|
ارجوكم ساعدوني والله يفرج على اللي ترد
السلام عليكم
كيفكم لو سمحتو انا عندي مشكله وابي لها حل والله يفرجها على اللي تدور لي حل انا ولد خالتي بشهر ثمانيه جاب رقمي وصار حاكيني على الواتس وكل يوم يسولف ويهرج وصار يسالني وش نظرتي لزواج قلت الحين ما افكر بلزواج افكر بدراسني ومستقبلي وصار يهرج انو الزواج اساس الحياه لين ما اقتنعت بفكرة الزواج وبعدها بكم اسبوع سالني قال لو جا احد وتقدم لك توافقين انا هنا سكت ارتبكت ماعرفت ارد صرت اقول والله مدري اذا جا احد ذيك الحزه افكر. وبعدين قالي لوو احبك تبادليني قالت انا معترف بحب. مالو نهاية ةمايربط بشي وعصبة انو ليه تكلم معي كذا وضليت ازن قلت ابي اعرف ليه سالت ذا السوال وبعد زن مني رد علي وقال بس اقيس نبضك وكل ما يتكلم يقول انا معجب فيك وصارحني وقال انا احبك وانتي انسانه خلوقه وصرت بس ارد عليه بشكر قلت يمكن تعلق فيا من اخواته يمكن مدحوني لنو اتزوج اخوه نهاية شهر سبعه وانو اشتغلت معاهم ووقفت واتوقع مدحوني وصار يتماد بلكلام ويقول كلام متزوجين لدرجه اغير السألفه ويرجع يفتحها وكذا مره يتكلم كذا وانا اتجاهل واليومين ذي قال انه بيسافر دبي وبيجيب لي هديه انا عصبة قلت لا تجيب ولا تتعب نفسك لني مراح اخذ شي من وراء اهلي صار يقول دبري لنا حل وخذيها وقمت هزاتو. بعدين صارت اقول ليه ماتزوج صار قول الزواج يباله مصارريف وكذا وقال لي اتا افضل قبل ما املك انو يكون فيه تعارف بيني وبينن اللي بخذها صرت اقوله ومن متى صار عند العتبان ذا الشي. وهو يقصدني بذا الكلام بس انا متجاهله ورجع فتح سالفة الهديه بيجيبها العيد قلت خلي هديتك للي بتزوحها واعطيها ةقال يمكن انتي انا قلت له ما احب احد يمزح بذي الامور قال صدق يمكن تكوني انتي قلت له لو تبا تعرف بيت اهلي قال كيد وانا والله وحده ما احب اعدم ثقه اهلي لو عرفو اهلي اني اكلمه بيزعلو وقد قلتله انا وحده ما احب اعدم ثقه اهلي فيني قال انا ماسويت لك شي والصراحه انا ابغى اقطع علاقتي بيه قبل ما يجي العيد ةابا افهمو انو لو يباني يجي يتقدم خطوه بس احس فشله وش اقول وش اخلي كلام كثير والله قالو وانا زعلانه على نفسي من اللي جالسه اسويه وانا وحده فاهمه الحياه وانا اخاف انو قال يمكن اللي بتزوجها انتي بس عشان يعلقني فيه سالتكم بلله تشوفون لي حل وكيف اتصرف والله لا ليليىليل ولا نهاري نهار |
رد: ارجوكم ساعدوني والله يفرج على اللي ترد
مفروض من الاساس اول ماكلمك قلتي لامك او اي احد اكبر منك يتصرف وياه لان الي يسويه عيب وحرام وقولي الحين لامك تكلمه او تكلم امه عشان تشوف له حل عشان لايتطور الموضوع لشيء اكبر والله يعينك ويساعدك
|
رد: ارجوكم ساعدوني والله يفرج على اللي ترد
انتي من البدايه ليشً عطيته مجال يحاكيك وكيف جاب رقمك وبصراحه احس عيب يكلمك لو جاد ويبيك عيال الناس يجون مع الباب مؤ من وراء اهلك انا أشور عليك سوي له حظر في الواتس. واذا يحبك ويبيك زوجه بالحلال راح يجئ يخطبك والوقت يبين لك صادق ولا يلعب
|
رد: ارجوكم ساعدوني والله يفرج على اللي ترد
اقتباس:
|
رد: ارجوكم ساعدوني والله يفرج على اللي ترد
اقتباس:
|
رد: ارجوكم ساعدوني والله يفرج على اللي ترد
ياقلبي حطي حظر له
واذا يبيك فعلا يعرف الباب يمكن يجس النبض عندك تسولفي مع شباب او لا فالافضل احظريه وانهي العلاقه به وهو يعرف درب باب بيتكم خليك قويه ومعتزه بنفسك قولي له راح احظرك لاني ماعندي علاقه الا اخواني وابوي واذا عندك شي ثاني قل اذا ترضى اخوي يكلم اختك قلي اقول لاخوي يكلمها وشوفي رده فعله راح يقوووول لا |
رد: ارجوكم ساعدوني والله يفرج على اللي ترد
آلمشكله مو كبيره بيدك تقدرين تنهينها أنتي غلطآنه يآبنت كيف تكلمينه حتى لو واتس هو لو يبيك جد مارضى لك
بهالشي صدقيني بكره لاتزوجك بيجلس يشك فيك ويعايرك يمكن هو حب يجربك وانتي للأسف طلعتي من التجربه اكيد خسرانه راح يقول دامها رضت تكلمني اكيد كلمت غيري وكيف تخونين ثقة اهلك حرام عليك روحي وغيري رقم جوالك ولا سوي له حضر انتي بنت قبايل عيب اللي تسوينه وتخونين ربك قبل اهلك تراك وصوني الرجال اللي بتاخذينه قبل ماتتزوجينه تخيلي تزوجتي غير ولد خالتك وزوجك طيب معاك راح تتذكرين ماضيك وتندمين كثير فصوني نفسك من الحين وخافي الله ولد خالتك وقفيه عند حده كانه يبيك يدق الباب اكتبي له انا اللي سويته غلط وانت لو تحبني مارضيت اسي اللي سويته انا خنت ربي واهلي ومنت بنافعني بقبري خاف الله بنفسك وفيني وابتعد عني وبس روحي حذفيه ولا غيري رقمك والفضل تغيرين رقمك |
رد: ارجوكم ساعدوني والله يفرج على اللي ترد
والله انا كل يوم ابكي انا ماني راضيه على اللي جالسه اسويه قاعده بسوي حاجه غلط كل ما اشوف ابوي مقدر احط عيني بعينه واقول انا مو قد الثقه اللي عطاني اياها ولو غيرت رقمي بيرجع يجيبه بس مالي الا اكلمه واقوله امسح رقمي
|
رد: ارجوكم ساعدوني والله يفرج على اللي ترد
انا اللي اشوفه انه قريبك ومافيها عيب انه يكون بينك وبينه كلام ولاكن يجب يكون الكلام رسمي والكل عارف بالموضوع
<< عموما نمط عيشه بعض العائلات تختلف ... بس انا من رايي مااشوفها عيب مكالمتك معه ولاكن لازم تكون بحدوود وانتي تبغينه ومن الواضح انه يبيك .. وانا من رايي انك قلتي كل الي عندك له وخلاص . ولاتكلمينه ولاتقبلين منه هدايا ... لانه صدقيني لو سويتي كذا وصار بينكم نصيب راح تبقى شخصيتك مهزوزه قدامه ومايثق فيك فريحي نفسك من هالامور كلها ... ^ هذا رايي :) |
رد: ارجوكم ساعدوني والله يفرج على اللي ترد
حبيت اقولكم أ تكلمت مع ولد خالتي وصرت اقوله اللي اسويه غلط وانا لين هنا وخلاص معاد اثدراخخد واعطي معك وزعل من طريقة كلامي وقلت له لوتبي حب ومن ذا الكلام تعرف بيت اهلي سكتوقلت له لو سمحت ليت تحذف رقمي مرهه وقال طيب طلع ماعنده سالفه كل كلامه مجرد كلام واشكر كل وحده انبهتني والله يجزيكم الف خير
|
| الساعة الآن 10:45 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .