|
قصتي مع الحمل
مساء الخير اخبااااركم انا حكتب قصتي مع الحمل لان عمري ماتوقعت الحمل وحتى كنت اقول لاخت زوجي انا ماخلف لاكن ارادة الله كانت فوق كل شي طبعااا انا تزوجت من 7 سنوااات بعد شهر من الزواج صار معي التهبااات نتيجة المعاااشره رحت المستشفى على اساس الالتهباااتلاكن الدكتوره الله يهديهااا عملت لي منظر من تحت وبعد الكشف قالت لي انتي رحمك جاي على ظهرك و معك قرحه بالرحم ولازم تتعالجي من بدري عشان الحمل انا هنا انصدمت واعطتني موعد بعد الدوره عشان تعمل لي كوي بالرحم طلعت من المستشفى وانا ابكي و زوجي متضااايق ولانه هو بيموت ع الاطفال اتصلت على امي وابكي وقلت لها السالفه كلها قالت لاترجعي لها خلاص وكلمت زوجي على حرمه تعالج وفعلا بعد فتره رحناا للحرمه الله يرحمهااا سمعت انها توفت ويم جلست تضغط على بطني قالت رحمك مااايل انتي وش شايله قمت اظحك قلت اللي يجي في بالك ومرختني قالت خلاص روحي ويمر شهر ومافي حمل وارجع لهااا قالت رحمك رجع مكانه وتهاوشني لاتشيلين و نامي على ظهرك وتمرخني ومشيت من عندهااا ويمر شهر ومافي حمل المهم زوجي من شوقه للاطفال قام يسئل عن الحريم اللي يعالجون والا في حرمه في ينبع تعالج ونروح لهاااا برمضااان ولما مسكتني وحطيت يدهاا على بطني قالت رحمك جاي على ظهرك وانا بمرخك وبربط بطنك بس ماتتحركين ابد قلت لهاا ان شاءالله والا ترخمني وربي شفت الموت قطعتني بيدهااا و تمسك طرحتي وتربط على بطني بقوه قالت على طول السياره ونامي على ظهرك وفعلا على ظهري بسياره وامي عند زوجي والغريب ان هالحرمه منعتني من اشوف الحريم غير امي و ام زوجي بعدهااا سمعت ان الجن يساعدوهاا بالعلاج بسم الله وفعلا سويت كل اللي قالته ومن شهر 10 وانا حامل وربي من الفرحه انا وزوجي جاب 10 تحاليل منزليه خخخخخخ طول الليل نحلل والحين عندي 3 اولاد الحمدالله ربي يحفظهم وايعقلهم لي طلعو الشيب براسي مع ان الدكتوره قالت قرحه ولازم علاجات ومدري شنو لاكن ربي سهلهااا علي والله زوجي كان يوميا يقوم الليل واسمعه يبكي بسجوده ربي لاتذرني فردا و الاستغفار والتوكل على الله حل مشكلة الحمل عندي فيابنات اي وحده تعاني من الحمل اولا تتوكل على الله مع الدعاء مع الصدقه والاستغفاار وربي يرزقهاااا |
رد: قصتي مع الحمل
الله يحفظهم لك غاليتي
ولا تقولي انه الجن يساعدها يمكن يكذبون الناس عليها لو رب العالمين ماكتب لك الحمل ماحملتي اختي 6 سنوات وحملت مرتين وسقطت قال لها شيخ لما كلمته اذا حملتي لا احد يشوفك ابدأأأأأأأأأأأأأأأأأأأأأأأأأ وفعلا الحمدلله ربي تمم لها والعين والحسد حق الله يحفظ ذريتك ويهديهم ويقر عينك ببرهم بك |
رد: قصتي مع الحمل
ماشـــــــــاء الله الله يحفظهم لك يااارب ..
بس مافهمتك اللي نفعتك بعد الله هي الحرمه اللي يسااعدوها الجن ..؟؟ |
رد: قصتي مع الحمل
الحمدالله الله يطرح لك فيهم البركه
|
رد: قصتي مع الحمل
انا مو قصدي شي آبد وهي عالجت وحده من قرايبنا اعطتهااا علاج تاخذه على آذآن المغرب
انا بعدين سمعت بعد ماحملت وهي فعلا طول ماتعالجني هي تسب وتلعن يعني فجعتني وفعلا انا وقتهااا تعبانه عيييين المهم آتاسف اذا احد فهمني غلط |
رد: قصتي مع الحمل
اقتباس:
انا سمعت ان يساعدوها الجن بس ماتآكدت تعرفين الناس ماترتاح حتى تطلع اشآعات ويمكن هالشي اشاااعه لاكن الحمدالله من اول مره رحت لهااا حملت والحمدالله |
| الساعة الآن 12:44 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .