رضا ماما............وسعاده زوجي
 

السلام عليكم

بدايه لا اعلم هل اضع موضوعي هنا ام في قسم العقم وتأخر الحمل

الموضوع باختصار انا عندي 28 سنه متزوجه بقالي 4 سنوات ولم انجب حتي الان او احمل حتي مره بعد اول سنه عملنا تحاليل طلع عند زوجي ضعف وقله شديده في عدد الحيوانات المنويه "حوالي 900 الف" ونسبه الحركه صفر!!!!!!!!! الدكتور قال مش هاينفع احمل غير باطفال انابيب المهم هو قالي خلاص احنا مانعرفش اي حد لا اهلي ولا اهلك بالموضوع نخليه سر بيننا و نشيل الموضوع من دماغنا الي ان تشعري انك عايزه اطفال نروح نعمل عمليه اطفال الانابيب المشكله امي هي طيبه وحنينه جداااااااااااا وهتموت ياحبيبتي وتشوفني معايا طفل بتلح عليا بشكل غريب لا يتخيله احد انها تكشف عليا حلفتلها مليون يمين اني سليمه برضه مش مقتنعه لحد ماقلتلها ان المشكله من زوجي برضه عماله تلح انها عشان ماتحرجش جوزي تكشف عليا وان الدكتور هو اللي يطلب يقابله وبكده يضطر انه يروح ويعمل العمليه انا زوجي حساس جدا في الموضوع ده ومش بحب اتكلم معاه فيه خالص وهو حنين معايا جدا واشبه بالملاك انا مبسوطه في حياتي معاه وهو بيعمل كل اللي في طاقته عشان يسعدني وبيتحملني بكل صفاتي الوحشه قبل الحلوه وعمره ماضايقني طول ال4 سنين انا مش عارفه اعمل ايه لو تشوفوا زن امي ببقي هموت واشوفها او اكلمها وامنع نفسي اني حتي اسمع صوتها لانها مالهاش سيره غير الموضوع ده ...ساعات بتصعب عليا وساعات بقول ليه اضايق جوزي واحرجه وانا اساسا مبسوطه معاه ومش عايزه اطفال معلش والله اني طولت عليكم بس فعلا امي لحوووووووووحه بشكل لا يطاق في الموضوع وخصوصا ان اختي الصغيره 21 سنه اتجوزت وماشاء الله حملت من اول شهر فهي هاتتجنن هتموت وتشوفني حامل ساعات بخرج عن سيطرتي وبزعق واقولها دي حياتي سيبيني براحتي مش انتي خلفتي واتبسطتي خلاص كل حد حر في حياته بس بتصعب عليا لانها حنينه اووووووووووووي وعارفه انها عايزه سعادتي وحرام اكلمها وحش عشان ربنا وعشانها قولولي اعمل ايه عشان اوصل لها انها تسيبني في حالي من غير تدخل واني راضيه ومبسوطه من غير اطفال مع العلم ان حماتي عمرها ماكلمتني في الموضوع غير علي خفيف اوي وعمرها ما زنت عليا ابدا مع انها متعرفش ان المشكله من ابنها

رد: رضا ماما............وسعاده زوجي
 

الله يفرح قلبك
ياربي

رد: رضا ماما............وسعاده زوجي
 

ربنا يخليكي ياحبيبتي وانتي كمان يارب

رد: رضا ماما............وسعاده زوجي
 

يااااااااااااارب يتحقق مراد مامتك عليكي بصلاةة الليل ، وقراءة سورة البقره 3 مرات ورى بعض
سورة البقره لها فضل عظييييييييييييييم عظيييم واللهي تصنع معجزات
لازم نقراها انا وانتي عشان تكون عندي وعندك عزيمه

رد: رضا ماما............وسعاده زوجي
 

اه صحيح معلش ي حبيبتي تحملي زوجك حطي نفسك بمكانه اكيدد راح تتمنين انه يصبر عليك ومايجرحك
وحطي امل قدام ي عزيزتي وربي ماراح يخيب ضنك ان شاء الله

رد: رضا ماما............وسعاده زوجي
 

حبيبتي انا مو متضايقه من زوجي هو علي راسي من فوق انا بشكو من الحاح والدتي ومش عارفه ازاي اخليها تبطل الحاح

ربنا يرزقك الذريه الصالحه يابسوم يارب عاجلا غير اجل انا وانتي وكل محرومه باذن الله وانا مشغلاها علي طول بالبيت والله سوره البقره جزاكي الله خيرا حبيبتي

رد: رضا ماما............وسعاده زوجي
 

الحمد لله ربي يخليكم لبعضوانتي فهمي امك انك بتتعبي نفسيا لما بتلح عليكي
وفهميها ان بالالحاح مايصير اللي تبيه هي
ويارب تفرح ب ضناك قرررريب

رد: رضا ماما............وسعاده زوجي
 

رد: رضا ماما............وسعاده زوجي
 

طيب حبيبتي ليش ما تسون اطفال انابيب ترى يبيله وقت ومو من اول مره تنجح.....
والله يرزقكم بالذريه الصالحه ويسخرلك زوجك...

رد: رضا ماما............وسعاده زوجي
 

السلام عليكم ..

حبيبتي امك تصرفها معاك طبيعي .. مثل كل ام في الحياه .. بعض الامهات بيزودوها و بعضهم لا بحدود ..

اما بلنسبه لزوجك .. فا انتي و هو عارفين ان المشكله فيه ..
من كلامك هو مره كويس معاك و اللي مسبب ازمه فقط موضوع الخلفه انتي مرتاحه معاه الله يديمها عليك..
اكيد تحصل بينكم سوء اختلاف و تعصبو على بعض اوقات حد فيكم بيشد و حد فيكم بيرخي امور الحياه الطبيعيه ..


المهم الحين 4 سنين هل زوجك أتعالج فيها و لا لا ..

سواء كانت لك رغبه في الحمل و لا مالك رغبه لازم تتعالج مشكلته ..

لانها بتأثر على نفسيتها قبل لا تأثر على حياتكم ..

فا يا عزيزتي لازم تقعدين مع زوجك و تحكين معاه بكل ود و حب و رومنسيه و وووو حكمه و عقل ..

قوليله ان لازم يتعالج و انك راح تكوني جمنبه و بتسانديه و و و و و الخ ما يهمك كلام الناس و انك مرتاحه معاه و ووو و و و
لكن لازم تتعالج عشان نفسك و عشاني و كل شي بيد الله ..

لكن المفروض ايضا العبد بيسعى لرزقه مو بيستنى و يقعد مكانه و بيقول كل شي بيد الله الواحد بيتعب حتى ياخذ الشي ..

قوليله انا و انتى ربنا ابتلانا بهذا الامر اختبار من الله عز وجل ..
و احنا لازم نسعى و ننجح بهذا الاختبار بصبرنا بحبنا بقوتنا و بسعينى ان نعدي من هذا البلاء ..
فهمتي و امك كل ما تفتح معاك هلموضوع ..

اعتبري انك فتحتي مقطع صوتي و راح يخلص بعد كم دقيقه ...
او اقعدي معاها ..
قوليلها انتي ربيتيني احسن تربيه انتي و بابا و انا بنتكم ..
تربيتكم بلوقتي تجوزت و شايله اسم راجل بحياتي بيحبني و بيحترمني و صابر علي و و و و
ربنا بيحط الانسان في اختبار في الحياه .. و انا في حياتي مبسوط صحيح موضوع الخلفه مهم لكن كمان ..
حياتي مهمه عايزاني اسيب الراجل و اقعد عندك .. الناس حتقول ايه البنت دي مافيها خير سابت جوزها اللي مستتها و مهنيها و و و و
انا بحياتي مرتاحه و ربنا بيختبرنا بموضوع الخلف و انا و زوجي صابرين على الموضوع ده و ربنا بيرزق اللي عايز يرزقو بلوقت المناسب فا بلاش تتكلمي في الموضوع ده لان انا بتضايق منو انا عارفه انتي قصدك مصلحتي و مقدره اللي بتحكيه بس كلامك بيتعبني ,, فيها ايه لو بكل مره بدل ما نفتح السيره دي تدعي لي .. و انشالله ربنا يستجيب لدعائك و دعائي و تشيلي ولادي ..

و المهم لا تقولين لامك ان زوجك هو اللي فيه العيب .. لان ممكن امك تزل بلسانها مع زوجك و ممكن تقولك اطلبي الطلاق و ممكن تتعامل معاه بطريقه وحشه .. عشان هو السبب في التاخير .. و تقعد له في النزله و الطالعه و ده حيسبب مشكله لكي و لجوزك ..

و ممكن تتكل و تقول لخلتك و خالتك تتكلم تقول لجارتها و جارتها تقول لجارتها و ده مش كويس لسمعت جوزك ..


و انشالله ربنا يرزقك و يهينك طول عمر معاه و انشالله عقبال ما تفرحو بخبر حملك و تشيلي ابنك و يكون بينكم في النزله و الطالعه ..