منتديات حوامل النسائية - احلى عيد بحياتي باركولي وهنوني حاااااااااامل

منتديات حوامل النسائية (https://naqatube.com/index.php)

- منتدى أعراض الحمل والوحام (https://naqatube.com/forumdisplay.php?f=8)

احلى عيد بحياتي باركولي وهنوني حاااااااااامل

السلام عليكم ورحمة الله وبركاته كل عام وانتو بالف خير وعيد مبارك عليكن وعلينا وعلى امة سيدنا محمد صلى الله عليه وسلم
حبيباتي انا والحمدلله رب العالمين حاااامل قولوا ماشاءالله لاقوة الابالله اللهم بارك فيّ وفي جنيني وحملي وزوجي اللهم بارك علينا
اخواتي صباح العيد وقبل موعد دورتي بيوم عملت اختبار حمل كليربلو ديجتال وطلعت الحمدلله حامل مع اني نزلت موضوع قبل كام يوم اني عملت تحليل قبل الدورة بأربع ايام بكليربلوديجتال وطلعلي مش حامل بس كنت حاسي اني حامل لان كانت فيني اعراض غريبي شوي وانا اليوم موعد دورتي وعملت التحليل امبارح اول ماصحيت يعني صباح العيد ورجعت عملتو قبل مانام والحمدلله الاثنين كانوا برجنينت الحمدلله يابنات انا كتير مبسوطة الله لايحرم هالفرحة لاي بنت في العالم والله يابنات من لما صحيت صباح العيد كنت حاسي انو رب العالمين مارح يخيب املي ويحرمني من هالفرحة بالعيد اللهم لك الحمد وكان زوجي صحيان قبلي وقاعد بالصالون وهو طبعا مابيعرفني رح اعمل اختبار وطلعت من الحمام وماعم شوف قدامي وركضت عليه وقلتلو حبيبي شوووف وعطيتو الاختبار وانا عم ارجف طلع هيك قلي حامل ولفينا بعض وانا صرت ابكي واشكرالله سبحانه وزوجي عم يضحك ويدعي
والله يابنات هاد احلى يوم واحلى عيد بحياتي
الله يجزيكن الخير ياأخواتي على وقفتكن جنبي ودعائكن الطيب ومواساتكن الي بأصعب لحظات مريت فيها اكيد يللي متابعني وبيقرا مواضيعي بشوف قديش عانيت واتعذبت بعد الاجهاض من شماتة سلفتي وأمها ومن تشكيك حماتي بحملي وتلطيش الحكي بس الحمدلله الله عوضني بعد عذابي فرح الله يثبت حملي ويحفظ جنيني من الحسد والعين ومن كل شرآمين يارب انا يابنات لحظة اللي اجهضت فيها وشفت فيها جنيني بين ادي كنت رح موت من القهر بس دعيت ربي يعوضني من كل قلبي والحمدلله كرم رب العالمين مالو حدود
وعلى فكرة يابنات انا ماخبرت حدى غير اهلي واهل زوجي بس واحد من اخوان زوجي يللي عايشين معنا بنفس البلد ماخبرناهن لان قلتلكن سلفتي وامها مابريدولنا الخير وكمان خبرت أهلي بسوريا انهن مايخبروا حدى بتعرفو بنات مشان العين والحسد الله يحمينا منهن لان الحمل والاطفال حلم كتيرحلوبالنسبة الي وخاصة لاني بغربة بامريكا بعيدي عن كل اهلي والله عليم ايمت رح الله يجمعني فيهن بقى شو رايكن بنات تصرفي وخوفي صح ولا عم بالغ؟
الله يوفقكن بنات ادعولي الله يثبت حملي ويحفظ جنيني ويجعلو كامل الخلقة ويكون سليم ومعافى من كل نقص او زيادة دعائكن الي فيه بركة الله يجزيكن الخير
بنات انا اليوم زوجي رح ياخدلي موعد من الدكتورة ياترى شو ممكن الدكتورة تفحصلي وشو ممكن يبين معها من هلق وشو رح تعملي وممكن يبين معها الجنين هلق ؟سامحوني بنات عالاطالة والاسئلة الكتيري بس انتو خواتي وبحب شاركن بفرحي وبكلشي بحياتي
ودعولي بالبركة الي ولجنيني وقولوا ماشاءالله لاقوة الابالله
بالنسبة لاعراضي كتبتها بموضوع من كام يوم وبحب ضيف اني عم اشتهي المالح كتير وعم اكره الحلو
وكل عام وانتو بالف خير