منتديات حوامل النسائية - دم بسيط فى وقت الدوره ممكن يكون حمل ؟

بسم الله الرحمن الرحيم
السلام عليكن ورحمة الله وبركاته
انا عضوه جديده وده اول موضوع ليا هنا
بس انا متابعه المنتدى بقالى فتره
عندى استفسار ويارب الاقى اجابه عندكو
انا هحكى بالتفصيل شويه معلش استحملونى
متزوجه من 7 شهور ولسه ربنا ماراد بالحمل
عملت تحليل البرولاكتين وطلع عالى واخدت علاج تقريبا لمدة 3 شهور بس معرفش نسبة كام دلوقتى
من 3 شهور اخدت منظم للدوره اسمه cyclo-progynova
اخدته شهر رجب وشعبان وكانت الدوره بتنزل فى اليوم ال28 كل شهر
فى رمضان ماخدتش العلاج ده والدوره كانت نزلت فى اول يوم من رمضان
فى اليوم ال19 كان عندى الم جامد فى المبايض وفى اسفل الظهر مع انتفاخات فظيعه
فضل الالم ده لمدة 4 ايام تقريبا
فى اليوم ال27 نزل افرازات بنى خفيفه قولت خلاص هتنزل
فى اليوم 28 الافرازات بقت وردى وبسيطه جدا
فى اليوم 29 الصبح الافرازات بقا بيضه شفافه ومعاها دم قولت يبقا كده نزلت الدوره
ونضفت الشقه عشان العيد كل سنه وانتو طيبين
وعملت مجهود جامد لحد بعد العصر
دخلت الحمام ملقتش اى حاجه نزلت
بعدها بحوالى 3 ساعات نزل افرازات فيها دم زياده شويه عن قبل كده شبه دم الدوره بس بسيط
بعدها بقا منزلش دم تانى خالص
نزلت افرازات شفافه زى علامة الطهر كده
واحياننا تبقى وردى
واحيانا تبقا بيج بتشكل يعنى
عامله كوكتيل هههههههههههههه
بس بسيطه خالص يدوب لو مسحت بمنديل اشوفها غير كده الاندر نضيف
جيت قولت يمكن حمل عملت الاختبار المنزلى النهارده الصبح الى هو اليوم ال31منها مظهرش فيه حاجه
بعدها بفتره بصيت فيه تانى حسيت ان فى خط رفيع خفييييييييف اوى قولت يمكن بيتهيئلى
وريته لزوجى شافه بس قالى لا ده علامه فى الشريط بيسكتنى يعنى
انا بقا دلوقتى مش عارفه اعمل ايه
بقول يمكن معاد الدوره لسه ماجاش الى هى على حساباتى بعد 35 يوم يعنى فاضل 4 ايام
وممكن يكون فى حمل بس مش ظاهر
ولا الدوره كده نزلت خلاص وده معادها
انا اسفه على الاطاله بس والله محتاره اوووووووووووووووى
ادعولى بالله عليكو بالذريه الصالحه واكون حامل