|
مساعده عشبة كف مريم
السلام عليكم خواتي حبيباتي
انا خلصت التاسع وللحين ماودلت والمويه عندي ناقصه ومعي طلق بارد او كاذب على كلام الدكتوره والرحم صار له 3 اسابيع تقريبا وهو مفتوح 1 ونص سانتي وموراضي يفتح اكثرhwaml15 وعطوني موعد يوم الخميس طلق صناعي وانا خايفه والله لاني بكريه ما اعرف وش السالفه المهم .. اقدر اشرب كف مريم ؟ ماهي فوائده ؟ وكم يوم ويبن مفعوله ؟ اذا شربته اليوم ممكن اولد بكرا ؟ له اضرار ولا لاء ؟ واذا له وش اضراره ؟! تكفووون خواتي ردو علي بسرعه لاني بطلع بعد شوي وافكر اجيبها معاي اذا تفيدني .. ولكم مني دعوه صادقه بس تكفون ردو |
رد: مساعده عشبة كف مريم
انا زيك خلصت التاسع ولا واحد سانتي ولاغيره الله ييسر لنا
باقي كف مريم ماجربته والخروع شربت قرفه وعسل وشميت حلتيت ولا فادتني شي بس انتي اشتريها احتياط وشوفي وش بيردوا عليك اللي جربوها وربي ييسر لك ان شاء الله ويقومك بالسلامه. |
رد: مساعده عشبة كف مريم
الله يسسسسهل علي وعليك ويارب نولد اليوم قبل بكرا
وانا سويت مثلك بالضبط ولا فاد معاي شي يارب تفيد هالعشبه والله يسهل على خواتنا الحوامل يارب ياكريم .. |
رد: مساعده عشبة كف مريم
حبيبتي لا تخافي من الطلق الصناعي انا جربته بالعكس حسيت انه خلى الطلق حامي وبسرعه ولدت الحمدلله هذا قبل 3سنوات تقريبا
ادعي لي بولاده عن قريب لاني تعبااانه يارب فرجها علينا يارب ويسرها وارزقنا الولاده الميسره الهم اميييين |
رد: مساعده عشبة كف مريم
ي جربتها باأختي
كانو مقررين ولاادتها ب23 من الشهر بس يوم نقعتها وشربتها ولدت في 11 من الشهر ماشاء الله اتوقع ماني متأكده انها شربتها وبعد 3 ايام ولدت تمدحها امي كثير تقول انها تسهل الولاده وتهونها وتسرعها بس أنا مافكرت اخذها لاني قريت عنها بالمنتديات والمواقع وفيه ناس مدحوها وناس ذموها وتعرفين الحريم مب زي بعض ناس تناسبهم وناس لا وانا اخاف ماتناسبني فوكلت امري لله متى ماكتب راح اولد |
رد: مساعده عشبة كف مريم
السلام عليكم انا يا اختي ما عندي فكرة لاني لساتني ما حملت لكن قرأت في العديد من المنتديات عن الحلتيتة هي انك تشميها و هي بتسهل الطلق يمكن تسوي عنها بحث في قوقل يا رب تفيدك اختي و يا رب تسهل ولادتك و ارجو كل بنت قربت ولادتها تدعيلي اني احمل اسمي حنان فدعائكم مستجان لانه بيعتبر دعاء المضطر
لكن يا ريت تذكروني حينها و بارك الله فيك يارب يسهل ولادتكم |
رد: مساعده عشبة كف مريم
بشوره امي تقولك اخذي تمر وطلعي العجم منه وحطيه بصحن وصبي عليه مويه مغليه وحركيها لين تنعصد لين تسير زي العصيده وكليها وهيه حاره وتقولك بعدين اشربي كوب حليب حار وراح يفتح عندك الرحم اخواتي كلهم كذا تقول اذا نفعت معاك ادعيلها
|
رد: مساعده عشبة كف مريم
الله يسهل عليك وعلينا يا رب
وتقومين با السلامه انتي و النونو |
رد: مساعده عشبة كف مريم
انا اتذكر بحملي الاول وحده من اللي كانو معاي بالمستشفى الدكتوره قالت لها عليها
وتقول مره ممتازه ع حسب كلامها اما عن نفسي ماجربتها |
رد: مساعده عشبة كف مريم
اشربي حليب دافي وحليه بالعسل وعليك بالجماع تراه يفتح الرحم بسرعه ودعواتك لي
|
| الساعة الآن 09:55 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .