|
طفلي الرضيع سقط عراسه وخايفه....
السلام عليكم ورحمة الله وبركاته.....
بحكيلكم مشكلتي الي مخلياني مش طبيعيه وبضلني بقلق ووسوسة مش طبيعيه.. ابني عمره ثلاث شهور ونص قبل فتره كنت حاطتو بالكوت وجيت بدي انقلو لغرفه تانية رفعت ايد الكوت وكاين لسا مو مرفوع منيح رجع الكوت لورا ودفع البيبي لقدام دفعه قويه اجا فيها بوجهو وكل جسمو عالارض كانت الضربه الله لا يوريكم كتير قويه ما اوعيت عحالي شلتو وكان يبكي بشدة وتم نص ساعه وهو يبكي من الوجع واتورم تحت عينو اليمين بس بعد بفتره زالت ما كان بدو يرضع مني بعديها صار يرضع وهو نايم وغفا بعديها نص ساعه.... الحمد لله لما اجا ابوه حكيتلولتصل عالدكتور حكا ازا ما راجع او سخن ما اتخافووو.... بالليل كان يلعب واوضع منيح تاني يوم حسيت انو سخن وكان نومو كتير ينام ويرضع وهيك...حملت حالي ورحت عالدكتور فحصو حكا انو مش مبين هلاء شي ومنيح.. بس انو اضلني هلاء مراقبتو ليوم السبت وان شاء الله يكون كل شيء خير .. وحكالي اعملي صورة طبقية لراسو وانا مش مشجعه لهيك موضوع لساتو اصغير... والله بضل كل اشوي اتفقدو وخايفه عليه لينتكس الله يحميه.. واللوم كلو عليه لسا ما لحقت انو اصير ام واعمل هيكه بابني........... |
رد: طفلي الرضيع سقط عراسه وخايفه....
حبيبتي لا تخافي طالما ما تقيأ يعني لو استفرغ هون المشكلة
الحمدلله انا بطمنك انه بخير انتبعي مرة تانية ولسة صغير ع الكوت بتخافي على عموده الفقري لساته 3شهور صغير كتير ربي يحميه ويطمنكم عنه لاتقلقي |
رد: طفلي الرضيع سقط عراسه وخايفه....
لا الحمد لله ما استفرغ ...
بس هوه بالعادة من قبل ما يسقط بيستفرغ مرات يعني ازا استفرغ بخلال هالفتره رح خاف ...ويمكن ما يكون من القعه بس انو رح اضل خايفه عاي شي يصير معو.... شكرا عردك والله يحميه من كل شر |
رد: طفلي الرضيع سقط عراسه وخايفه....
ان شاء الله مافيه الا الخير وابعدي عن القلق والوسواس والله يحفظه
|
رد: طفلي الرضيع سقط عراسه وخايفه....
الله يخليلك اياه يا سما
ما يشوف شر يارب |
رد: طفلي الرضيع سقط عراسه وخايفه....
ماطول ماتقيأ لاتخافين انشاءالله ماكو شي يارب
|
رد: طفلي الرضيع سقط عراسه وخايفه....
الله يحفظ لك ابنك وان شاء الله ما في اي شيء سيء
|
رد: طفلي الرضيع سقط عراسه وخايفه....
الله يخليه لك ويطمن قلبك عليه
|
رد: طفلي الرضيع سقط عراسه وخايفه....
الله يخليلكم ياه وتفرحوا فيه
انا كمان ابني عمره 5 شهور وقع 3 مرات الله يحماهم مره وهو جنبي وقع عن الكنبايه على الارض يا ويلي على هديك الضربه ومره تانيه كان نايم عالتخت وما كنت بعرف انه بقلب ف وقع على الارض واليوم الصبح وقع للمره التالته واخدته اول مره على لدكتور حكى بما انه ما استفرغ ولا سخن ما في خوف والحمدلله بس طبعا لازم ننتبه وندير بالنا هدول امانه برقبتنا الله يحماهم ياااااااااااااااااااااااااااااااااااااااااارب بس لا تخافي ربنا بحرسهم بعينه يلي ما بتنام ** الف سلامه عليه ابنك |
رد: طفلي الرضيع سقط عراسه وخايفه....
انا نفسك طاحة بنتي من ع السرير وهو مرتفع بعمر اربع اشهور وبكت بوقتها واليوم الثاني جاتها السخونه وعرفت انه من الطيحه . والحمدلله هي عرووسه اليوم الله يخليك ابنك ويحميه
|
| الساعة الآن 10:10 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .