|
الله يخليكم ابي فزعتكم
السلام عليكم صبايا وكل عام وانتووو بخير
انا حبيت اطرح هالموضوع باحلا منتدى لاني لقيت تجاوب من الاخوات الله لايحرمهم الاجر ابدخل بالسالفه انا متزوجه من سنه وشهر مشكلتي معى زوجي انوو مررره يشيل هم لما اطلبه السوق ويجلس اسبوع بيسألني وش تبين تشترين وكم تتوقعين يكلفك كل يوم يسألني لحد ماكره النزله للسوقhwaml4 انا من تزوجنا ماقد قال وش ينقصك ووش تبين من السوق بالعكس يتجاهل متطلباتي كزوجه له ومانزل اشتري الابالمناسبات اذا طلبته شئ يظل يشيل همها ويحسب لدرجة اني حسيت اني ثقيله عليه فماعاد صرت اطلبه لدرجة انو تعود اني ماانزل الابالمناسبات وانا ابي اغير هالشئ مابيه يستمر كذا بس وشلوون مو عارفه وانا مقبله على جامعه وتعرفون وش كثر متطلباتنا من لبس ومذكرات والا اخره ابي حل الله يخليكم ابي حل لزوجي معى العلم انه مقتدر ومالي مصروف خاص وماعندي اطفال |
رد: الله يخليكم ابي فزعتكم
الله يعينك يااختي ويجعل زوجك كريم جدا معك اللهم امين
عوديه يعطيك مصروف شهري خاص بمتطلباتك وروحي السوق مع امك او اخوك |
رد: الله يخليكم ابي فزعتكم
وراك ماعودتيه على مصروف شهري بشكل شهري
ولاتعوديه على عدم اعطاءك بمصرف لأنه بتجاهل على هذا شئ موبس للجامعه الا بكره بيجيك اطفال وكل شئ ولابد ان تعوديه على هذا شئ انا تخيلي ماعودته ولا شئ لدرجه ان تجاهل مني مصروف مره بس حاسب حسابه مقاضي اكل وبس ووسق بطراره اشتري منووو ومثلك ببط صاير مره طفران وماعنده ماعند جدتي ووالحين حامل وتركني بيني وبينه مشاكل لامصرف ولا يحزنون حسبي الله ونعم الوكيل الله يسخر زوجك ويحنن قلبه عليك |
رد: الله يخليكم ابي فزعتكم
طيبتي اكبر همومي
انا مثلك حتى انووو يوم يقعد يحسب الاقساط ومتطلبات البيت وربي مايجيب طاري السوق وانو انا احتاج او لا بس يفكر انو الشغله اكل وخلاص وربي يمر الشهر ماعندي عطر واطره ابي السوق يتجاهلني انا بمنطقه بعيده عن أهلي يعني ماعندي الازوجي ينزلني للسوق وربي اني تعبت وياه ولاعلى باله انا مرره حاااذفني من حساباته |
رد: الله يخليكم ابي فزعتكم
بنات وين نصايحكم الله يخليكم لاتخذلووووووووني اعطوني ولو دعوه hwaml85hwaml85
|
رد: الله يخليكم ابي فزعتكم
انا زيك ماكملتش سنة زواج ويا اختى لازم تحددى علاقاتك المادية بزوجك من الاول علشان هو مايتعودش يعاملك بطريقة معينة متقدريش تغيريها بعد كدة وفي نفس الوقت تراعى ظروفة المادية
|
رد: الله يخليكم ابي فزعتكم
عليكي بالمصارحة وقوليلة انك محتاجة كذا وكذا مادام فى امكانة انة يجيب لية لا
|
رد: الله يخليكم ابي فزعتكم
انتي تقولين مقتدر ومايصرف يعني بخييل ؟؟؟؟
وتقولين عليه اقساط ؟؟ تأكدي من وضعه شوفي اجلسي معاه وكلميه بالموضوع قولي انا حرمه واحتاج مصروف واحتاج اغراض شخصيه ...والخ وحتى لو عندك اقساط او ديون او شي لازم تعطيني لو شوي خصص لي مصروف شهري اشتري فيه اغراض كل شهر واتفقوا على المبلغ يكون كافي لضرورياتك ومايضغط عليه انتي شكلك تنتظرينه يحس من نفسه ويجي يعطيك الرجال مو كذا وبعضهم مو بخل بس يفكر ماطلبت يعني خلاص ماتبي ومو ناقصها شي |
رد: الله يخليكم ابي فزعتكم
تسلموون صبايا عالردود الحلوه الله لايحرمكم الاجر قولووو امييين
والله يسخر لي زوجي وازواجكم يارب |
رد: الله يخليكم ابي فزعتكم
صراحه مو كل الازواج يجون بالصراحة بعضهم يجون بالذكاء والحيلة
واختي وحدة منهم زوجها بخيل وماكان يصرف عليها او على عيالها صارت تقوله مره انا مديونة من اختي ومره بروح ازور وحدة ولدت واحتاج فلوس ابارك لها ومرة تقول خيطت فستان والخ الخ الخ والله بعضهم مستحيل يصرف الا بطلعت الروح اعوذ بالله |
| الساعة الآن 05:53 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .