|
كيف تنظمين وقتك مع البيبي الجديد ؟؟؟
السلام عليكم
كيفكم بنات وأخباركم مع رمضان بنات انا ولدت من شهر تقريبا وبنتي دايما تبكي وللعلم ولدت بعمليه بيتي صار كله مكركب وما اقدر اشتغل نفسي ارجع مثل الأول دايما تعبانه وبس بنتي تنام استغل الفرصه وانام معها وزوجي صار يتضايق من تصرفاتي اهملت بواجباتي معه واهملت نفسي والله نفسيتي تعبت وحابه تساعدوني هل في أحد عانى مثلي متى وكيف رجعت الامور لمجاريها ؟؟ |
رد: كيف تنظمين وقتك مع البيبي الجديد ؟؟؟
عادي حبيبتي اكيد راح تتكركب امورك
لان حياتك تغيرت والطفل اول اشهر يكون متعب ويكون نومه متقطع انتي حاولي قدر الامكان من تنام بنتك سوي الاشياء الضروريه وان شاء الله فتره وتعدي اصبري وربي يكون بعونك |
رد: كيف تنظمين وقتك مع البيبي الجديد ؟؟؟
تسلمي حبيبه على الرد اعطتيني امل ارجع سنعه مثل الاول
|
رد: كيف تنظمين وقتك مع البيبي الجديد ؟؟؟
اول ثلاث شهور كلها كركبه بكربه
حاولي تسوي الشغلات الضروريه وزوجك فهميه انو مع السهر وكذا تعب عليك ووو راح تعدي صديقي |
رد: كيف تنظمين وقتك مع البيبي الجديد ؟؟؟
تسلمي حبيبتي حنون بيبي
|
رد: كيف تنظمين وقتك مع البيبي الجديد ؟؟؟
السلام عليكم
عزيزتي أنا شخصيا ما احب العفسه مااحب انام و البيت في شي معفس .. و مكركب .. فا لما حملت حملي الاول.. كنت بين ترتيب بيت و اهتمام في طفل و اهتمام بزوج و بنفسي و الخ ... تعبت لكن تعبت اكثر بعد الولاده خصوصا ان محد عاوني من اهل زوجي.. و انا بكريه .. فا اهلي كانو يعرضون علي المساعده كنت ارفضها و احاول اضغط على نفسي و ارجع مثل قبل .. حالتي كانت اصعب من حالتك انتي بنتك و نفسك و زوجك و بس انا كان عندي طفل ثاني يبي اهتمام و مواعيد نومه تختلف عن مواعيد نوم اخته .. كنت أجهد نفسي و ارتب المطبخ و الصاله و غرفة نومي و البقيه اجمعهم بغرفة الولد .. يعني الكوي و اكياس اللي باقي لها ترتيب و هيك امور .. و تبقى عندي غرفة وحده بلبيت معفوسه فوووووووووووووق تحت .. تنام بنتي على طوووووووول اشتغل بلبيت و الحمدالله كانت من النوع اللي نومها طويل.. و اخلص شغل البيت اسبح و زوجي يرجع من الدوام اخليه يرتاح ساعه ساعتين بعدها .. البيت نظيف و العشاء جاهز اوقات .. بعد ما يصحى زوجي بعدها بنص ساعه اذا ما عاد فيني حيل ارضع البنت اغير لها ملابسها و حفاظتها و اقولها امسك بنتك ساعه او ساعتين خلني اروح انام هههههههههههه لكن الاغلب اني ما كنت انام في اول 3 شهور كنت اضغط على نفسي قسيت على نفسي كثير عشان ما احتاج لا احد استقريت بعد 6 شهور .. لان اول 3 شهور الى 4 شهور البيبي عنده تقلبات بسبب الغازات اللي بلبطن .. بعدها شهرين عشان يستقر نومها و سبحان الله بنتي استقر نومها و استعدت حيويتي و نشاطي التام و صرت اروح النادي اسوي رياضه .. بعد شهر حملت ربي كاتب لي الحمل.. زوجك اقعدي معاه و فهمي برواقه انك مشتاقه له و نفسك يكون فيه وقت بينكم اطول لكن في ضيف جديد بلبيت لازم تتقبلونه هلفتره هي فتره و بتعدي و انك محتاجه له يساعدك و يصبر و يتحمل هلفتره الى حد ما يقوى جسمك .. و بس .. انتي لا تفكرين كثير المهم تكون عندك الرغبه و القوه و العزيمه انك ترجعي مثل قبل و كل شي بيرجع مثل قبل و احسن انشالله .. |
رد: كيف تنظمين وقتك مع البيبي الجديد ؟؟؟
الله يوفقك اختي مشاعل والله ريحتيني واستفدت من كلامك وانا بعد مثلك بكريه ومافي احد ساعدني وولدت قيصري والله الم العمليه لليوم مموتني يللا ربي يعين
|
رد: كيف تنظمين وقتك مع البيبي الجديد ؟؟؟
الله يكون في عونك حبيبتي
اصعب شي لما يكون الزوج مايقدر ضروف زوجتو ويشيل معها شوي من هالمسؤولية الله المستعان حبيبتي وربي يسخرلك زوجك ويسخرلي زوجي ياارب اح ـترامي / |
رد: كيف تنظمين وقتك مع البيبي الجديد ؟؟؟
امين يا رب
|
رد: كيف تنظمين وقتك مع البيبي الجديد ؟؟؟
والله ياقلبي النساء دايما مكروفااات ... وملوومات اذا قصروا ... طيب ليه ؟!
الرحمه مطلوبه ... تدروون يابنات اتمنى امنيه وحده بس ان الرجاااال يجربوون الولاده وشقاها بس مره وحده <<هههههه عشاان يحسون باللي نحس فيه ^^ عذرا بس طلعت اللي بقلبي |
| الساعة الآن 09:05 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .