|
الدوااااام قرررب ونبي نظاااااام
مرحبااا للكل
اممم بما ان الًدوام مرره قرب وانتهينا من العطله ورمضان والعيد وكل عام وانتو بخير ان شاءالله انا طالبه ادرس بالكليه ومتزوجه وزوجي مدرس ووضعي ابد مو تمام من ناحية النظام والترتيب تخيلو لي سنه متزوجه وللحين ماحسيت باستقرار حتى زوجي دايم يشتكي ويقولي مافي استقرار ولاترتيب ولاطبخ وحياتي. وانا عزوبي كنت مرتب ومنظم طولت عليكم وسردت عليكم قصة حياتي الزبده تكفووون ياحريييم ابي مساعدتكم ونظام وترتيب انشي عليه من اصبح الين امسي ابي كل شي مرتب وكل شي له وقته انا دوامي من 7 الى 12ونص يوميا دلوني على طريقه سهله اخلي بيتي يلق فيها بيتي غرفة نوم ودورة مياه للحريم وصاله ومطبخ ومقلط ومجلس رجال ودوره مياه رجال ودرج لاني بالدور الثاني وغسيل الملابس حكايه ثانيه مع اني عندي غساله اتوماتيك الا ان زوجي ملابسه كلها بالمغسله كل وحده تقولي وش نظامها |
رد: الدوااااام قرررب ونبي نظاااااام
حبيبتي ..
خصصي وقت للترتييب ساعتيين كل يوم وقت مازوجك يكون خارج البيت او نايم.. واذا انتي بشقة فشقه ماتاخذ وقت بالترتييب .. |
رد: الدوااااام قرررب ونبي نظاااااام
حتى انا بعد ابغى نظام امشي علية ..انا مثلها صار لي سنة و شهرين و وضعي مرررة ملخبط لا وازيدكم من الشعر بيت جبت بنوتة حلوة زادتني لخبطة .. انا دوامي بالجامعة من 8 الصباح الى 2 او احيانا 4 العصر ب.ب
|
رد: الدوااااام قرررب ونبي نظاااااام
إمممممممممممممم
حالتكم صعبه مالها حللل أبد,,, خخخخخخخخخ لا والله حبيباتي في حلول وأنصاص حلول بعد وهذي طبيعة أول سنة زواج عادي المهم,, بعطيكم جدولي مع إن هالجدول فعقلي مو ورقة وقلم وخرابيط........ لالالالالا فعقلي وبس يعني وقت أحصل شغل أسوية بس بنظام عشان أنا ماأتعب وعشان أخلص بسرعه يعني مثلآ في غسيل ملابس وكنس بيت أو تنظيف وطبخ إش أسوي أول شي أقسم الملابس وأبلش غسيل وفورآ عالمطبخ أجهز حق الطبخ وبعدين أمر عالغساله أشيل الملابس وبدالهم ملابس ماإنغسلت وأرجع المطبخ أركمل طبخ وبعدين أكنس>>>مو كنيس وخلاص أحدد منطقة الجلوس وغرفة النوم والصالة ........يعني أبدء أكنس الآماكن الضرورية فالبيت,, وباقي البيت حق بكره ,,,, مثل ماقلت من قبل عشان مانتعب بالشغل اليوم خلاص خلصتي شغلك الضروري بكرة قومي كملي الكنيس حق باقي البيت وصلحي أكلك قهوتك أي شي روحي حطي طاولة الكوي في ملابس كثيرة يبلها كوي خذي الملابس إللي لزمن حتمن تلبسونها مثلآ ملابس زوجك الداخليه ملابس الكلية هذي من الضروريات وكويها برواق وخلي عندك بخاخ ماء يسرع الكوي,,, ريحي شوي وقومي سوي الشغلات الثانية إللي تحبي تسويها طبخ دراسة تتقهوي تنامي مو مشكلة المهم تعرفي حالك مخلصه شغل والله يابنات لو تشوفوني قاعده بالبيت وهذا نظامي ماأحب الشغل الكثييييرر والمراكض والتعب على غير سنع تقولون موظفة ماشاء الله وبلحق حق هالوظيفه هههههههههه الله يرزقني من واسع فضله........ |
رد: الدوااااام قرررب ونبي نظاااااام
ياقلبي انا اكبر وحده ملخبطه بينكم
بس في نظام براسي وانشا الله ينفع اولا بما نك طالبه والرجل السعودي يحب الكبسه ونادرا تلقين رجال يتغدى خفايف قبل ما تنامين الليله اللي قبل سوي مرقه الغدا يعني اطبخي الدجاج او اللحمه بس من دون الرز واذا رجعتي من الدوام سخني المرق وبعدين كملي الكبسه اذكر وحده من زميلاتي كانت كل جمعه تسوي اكل حق اسبوع وحلا وصواني مكرونه وخضار بس مره ها النظام مو حلوو لانه حلاه الاكل كله بيومه وان طول يومين ثانيا خلي غسيل الملابس كل بعد يومين واليوم اللي بعده يكون كوي وتنظيف البيت نظفي الغرفه الي تقعدون فيها قبل الغدا وراح تستمر معك نظافتها الى الليل وكل يوم على ها الحال اما المجالس وباقي اللبيت اكيد ماراح تستخدمونه يوميا فرتبيه ونظفيه وكنسيه اجازه الاسبوع احسن لك واتمني نظامي يكون خفيف عليكم وافدتكم انشا الله |
رد: الدوااااام قرررب ونبي نظاااااام
شوفي حبيبتي مش هقدر اقولك على نظام معين لبيتك انا متزوجه من سنتين والحمد لله الى الان ماشيه على نظام مرررررررره مريحني بس راح اكتبه في موضع خاص لاني بطول وعشان الكل يستفيد
|
| الساعة الآن 06:58 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .