|
مطلقة العيد
السلام عليكم حبيت اكتب قصتي واتمني منكم تدعون لي انا تزوجت من اكثر من عشر سنوات حبيت زوجي وهو حبني وكان طول وقته يعبر لي عن حبه وانه مايقدر يعيش بدوني ماكتب لي ربي اطفال والسبب مني وهو راضي بقضا الله لانه يموت فيني لكن اهله يبونه يتزوج ولما شافوه معارض يتزوج علي اجبروه يطلقني وللاسف اعطاني عيديتي هذا العيد بطلاقي طلقني وهو يبكي ورحت لاهلي وهو طول الطريق يبكي لانه طلقني انا بعد بكيت دم ماتوقعته يتخلى عني كنت اطلب منه يتزوج بس هو الي رافض صارلي اكثر من اسبوع من طلقني تعبت من التفكير فيه احبه بجنون اتمنا انساه فكرت ارسل له بعدين غيرت راي قلت هو الي باعني حسبي الله ع من فرق بينا وش ذنبي اذا ربي ماكتب لي احمل هو صبر معي ماقصر لكن اهله مارحموني ولا رحموه وهم عارفين انه يموت علي الحمد لله عند اهلي مو ناقصني شي لكني احبه واتمني انساه انا هالايام جدا مهمومه انصحوني وجهوني ولا تنسون تدعون لي والملائكه تقول ولك بمثلها الله يصبرني ،،، |
رد: مطلقة العيد
الله يعوضج يالغاليه بالي احسن منه ..
وماتدرين يمكن خيره لج بإذن الله دوم تصير علينا شغلات نتضايق منها ونحزن زبمرور الزمن نكتشف ان ربي جعلها خيره . يالغاليه انصحج تطلعين تغيرين جو إما بسفره او تجتمعين مع ناس ترتاحين لهم والزمن يالغاليه كفيل بمداوات الجروح ,, |
رد: مطلقة العيد
صباح الخير حبيبتي مطلقة العيد بصراحه تحسفت عليكي الله يلوم اللي يلومك يحقلك تنقهرين بس مالك غير الصبر والصلاة وربي يعوضك ياالغاليه انا حاسه فيك بس حاولي تنسين وتفتحين صفحه جديده والدنيا ماتوقف عند احد واانا اختك خليه يولي هو الخسران ربي يرزقك زوج ويكتبلك الذريه الصالحه واالخيره فيما اختاره الله وسعي صدرك ياحبيبتي اضحكي للدنيا تضحك لك اكيد
|
رد: مطلقة العيد
خيره لك ماتدرين وش الخيره فيه..
ولوجبتي منه عيال غثوك وبغثروك بكل شئ لا في طفلك في مستقبل ولا طليقك بس الحمدالله رب العالمين نعمه لك الحمدالله ابد الله ماينسى عبده عليك بدعاااء ثلث الليل والاستغفار وكرري هاالدعاء ربي اني لما انزلت الي من خير فقير ربي لاتذرني فردآ وأنت خير الوارثين ومنها الرقيه وفي آخر ساعه نهار يوم الجمعه ابد ربي يعوضك بااللي احسسسن منه واهله لهم رب يحاسبهم وبيشوفونه في نفسياتهم لاتخافين دام انك مظلوومه الدنيا دواره الله يكفينا شرهاا وتشوفين ولعزتي ولجلالي لأنصرنك لو بعد حين حسبي الله ونعم الوكيل الله يرزقك برجل الصالح اللي يخاف الله ويتقيه |
رد: مطلقة العيد
حبيبتي الله يعووضك خخير بالرجال
طيب انتي لو بتتحملي الضرة كنتي ضلي على ذمته مممكن الله يرزقك فيما بعد اطفال .. الله يعوضك خير برجل واطفال كمان طولي بالك واحتسبي الاجر |
رد: مطلقة العيد
ياقلبي الله يهون عليك مصيبتك والله قهررررر وربي يعلم تاثرت بقصتك كثير
الله يجيرك بمصيبتك بس ترا هو غلطان كثير مكان لازم يرد عليهم انا بقولك شئ انا كمان متزوجه لي 10 سنوات ونص وماعندي اولاد والعيب فيني وزوجي يموت فيني ورومانسي معاي كثيررررر والله انو مرات احسه يحبني اكثر مااحبه وامه كمن مرة تقول تزوج ثانيه تعرفي يخاصمها ولايكلمها يقول لها الا زوجتي وماحب دا الكلام والا باخذ زوجتي وببترك البيت ولابتشوفونى سامحيني طولت بالسالفه بس حسييت انك مثلي والله انقهرت عليك بس ليش ماسويتي اطفال انابيب محاوله والله انا سويت 3 مرات وفشلت وبسوي الشهر الجاي يعني لاتياسي حاولى ترجعيلو وسوو اطفال انابيب الله كريم يوفقك يارب |
رد: مطلقة العيد
مش تزعلي والله كل حاجه بتحصل ليكي اكيد خير وحكمه من ربنا وربنا يصبرك انا حسه قوي بيكي استغفري كتير ومش تقعدي لوحدك واضحكي وغيري جو وحولي تروحي تعملي عمرة الله يعينك وتقدري علي النسيان
|
رد: مطلقة العيد
ربي يعطيكم العافيه جميعا كلامكم ريحني كثير والله يصبرني ويعنني انساه وينصرني ع من كان السبب وجعل كل حرف واسيتوني فيه في ميزان حسناتك |
رد: مطلقة العيد
الله يعوضك بالي افضل منه ان شا الله والي نساك من شان أهله انسيه ما يستحق التفكير فيه الله يوفقك ويسر أمرك بإذنه سبحانه
|
رد: مطلقة العيد
ان شا الله يرجع لعقله ويرجع لج ويتأسف منج.. كونج ما تنجبين هذا مو ذنب تُعاقبين عليه.. الله يجمعكم ان شا الله ويصرف عنكم كيد الناس..
|
| الساعة الآن 02:46 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .