منتديات حوامل النسائية - ماعاد باقي لك معي غير بيتين

مـا بيـن يـوم الجمـعـة ويــوم الاثنـيـن
عايش بدون أنفاس مـن شـدّة الضنـك
شابـت جفونـي منـك يـا داعـج العـيـن
وذابـت عيونـي فــي معـالـم محاسـنـك
شـريـت قـربـك لــي بغـالـي المثامـيـن
ودريــت بـأنـي مخـطـيٍ يــوم أثـمـنـك
اللـي سواتـك .. مـاهـو بكـفـو تثمـيـن
وترى (سواتك) .. من علـوّك تطمّنـك
أخــذت مــن بـنــك المـحـبـة مـلايـيـن
لـكـن مــا سدّدتـهـا .. وفـلّـس الـبـنـك
اللـي خذيـتـه مــن بـنـوك الـغـلا ديــن
وان مـا دفعتـه كيـف تبغانـي آمـنـك ؟!
مـرّت علـيـك أيــام وشـهـور وسنـيـن
ومن عقب دورات الدهر .. بان معدنك
راجعـت -مـن فـتـرة- سـجـل الوفيـيـن
وياللأسـف صـار السجـل خالـيٍ مـنـك
ليّنـت لـك قاسـي , وزيّنـت لـك شـيـن
وبيّنـت لـي بالغـدر ( جــودة تمكـنـك )
الغدر : موت احساس في نـاس حيّيـن
ونقض العهد مـع نـاسٍ انجـاس دوّنـك
خــلاص عدّيـتـك مــع الـلـي متوفّـيـن
وبحفـر قبـر ذكـرى ف/قلبـي وبدفـنـك
ومـا عـاد باقـي لـك معـي غيـر بيتيـن
ركّــز مـعـي فـيـهـا وأحـســن تمـعّـنـك
صاحبـك مـا يتـبـع خـطـاوي المقفّـيـن
ومـن طيـب ذاتـه .. ودّه إنــه يطمّـنـك
[عزيز نفس] وتعرفه زيـن , يـا زيـن
والله لتخضع له وهو ما رضـى عنـك.