|
قصتي مع التكيس عالمبيض.. بالشرح الممل.. 2
بعد شهر من هالحادثة رجعت وقفت المنع الطبيعي.. وانتظرت أربع أشهر.. وعالشهر الرابع فاتتني الدورة يوم.. وحللت وطلع إيجابي...
لما شفت فيه حمل قلت روح عالدكتورة بسرعة حتى اطمن... خاصة إنو كان في وجع فظيع بجانب بطني الأيمن من تحت.. لما رحت قالتلي الدكتورة يمكن أعراض الحمل انتظري أسبوعين حتى نقدر نصور... وانتظرت ورحت لعندها.. لما صورت قالتلي في كتلتين عالمبيض الأيمن وحدة كبيرة ووحدة صغيرة.... ورجعنا لنفس القصة!!!!!!!!!!! حولتني عالمشفى... هون أنا رحت على مشفى الأزهار .. وهنيك تحاليل وتصوير.. التحاليل بتقول فيه حمل... والرحم فاض تماما.. وأنا عندي نزيف..... المهم الدكتورة ما فهمت قصتي........ نادوا للطبيب الاستشاري ورئيس القسم الله يجزيه الخير وويوجهله الخير.. اسمه عازم مسعود.... حسيت كل الدكاترة مو فهمانين علي بس هو فهم علي وعرف شو لازمني... طول بالو وشرحتله قصتي من الأول.. وأنا كنت كل ما صور اطلب صورة إلي.. ورجيته كل الصور.. وهو طلب إنو يصور من جديد وهود دخل معي التصوير.. يشوف الشاشة وعرف شو الوضع.. وصار يحكي مع الدكتور بالانكليزي بس أنا فهمت عليه.. طلع عندي ثلاث أكيس عالمبيض والقناة الينى وهنن ما عم يخلوا الحمل ينزل للرحم.. فحصني سريريا وقلو لزوجي إنو عم يحس بالأكياس لما عم يتحسس بطني من الخارج.. ونمت بالمشفى يوم مع سيروم ﻷنو عم يحضروني للعملية بس تطلع نتائج التحاليل ما لازم لا آكل ولا اشرب.. أنا هون استلمت الدعاء وصرت ادهن بطني زيت(زيت زيتون بلدي) وأنا عم اقرأ قرآن.... رجع الدكتور عالتصوير مرة تانية قال هاد مو 3 أكياس هاد كيس واحد كبير جدا ولافف على نفسه وخانق القناة وفيه دم مو مي!!!.. وتحليل الهرمونات تبع الدم طلع إنو الحمل راح.. يعني صار ينزل معدل الهرمونات.. بقي الجزء التالت والأخير |
رد: قصتي مع التكيس عالمبيض.. بالشرح الممل.. 2
سبحان الله
الله يسلمك يالغالية وربي يحفظك وينولك مرادك وين ماكنتي... مأجورة ومعافاة حبيبتي... |
| الساعة الآن 03:44 PM. |
Powered by vBulletin® Version 3.8.8
Copyright ©2000 - 2026, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .