|
سؤال بخصوص ابرة الظهر
مرحبا كيف الحال مين من الاخوات جربت ابرة الظهر؟ انا ابغا اخذها بس فيه ناس خوفوني منها ويقولو تسبب شلل ومادري ايش هل هذا الكلام صحيح؟ وايش هيا الاعراض اللي شعرتوا بيها بعد لما اخذتو الابرة شكرا لكم |
رد: سؤال بخصوص ابرة الظهر
حبيبتي اللي سمعته وعرفته من المجربات
هي لو صار خطاء بسيط تسبب شلل لا قدر الله ولازم اللي يعطيكي هي يكون مختص وشاطر انا شخصيا ما جربتها واخااااف اجربها ونصيحتي لك أختي الغاااااااليه استخيري والله يسهلك أمورك ياااارب والله يسهلك ويقومك بالسلامه |
رد: سؤال بخصوص ابرة الظهر
الله يجزاكي الف خير اختي على ردك وافادتك
والله صرت مشوشة لان كثير ناس قالولي انهم اخذوها وعادي والبعض يقولي لا تاخذيها عشان الشلل لا سمح الله بسبب اي غلطة وفيه دكتورات يقولو عادي والبعض يقول الخيار للام المصيبة اعرف نفسي ما اتحمل الالام،، يالله يالله لو جاني مغص احس اني مرة مريضة وبيغمى عليا اجل ايش الحال لو جيت اولد :( انا ما عمري جربت الولادة هذه حتكون اول مرة على خير بس شايلة هم لاني اعرف نفسي اني من النوع اللي اقل شي يخليني استسلم |
رد: سؤال بخصوص ابرة الظهر
يا اختي شوفي انا لقيت فيديو عاليوتيوب يتكلم عن ابرة الظهر :)
‫ابرة الظهر أثناء الولادة‬‎ - YouTube |
رد: سؤال بخصوص ابرة الظهر
حبيبتي هذا الدكتور في مستشفى
المركز الطبي الدولي بجده وانا ولدت فيه من اربع اياااام والله تعبت موووت وعانيت وسبحاااان الله أختي الولاده تساهيل بس اللي شفته عدم اهتمام بعض الممرضات والنظافه والله يسهلك ويقومك بالسلامه ياااااااارب |
رد: سؤال بخصوص ابرة الظهر
فعلا حسب دراستي ابرة الظهر مستحيل تسبب شلل
مو الا بخطأ بسيط .. لا .. يمكن لو كان الدكتور أحول هههه وهي مو زي الابرة صغيييييرة مرة ولاهي مؤلمة بس شكة دبوس وتوصل بها القسطرة و تلصق بكتفك وتاخدي المخدر ع جرعات يزيدو ويخففو بكيفهم بعض المستشفيات مرة يخففو المخدر فيخف الالم بس شوية لكن تفضلي تتألمي للأسف لكن اللي مفروض انه يعطوكي القدر الكافي اللي يشيل الألم والجهاز بيبين متى يجيك الطلقة فهم يقولولك الحين ادفعي .. وتعلمك كيف .. ولو اعطوك مخدر تمام ماحتحسي انك بتدفعي لكن هو بيصير ههههه اسم الابرة ابيدورال لكن الناس تسميها ابرة ظهر .. وفعلا ماقد صار من يوم اخترعوها حالة شلل ع فكرة .. دايما ازيد واكرر ترى الابرة مو شي جديد عندنا .. هم من زمان من ثلاثين سنة يعطوها في العمليات اللي من البطن وأسفل العمليات العادية .. الجديد انه صارو عادي اللي تبغى تولد بها تولد فالابرة نفسها ماهي جديدة و من سنييييين الاطباء بيستخدموها عأرجال وعالنساء في العمليات العادية وبعدين بدو بها للقيصري والحين من باب التخفيف بالطبيعي فسبحان الله ثلاثين سنة ماثبت احد انشل منها وكل يوم ناس ماخذينها لكن في الولادة فقط صارت خطر !! انتي اهم شي وأول شي .. استخيري .. ثاني شي تأكدي من المستشفى اذا بيعطوك تخدير حقيقي يسوى ولا بس تخفيف ولا كأنك اخذتيها لأنه كذا ماتسوى اصلا وتوكلي على الله اولا واخيرا |
رد: سؤال بخصوص ابرة الظهر
انا عن نفسي جربتها وواااايد نفعتني وارتحت عليها وانشالله اذا ابطقها بالحمله هاااذي باذن الله
انا عن نفسي انصحج فيها |
رد: سؤال بخصوص ابرة الظهر
شوفي يااختي انا تووني ولدت الحمد لله قيصري ليا تسع اياام
وعطوني تخدير نصفي والله ماحسيت الا بوخز خفيف الحمد لله وهذاني اللهم لك الحمد مافيني الا العافيه هي على حسب الدكتور اللي يضربها لك وخفة يده |
رد: سؤال بخصوص ابرة الظهر
انا والد لي 10 ايام واخذت ابره الظهر وكان الدكتور مو شاطر بعد شوي طلع الانبوب صار النج يطلع من ظهري واقولهم
وسووها لي مره ثانيه ولا صار فيني شي الحمدلله يعني مامنها خوف وانا ولادتي الاولى قيصري واخذت نصفي يعني نفسها وصراحه ماتحمل الالم وانشالله اذا الله كاتب احمل باخذها وانصحك تاخذينها هذي رحمه من ربي |
رد: سؤال بخصوص ابرة الظهر
http://forum.hwaml.com/t154620.html يمكن يفيدك بشي ياقلبي والله يسهلك ويقومك بالسلامه يااااارب واستخيري الله سبحاااااانه وتعااااله |
| الساعة الآن 06:55 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .