|
ساعدوني بخلية نحل
ياحلوات زوجي مشتهي على الفطوره خلية نحل
ابي عجينه مضبوطه وتكفيني انا وزوجي يعني ماتكون كثيره تكفون ضرووري لاتفشلوني طلبتكم |
رد: ساعدوني بخلية نحل
شوفي ياعمري انا كنت مااعرف اسوي خليه النحل وطلب مني زوجي خليه نحل وتورطت ولاني كنت مسافره تحججت ان فرن الشقه الي انا فيها خربان نزل يبي يشتري فرن كهربائي علشان هالخليه وتورطت بس ربك ستر ومالقى محل مفتوح خخخ ورجعت ودورت بالنت عجاين وجربت كثييير بس تفشل المهم طحت على عجينه لاتعلمينها لعدوك خخخ حتى حماتي قاللتي قدام زوجي خليتك كانها الجاهزه الي بالاسواق عاد انا شفت نفسي مايدرون اني ماعمري ضبطتها
ماتلاحظين اني قلت قصه حياتي هههه بروح اجيب جوالي واكتب لك المقادير |
رد: ساعدوني بخلية نحل
ياحبيلك قرعوطه
ايه تكفين عطني الطريقه الله يفرجلك |
رد: ساعدوني بخلية نحل
المقادير
بياله زيت 3ملاغق حليب بودره 3ملاعق سكر خشن 2ملعقه خميره فوريه كاس طحين ابيض منخول يفضل ان يكون دقيق كويتي كاس ونص ماء دافي دافي هاه بارد لا وحار تبي تفشل العجينه بس دااافي حطي القادير هاذي كلها بالخلاط الكاس وخليه يخلط سبع دقايق او اكثر بس لاينحرق خلاطك وتدعي علي خخخ بعدين صبي الخليط بزبديه واضيفي له 2كاس دقيق ابيض بعد منخول زين واعجني شوي الى ان تتماسك وافردي وشكلي بس لازم قبل تكونين مولعه الفرن من تحت يحتر قبل تدخلينها يعني شغليه من تحت وروحي شكلي وع طول دخليها الفرن مايحتاج تخمر ولا شي وترى مو كثيره تهبل تسوي لك على السفره اصناف لذيذه بدون تعب انا مثلا اسوي منها بيترا وعش بلبل وخليه واحيانا فطاير عاديه بس الصينيه ادهنيها سمن قبل تحطين فيها وادهني وجهها بيض قبل تدخلينها الفرن دهن حفيف وبعدين دخليها من تحت تحمر انتي ارفعي بالسكين حبه وشوفي لو نها ترى ماتاخذ وقت وبعدين طفي من تحت علشان ماتنحرق وشغلي من فوق تحمر وانتي واقفه تراقبيها لانها ماتطول تطلع ريحه المخبوزات الي تهبل ترى مهم خطوه دهن البيض لان بدونه اي فطاير تابس وامانه اذا استفدتي تدعيلي ايه وذكرت شي مهم ان الصاج حق الفطاير لازم يكون مسطح يعني بدون جوانب مثل صاج الميكروف والفرن العادي وادعيلي ترى تعبت وانا اكتب مع ان ادري انك اكيد اسنع مني بس فذكر ان الذكرى تنفع المومنين ودعوتي مابيها هنا في المنتدى ابيها على سجدتك وقت السحر انتي وكل من يقرا ردي واي سوال انا حاضره راسليني خااص |
رد: ساعدوني بخلية نحل
المقادير
2 كاس دقيق ابيض 2 ملعقة طعام سكر بودره 3 ملاعق حليب بودره 1ونص خميره فوريه ربع ملعقه ملح 1 كاس ماء تخلط جميعها بزبديه وتترك تتخمر لمدة 45دقيقه وشكليها واحشيها جبنه كيري اومثلثات الي يعجبك وتالي حطيها بالفرن طبعا تكونين مسخنته من قبل وعلى قلبك بالف عافيه بصراحه مره رووووعه هالعجينه وهشه ان شاءالله تعجبك طريقتي |
| الساعة الآن 10:10 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .