|
اعراض كلوميد والابر المنشطه والتفجيريه
سلام بنات
بنات عندي اعراض اول مره تجيني وكل مالها وتزيد مادري مين خذت كلوميد وتنشيط وابر التفجير علشان اعرف اذا هذي اعراضهم ولا لا.. علما ان اليوم هو اليوم الثامن للابره التفجيريه ..وحاليا انا استخدم دافستون لليوم الرابع يعني المفروض تخلص يوم ٣ -٧-٢٠١٢ وبعدها تنزل الدوره ١- حاسه بنفخ في بطني وصاير قاسي لدرجه اني مااقدر اشفط بطني مع الم في الظهر واحيانا نغزات خفيفه في الجنب تشبه لاعراض الدوره لكن اقوي شوي ٢-فيه غازات وانتم بكرامه ٣- الحلمات صايره بارزه ونغزات بسيطه تروح وتجي ٤- صايره اجوع بسرعه وفجأه .. وفيه اوقات مايكون لي نفس فيها للاكل.. ٥- طلعت في وجههي حبه مؤلمه قبل كم يوم الان بدت تروح لكن احس بشرتي صاير فيها مثل الحبوب المخفيه يعني مو صافيه مثل اول .. ٦-في خط صاير غامق من السره نزولا .. لكن بصراحه بديت اشك في نفسي وقلت يمكن من زمان بس انا اللي صاير يتهئ لي انه جديد ٧-حراره في المعده انا عارفه انها ممكن تكون بوادر حمل لكن انا ماابي اعشم نفسي واتحطم وتكون اعراض الادويه والابر اللي خذتها .. ياليت اللي جربت تقولنا تجربتها ووش حست وبعدين وش طلعت نتيجه التحليل ؟ |
رد: اعراض كلوميد والابر المنشطه والتفجيريه
انا سبق واخذت كلوميد وابرة تفجيرية
بس حسيت باعراض الدورة الا هي الم في صدري ونغزات في مبيضي الايمن والايسر وبعدين حللت يوم 13 مافي حمل وبعد يومين نزلت الدورة وهذا الشهر اخذ ابر ويارب خير ان شاء الله وربي يرزقني ويرزقك الحمل السليم يارب هذا الشهر اهم شي لاتحللي الابعد فوات موعد الدورة على الاقل بيومين |
رد: اعراض كلوميد والابر المنشطه والتفجيريه
انا اخذت كلوميد فقطوكانت اعراضي
إنتفاخ البطن جوع شديد ومفاجيء حبه بوجهي وغيرها حبوب بالوجه بس كانت هالحبه بارزه وتعورني فجاءه احس بغثيان ودوخه نغزات بالجنب الأيمن واسفل البطن صدري انتفخ وكبر ومزاجي كان جداً معكر وعصبيه وبس ابكي لأتفه الأسباب ورحت اراجع للدكتوره عشان تشوف التبويض سبحان الله مالقيت ولا بويضه والحمدالله أيام وعدت بخيرها وشرها ورجع كل شي طبيعي وطبعاً بعدها قررت ماروح لادكتوره ولا اخذ ادويه وربي يكتبلي الحمل ان شاءالله ياااارب عاجلاً غير اجل بس انتي يالغلا ان شاءالله ربي يفرح قلبك وتكون اعراض حمل ياااااارب العالمين |
رد: اعراض كلوميد والابر المنشطه والتفجيريه
اقتباس:
يامن امرك بين الكاف والنون انك تحقق امنياتنا جميعا وترزقنا الذريه الصالحه عاجلا لا اجلا يارب يارب يارب اقتباس:
ااااااااه بغيت اصيح حسيت انك تقولين الاعراض اللي احس فيها .. من جد شكرا علي مشاركتنا تجربتك وهذا اللي انا توقعته وماحبيت احلم واتامل كثير قبل مااسأل اذا كانت هذي اثار كلوميد والشله اللي معها ولا لا... يارب يارب يارب اطعمنا ولا تحرمنا وارزقنا الذريه الصالحه المعافاه جميعا يارب ..الف شكر ياغلا .. |
| الساعة الآن 04:29 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .