|
اتمنى تساعدوني بلي احسه
انا اجهضت لي شهر و3 اسابيع
وطبعا للحين ماجتني الدوره ولا ادري ولمن سالت امي قالت مفروض اربعين يوم بعد الاجهاض وتنزلك الدوره انا بعد ماجهضت باسبوع جامعت مع زوجي طبيعي بدون ماخذ احتياط حق الحمل طنشت حتى كلام الدكتوره لاني ابي احمل مره ثانيه وبذي الفتره احس باعراض مدري اذا هي حق حمل لو لا طبعا زوجي متحمس مرا ويدلعني له 3 ايام ولا تسوي ولاتتحركي لانه شاك اني حامل لدرجه ان صار يناديني يا ام فلان ويخطط وينقي بلاسماء ويفكر بنت لو ولد ويمسك بطني يقول عادي اسولف وياه صح وهو في بطننك وربي خايفه من هلحماس وبكرا بياخذني الدكتوره عشان احلل ونا خايفه ان ماطلع حامل ويخيب ظنه ويتضايق وبهلفتره اعراضي الي احسها خمول نومي متقطع واحس بعصبيه زياده عن الزوم واي شي تافه اكبره حساسه وبسرعه ازعل وصايره هليومين مالي خلق ولا لي نفس اجامع زوجي واكل بزياده عن قبل ودايم على فتره العصريه احس بدوخه وابي انام انا وزوجي عندنا احساس اني بحمل بس بنفس الوقت عندي خوف ليه مدري ولا متحمسه اني احلل لان احس اني بحمل بس احس لسى مدري زي المحتاره او يمكن لاني خايفه من تحمس زوجي الزايد انا مدري اذا هلعراض تطمن اني ممكن اكون حامل لو باقي ياليت احد يفيدني ويرد علي او احد يذكرني بدعوه اني لمن اروح اطلع حامل بتوم |
رد: اتمنى تساعدوني بلي احسه
حبيبتي لا تحاتين اللي الله كاتبه بيصير
وهالأعراض اللي تحسين فيها انا حسيت فيها وطلعت حامل هالله هالله في الأستغفار وربك يرززقك الله يفرح قلبك باللي تتمنين |
رد: اتمنى تساعدوني بلي احسه
حبيبتي ماابغى احط عندك امل بس انا لما حملت صار عندي نفس الاحساس مع اني ماحسيت بالاعراض بس كنت احس اني حامل ومحتاره وخايفه ومتوتره كنت خايفه احلل ومايطلع حمل وزوجي كان غير عن كل مره صار يتصرف زي زوجك ومتأكد اني حامل وكنت خايفه انه يتحطم ،،فلما فات موعدها اربع ايام جبت تحليل منزلي من غير مايدري زوجي وحللت وطلع خطين بس خفت لاني حللت قبل موعدها باسبوع دم وطلع سلبي
وجتني اعراضها وقلت بتنزل بس جتني الالام قوووويه رحت الطوارء وحللت صار حمل الحمدالله ،،وسعي صدرك اختي ربي مايعجزه شي انا الدكتوره كانت تقولي زوجي مافي امل ولا واحد بالميه بس الامل بالله وبعد كلامها بشهرين بس الحمدالله حملت يمكن لاني شلت من بالي فكرة العيال خلاص وزوجي صار مايفكر فيهم الله يرزقك عاجل غير اجل |
رد: اتمنى تساعدوني بلي احسه
الله يرزقك الحمل بتوأم بالقريب العاجل يارررب
|
رد: اتمنى تساعدوني بلي احسه
الله يرزقك اختي وياليت تبشرينا اذا صار حمل
|
رد: اتمنى تساعدوني بلي احسه
مشكوريين خواتي بصراحه رفعتو معنوياتي شوي
بس عندي سؤال ببالي هل ممكن ان مايبين التحليل بهلفتره ويبيين بعد سبوع مثلا اني حامل مدري متخوفه مره |
رد: اتمنى تساعدوني بلي احسه
مرحبااا
كيفكم اني اول مشاركه ليي بالمنتدى وحبيت ارد عليش اني قبل ثلاث شهور حملت وسقطت والحين متاخره عليي الدوره خمس اايام واليوم ناويه احلل والاعراض الي قلتيه نفس الي معاي العصر ابي انام كل جسمي تعبان وابي اكل وابي انام طوال النهار انام والليل بعد وان شالله تطلعين حامل يارب |
رد: اتمنى تساعدوني بلي احسه
امين
انشاءلله انا وانتي حمل يارب وليوم نستبشر بلخبر |
رد: اتمنى تساعدوني بلي احسه
الله يرزقك
|
رد: اتمنى تساعدوني بلي احسه
اعراض حمل
الله يرزقك بحمل توم سليمين معافيين وتروحي تحللي وتطلعي حامل امين يااا رب |
| الساعة الآن 07:25 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .