|
ساعدوووني باراااائكم.. السفر بالطائرة بالشهر الثامن
مساء /صباح الخير صبااايا
أنا دخلت اول اسبوع من الثامن وابروح لاهلي بالطائرة ولافيه رحله لاهلي ع طول بتوقف الطائرة في مدينة ثم من بكرا طائرة ثانيية لاهلي (يعني على طائرتين) الرحلة الاولى ساعة ونصف والرحله الثانية ساعه وابقعد اسبوع عند اهلي ثم ابرجع على طائرتين (يعني 4مرات طيارة خلال اسبوع) لو ابقعد حول شهر عند اهلي احس أهون علما اني اتعب مع السفر وانا خايفه من الولادة المبكرة والا عادي؟محتااارة جداً ساعدوووني سالت الدكتورة ماأيدتني بس قلت خواتي بالمنتدى أكثر خبره ساعدووووني الله يجزاكم خير ولكم جزيل الشكر |
رد: ساعدوووني باراااائكم
انا نفس وضعك...اسافر لاهلى بطايرتين...
والحمدلله الوضع عادي...ومرات اروح في الشهور الاولي... وماصار لي شي .....والحمدلله بساذا انتي خايفه اسالي الدكتورة |
رد: ساعدوووني باراااائكم
ماعندي فكره عن الموضوع بس اسالي دكتورتك واستخيري ربك
الله يتمم لك على خير |
رد: ساعدوووني باراااائكم
هل شركة الطيران رح تسمح لك؟؟؟؟؟؟؟؟؟
انا كنت بشهري السادس ومع ذلك يوم عرفو اني حامل بهذلوني بالطيارة اول ماطلعت قبل الاقلاع واصر المضيف انه ينزلني وراح نادى كابتن الطايرة يقول له في حامل هنا بدون اي تقرير طبي وبعد مهاوشات رضى يخليني اسافر مع ان الرحلة 30 دقيقة بس وطول مايمر المضيف هاداك من جنبي يسمعني تهزيئة احرجوني قدام الخلق لان سفري كان برمضان والطايرة مزدحمة رجال معتمرين والكل قاعد يطل فيني ويسمع تهزيئهم لي واحراااااااااج حتى مع النزول من الطايرة كانو المضيفات يقولو : حمدلله ع السلامة لاي واحد ينزل عداني انا اول مامريت من امامهم قالولي: لاتزيدي تسافري مرة ثانية وانتي حامل بدون تقرير طبي مختوم من مستشفى انه مارح يصير لك شي المشكلة اني كنت مسافرة وحدي لو كان زوجي معي يمكن كان تضارب معاهم وكنت اسمع كلامهم واسكت واحاول اقنعم اقول لهم وش فيها انا بالسادس ماني بالشهور الاخيرة وترى مسموح السفر بالشهر السادس قالولي سواء في اي شهر مانعرف وضعك الطبي وهل بيضرك ضغط الطائرة او لا لذلك مانسمح بسفر اي حامل الا بتقرير يوضح وضعها الطبي فياليت يا اختي تتفادى موقفي دام كرشتك حتكون اكبر من كرشتي انا كنت بسم الله لسا بالسادس وكرشة صغنونة ولابسة واسع ومغطيتها بالطرحة ومع ذلك انتبهولي ساعة ماجاءو يشيكو ع الاحزمة هل مربوطة او لا لاحظو ان الحزام وراه كرشة حامل وانتي حتكون بطنك مبينة دامك بالثامن فلا تسافري الا بتقرير من الستشفى تختمه لك الدكتورة فيه انهم يسمحو لك بالسفر لان وضعك الصحي ممتاز مع ان التقرير يسووه للي اقل من 7 شهور وانتي ماشالله مابقى وتولدي واحدة من صاحباتي سافرت بالسابع وما انتبهو لبطنها وان شاء الله ماينتبهو لك وكان الله في عونك لو تأجلي السفر افضل لك من الاحراجات لانها حتكون 4 طائرات واذا ما اكتشفوكي بطايرة حيكتشفو باللي بعدها |
رد: ساعدوووني باراااائكم.. السفر بالطائرة بالشهر الثامن
مشكورين بنات
بس تأيدون اروح والا لا؟؟؟؟؟؟؟؟؟؟؟؟؟ |
رد: ساعدوووني باراااائكم.. السفر بالطائرة بالشهر الثامن
انا صراحه ماانصحك تسافري انا كنت بسافر طياره ومره وحده في الشهر الثامن لكن الكل مانصحني
عشان الضغط وانا صراحه خايفه على نفسي وعلى النونو فقررت اسافر سياره اذا سفرتك مو ضروريه فماله داعي تسافرين اهم شي صحتك وصحة النونو |
| الساعة الآن 01:00 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .