|
متى يبان جنس الجنين
بسم الله الرحمن الرحيم
السلام عليكم ورحمة الله وبركاته كيفكم ان شاء الله بخير حبيباتي انا الحين ب الاسبوع 15 من الحمل حبيت أسألكم اقدر اعرف جنس الجنين الحين ولا متى ووين اقدر أسوي أشعه ثلاثي الابعاد او رباعي الابعاد ومين قد سوت هالاشعه ياليت تفيدني انا ساكنه في الخبر والله يتمم لي ولكل حامل بإذن الله وربي يسهل علينا |
رد: متى يبان جنس الجنين
الله يتمم عليك وعلي
ما بيني وبينك الا اسبوع الله يسهلنا يارب الي اعرفه يا عسل بعد الاسبوع 20 تسوين الاشعة أوضح لك لأنهم بيشككونك بيقولون لك يمكن ً كذا... مااراح يئئكدون لك. ويريحون قلبك واتمنى البنات يفيدونك اكثر |
رد: متى يبان جنس الجنين
اللهم أمين أنا أسمع كثييييير يمدحون دكتوره امل بسيوني وأشجان في معرفة جنس المولود و ماأدري أبي أشوف راي البنات والله يرزقنا بالذريه الصالحه المعافاه |
رد: متى يبان جنس الجنين
انا بان من الأسبوع 16 بس كان مو واضح ومو اكيد
وصلت الحين الاسبوع 23 وتأكدت من الجنس وماتغير بس في بنات واجد في الشهر الرابع بان معهم الجنس بس لما ادخلو الخامس تغير انتي سوي سونار وانتي بالخامس احسن عشان يكون واضح واكيد |
رد: متى يبان جنس الجنين
يعطيك العافيه ي قلبي
الله يكتب اللي فيه الخير |
رد: متى يبان جنس الجنين
السونار الاكيد بدون اخطاء من الاسبوع 20
اما قبل الاسبوع العشرين فهو يحتمل الخطأ بنسبة كبيرة والسونار الرباعي سويه وانتي بالشهر السادس عشان يكون كل شي واضح وماتخسري فلوسك ع الفاضي وربي يحفظ جنينك |
رد: متى يبان جنس الجنين
يبان في الاسبوع 17
روحي لأي مستوصف واسالي عن اشعه رباعيه الابعاد واعتقد انه متوفر في اغلب المراكز بتلقينه ب 350 ريال والمستشفيات الكبيره يكون ب 700 ويعطونك سي دي ذكرى فديو للبيبي مدته 3 دقايق او اقل وبتوريك لمده نص ساعه بالشاشه حركات الطفل والجنس يكون دقيق احسن شي روحي في الشهر السادس علشان تبين ملامحه بعد الشهر السابع ترفض الدكتوره التصوير الرباعي لكبر حجم البيبي |
رد: متى يبان جنس الجنين
الله يعطيكم العافيه حبايبي بس أنا أبي أشتري أشياء البيبي من ألحين متحمسه < هههههههههه |
رد: متى يبان جنس الجنين
بعد الاسبوع 20 توكلي على الله
صبرتي كثير وماباقي غير القليل اخذي اشياء ثانيه للجنين المهد وقاعده الاستحمام ومفارش للجنين وتكون الوانها فاتحه وحلوه بني اصفر اخضر برتقالي يعني لاتاخذين ازرق او وردي عشان الحمل اللى عقبه اخذي شي للعمر وحلو وملابس الجنين اخذيها بعد ماتتاكدين من نوع الجنس عشان تتقضين على راحتج كل شي حاجه لين يبين الجنس الاكيد وبلشي بالملابس والشطنه واغراض المستشفي والله يسهل عليج ويقومج بالسلامه |
رد: متى يبان جنس الجنين
عندك الدكتورة وفاء شنبو في سعد التخصصي عرفت
جنس الجنين من الاسبوع 13 ماشاء الله عليها يعني وانا بالشهر الثالث ربي يرزقك الطفل السليم المعافى وكل الحوامل يارب |
| الساعة الآن 12:31 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .