء يرجع الى ساعة 6 صباحا طبعا هاي قبل كا كان يسوي بس هسه ضاعف المدة السهر و قام يجي للبيت لساعة 3 الظهر يعني مثلا يطلع من البيت من ساعة 10 مساء و يرجع الى ثاني يوم 3 ظهرا و مرات 2 الظهر ,,,, و يرجع هلكان من تعب السهر و جوعان و يريد بس يرمي نفسه بالسرير وينام و اضافة للخسائر المادية و الغضب مبين بوجه و نفسيته زفت ,,, ويروح ينام بالساعات الطويلة و اني باقية بحالي صافنه على جدران البيت و اني في بلد الغربة ,,, كلمته اكثر من كذا مرة مرارا وتكرارا تكلمت معه بالطيب و اللين و الادب و مرات بالزعل و البكي بس ميفيد يعمل الي براسه حتى لو كان غلط لا يتقبل النصيحة لا من اخت كبيرة ولا مني و لا من اي احد من البشر شخص مغرور بكل معنى الكلمة و متكبر و اهله من اساس تربيته معلميه على الدلال الزايد بحيث ميسمع احد و اني المتضررة لان اني الي اعيش وياه و متحمله كل سلبياته ,,,, بالنسبة الي اني احاول قدر الامكان ارضيه و حتى على حساب رغباتي ,, البس اله و احاول اسوي اله اجواء حلوة ورمانسية بس ميفيد تعبت ,,, كل شي سويت وياه ميفيد البارحة اتوسل بيه ميطلع من البيت و قفت عند الباب حتى امنعه من الطلعة و اتكلمت وياه و نصحته ميسمعني يصير عصبي حتى باوقات هو هاديء و زين هم كلمته ميسمع يقول اي ميخالف اني هم اريد اترك اللعب بس شنو الفايدة ما عنده كل ارادة و لا اصرار ,,, البارحة طول الليل ابكي من القهر و حزنانة وقلت اله انت مو قلت اني اريد اترك اللعب ليش ترجع و تروح يقول اي من اكون خسران كذا اقول ,,, و يقول اي غيرت رأيي اريد اروح ,, انتي مالك اي دخل ,,, شسوي اله اقوله خليني اساعدك ميفيد ,, و الى هسه هو خارج البيت و بمكان لعب القمار لان مكان لعب القمار 24 ساعة مفتوح ,,, لتكولون اخاف ممرتاح بالبيت او اني ممريحته اني محتاجة للمساعدة و تكلمت بكل امانة و صدق عني و عن وضعه ,, لان حتى من نروح سفرة سياحية من يشوف مكان لعب القمار كل الوقت يقضيه بها المكان ,,,, احس نفسي اعيش وحدي و انسانة خالية من اي شي و حتى كابة بدت تصير عندي ,,, نسيت اكر شي اخر فلوسه كلهن خالهم على قلبه و يصرف كم هائلمن الفلوس في القمار و اني من اطلب شي منه مينطيني و اذا نطاني فلوس بالتعب و الجهد الجهيد اخذ الفلس منه و يحاسبني عليه و مصروف شهري ما عندي كلمته و قلت اله انطيني مصروف خاص بيه شهريا حتى لو شي بسيط يطنش و من لحيت عليه و صلت الى مرحلة الاذلال ياله نطاني و كم شهر و قطعه عليه بس على قد اكلي وشربي معه و مرات من اريد اشتري كم قطعة ملابس مناسبة اسعارها ياله ينطيني للامانة اكثر من هذا الشي ما اشوف منه.
خواتي نصحوني شنو بعد اسوي وياه حتى يبطل السهر و طريق القمار الي راح ينهيه على الاخر و راح يحرقه ويحرق فلوسه و يدمر حياتنا ,,, عذروني على الاطالة بس قلبي مشتعل بنار و القهر كتلني و حتى اوضحلكم حالتي و معاناتي ,,,
و شكرا جزيلا لكم مقدما
تحياتي للجميع

رد: ما الحل مع زوجي المدمن على السهر
 

الله يعينك حبيبتي,,
والله إللي مثله ماينقعد معاه,,,
الله يصبرك ويفرج همك,,
الدعاء والإستغفار ماتنسيهم.....

رد: ما الحل مع زوجي المدمن على السهر
 

لا حول الله, الله يساعدش عليه ويهديه مسامحه على السؤال بس هل هو يصلي اصلا؟؟ واذا كان يصلي شلون عجل يروح قمار؟؟
واذا ما يصلي هل اهله اللي معودينه على الدلال الزايد يدرون انه ولدهم اللي مدللينه حتى صلاة ما يصلي؟ مو كان مو الواجب عليهم يعلمونه على الاخلاق الحميدة والافعال الزينه؟
اعتقد انه الاهل وتربيتهم لاولادهم ليها دور,هالمرة تناقشي وياه وهو هادي انه اذا سوا جدي ما بتكلمينه مثلا يومين او ما بتسوين له اي شي لا طباخ ولا غسال ولاشي واذا ما نفع قول له انش بتشتكين عليه لاهل
والله يساعدش على ما بلاش

رد: ما الحل مع زوجي المدمن على السهر
 

ياعزيزتي تبينه يحس بوجودك ويفقدك ابعدي عنه
اتركيه وروحي لأهلك مع مرور الوقت بيحس بالعزلة صدقيني
لإن الوجه اللي كان يشوفه أول مايدخل البيت بيفقده
والعين اللي كانت تبكي قهر و رجاء له بيفقدها
وقتها بيحس بغلطه و تقصيره معك و هو يترجاك ترجعي و راح يتغير للأحسن
أنتي جربي و قسي قلبك والله أن الرجال إذا طنشته الحرمة هو يركض وراها ويدور رضاها
ولاعليك من اللي يقول اشغلي نفسك بشيء أنتي تحبيه لالا لإن حياتك كذا غير مستقرة
االزواج استقرار مو كل واحد يشغل نفسه بهواياته والأشياء اللي يحبها
صحيح نسوي الأشياء اللي نحبها ونشغل أنفسنا فيها بس بحياة طبيعية أكثر إستقرار مو وكل واحد بجهه

الله يهديها ويبعده عن هالطريق لإنه حرام
ادعيله بالهداية طريق القمار عسر جداً لإن لو ماتوفر بيده فلوس ممكن يبيع نفسه و أهله وحاجاته

رد: ما الحل مع زوجي المدمن على السهر
 

الله يعينك ويقوي صبرك ..

انصحك اختي بتدخل طرف من اهلك او اهله يكلمه ويفهمه ان الوضع اللي هو فيه غلط ..

حرام فلوسكم وتعبكم بالغربه يروح على القمار..

حاولي تقنعينه يسوي مشروع بالفلوس بدل صرفها عالقمار ويركز شغله وتفكيره عليه لانه مبين من الاشخاص اللي يحب الفلوس تجري بيده ,,

رد: ما الحل مع زوجي المدمن على السهر
 

الف شكر ليكم حبيباتي ام اصيل و ام عمران و احلام وردية على مشاركتكم و نصايحكم ودعواتكم الحلوة ,,,, و الله صحيح كلامك اختي احلام وردية انه اترك البيت و اروح يم اهلي بس المشكلة اني بغير بلد و اهلي عدهم مشاكل الخاصة بيهم و ما اريد ازيد عليهم همهم لان عندي امي راسا تحس و اني ما اريد ازيد همومهم ,,, احسن شي اني وياه بالبيت و مو وياه يعني راح احاول اثقل عليه و اتجنبه لان فعلا اني من بعد البارحة الي صار ميعجبني اطالع بوجهه لان كلش مغثوثة منه و اخته اليوم اتصلت بيه بالصدفة و مجاوب على موبايله و خابرتني اخته و قالت شنو نايمين لان دا اتصل على اخويه ميجاوب قلت الها اخوج بعده في مكان لعب القمار الى الان مراجع ,, تعصبت اخته و قالت بعد ما اكلمه هذه مو تصرفات شخص عاقل و زعلت من اخوها ,,, و الى هسه هو خارج البيت ,,, الله يكون بعوني و الله يهديه ,,, شكرا عزيزاتي لمروركم العطر

تحياتي للجميع

رد: ما الحل مع زوجي المدمن على السهر
 

الله يكون بعوننننك ويفرج لك همك يا أختي الله يهدية ويفتح على قلبة.

رد: ما الحل مع زوجي المدمن على السهر
 

حبيبتي أول شي حرام تصرفي شي من مصاريه لأنها حرام و ملوثة بقذارة القمار الله يجيرنا
تاني شي شو عم تستني لتخبري اهله و عند اللزوم و الله اشتكي عليه
لا تقولي ما بيدي حيله انتي انسانة و فيكي ارادة و عقل اذا ما استخدمتيهم بهيك موقف شو لازمتهم
روحي خبري كمان أهلك مكل الاهالي و الناس عندهم مشاكل ما حد خال بس اذا ما لجأتي لاهلك هلأ ايمتا لكان
و لا تاكلي و لا تشربي من فلوسه و فهميه هالكلام و قفي بوجهه طالما المايسة ما جابت معه نتيجه
و ادعي ربي ينجيه من اللي عم يعمله
هادا حرام