|
بنات شوفوا شو الدكتورة قالتلي مشان الحمل معلومات كتير مفيدة ومهمة
السلام عليكم بنات كيفكن انشاالله كلكن بخير
بنات متل مابتعرفوا انا اجهضت من ٦ شهور وكان عندي موعد مع الدكتورة يوم الاربعاء مشان استفسر عن الحمل وليش تأخر بعد الاجهاض المهم يابنات انا عايشي بامريكا ودكتورتي امريكية وكتير شاطرة ومشهورة اولا قلتلها ليش ماحملت لهلأ قالتلي كتير طبيعي لحتى سنة كاملة وكمان وقالتلي نسبة الحمل لزوجين طبيعيين ١٠ بالمئة بصير حمل بعد اول شهر من الزواج و٢٠ بالمئة خلال ثلاث اشهر و٧٠ بالمئة بعد سنة من الزواج ويمكن كلكن بتعرفوا هاي المعلومة وثانيا سألتها اذا في عندي مشاكل بالاباضة سالتني اذا دورتي منتظمة وكم طولها قلتلها طولها ٢٤ او٢٥ يوم والحمدلله منتظمة قالتلي واخدت مني مواعيد اخر٤ دورات وقالتلي منتظمة وهاد اهم شي مشان الحمل معناتها الاباضة كويسي وقالتلي يللي عندها مشاكل بتكون دورتها مو منتظمة بتجيها كل شهرين او اكتر ومرات مابتجيها قالتلي بهالحالي نبدا نعالجها بس يللي متل حالتك مامنعطيها علاجات لان مافي شي يدعو للقلق لان قالتلي العلاج المبكر بيأذي المرأة بدل مايفيد وكمان قالتلي انتي حملتي من قبل وهادا شيء كويس وبطمن وثالثا سألتها اذا ممكن تعطيني ادوية منشطة للاباضة قالتلي مافي داعي للادوية بس نصحتي بالآتي قالتلي كلي جبنة ولبن كاملين الدسم كل يوم وشرب الحليب الدسم واكل الآيس كريم وبيض وقالتلي كتري مكسرات كتيرهالاشياء مهمة ومنشطة للاباضة كتير رابعا سألتها عن موعد الاباضة قالتلي يوم الاباضة بكون قبل الدورة الجاي ب١٤ يوم عند كل النساء يعني انا دورتي الجاي ٢٦ هاد الشهر حسبتلي اباضتي ١١ او١٢ هاد الشهر يعني مضى موعد الاباضة عندي انشالله كون حملت يعني بالنسبة الي وللي دورتها ٢٤ او ٢٥ يوم الاباضة بتكون يوم ١٠ او١١ من الدورة وسألتها عن استخدام ميزان الحرارة مشان الاباضة قالتلي مو مضمون واحسن طريقة هي استخدام جهاز كشف الاباضة ونصحتني بكليربلو وقالتلي لازم يصير جماع قبل الاباضة بيوم ويوم الاباضة لان البويضة بتعيش بس من ٦ الى ١٢ ساعة فقط بقى لازم يكون الحيوان المنوي موجود قبل الاباضة وقالتلي بس صرلك سنة ماصار حمل بتجي وبعملك فحوصات وعطتني موعد١٩ هادا الشهر مشان اعمل تحليل دم اذا فيه حمل يعني يوم الخميس قبل الدورة باسبوع بتمنى تدعولي من قلبكن اطلع حامل ويفرح قلبي ويرتاح بالي ارجوكم كل وحدة دخلت ماتتركني بدون دعوة اني اطلع حامل سلاماتhwaml7 |
رد: بنات شوفوا شو الدكتورة قالتلي مشان الحمل معلومات كتير مفيدة ومهمة
يارب تكوني الحين حامل والبويضه تلقحت امين يارب ويفرحك بنونو ويثبت حملك
|
رد: بنات شوفوا شو الدكتورة قالتلي مشان الحمل معلومات كتير مفيدة ومهمة
أسال الله العظيم بمنه وكرمه
ان يقر عينك بالذريه الصالحه فعلا كلام الدكتوره صحيح بس للاسف الدكاتره عندنا اهم شي عندهم الربح المادي تسلمي ياقلبي على المعلومات يارب يستفيد البنات منك |
رد: بنات شوفوا شو الدكتورة قالتلي مشان الحمل معلومات كتير مفيدة ومهمة
الله يرزقك حبيبتي بالولد الصالح المعافى
اميييييييييين يارب |
رد: بنات شوفوا شو الدكتورة قالتلي مشان الحمل معلومات كتير مفيدة ومهمة
أسأل العلي القدير لك حبيبتي ان تكون حامل بالحمل السليم المعافى والله يفرح قلبك وقلبي وكل اخواتنا بالمنتدى ،، وبارك الله فيك على المعلومات تسلمي حبيبتي... |
رد: بنات شوفوا شو الدكتورة قالتلي مشان الحمل معلومات كتير مفيدة ومهمة
الله يفرح قلبك ويرزقك بحمل يااارب
|
رد: بنات شوفوا شو الدكتورة قالتلي مشان الحمل معلومات كتير مفيدة ومهمة
يارب تحملي وتفرحي اللهم امين يااااااااااااااارب
|
رد: بنات شوفوا شو الدكتورة قالتلي مشان الحمل معلومات كتير مفيدة ومهمة
الله يفرحك ويفرحني عن قريب يا الله يا رحمان يا رحيم
|
رد: بنات شوفوا شو الدكتورة قالتلي مشان الحمل معلومات كتير مفيدة ومهمة
الله يرزقك بالذرية و يرزقني وياك يارب
|
رد: بنات شوفوا شو الدكتورة قالتلي مشان الحمل معلومات كتير مفيدة ومهمة
ربنا يكرمك بالحمل السليم المعافى امين ويباركلك ويجعله فى ميزان حسناتك
|
| الساعة الآن 06:05 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .