منتديات حوامل النسائية - مشكلة عمتي اخت بابا الله يخليكم ساعدوني

منتديات حوامل النسائية (https://naqatube.com/index.php)

- منتدى الحياة الأسرية والزوجية (https://naqatube.com/forumdisplay.php?f=61)

- - مشكلة عمتي اخت بابا الله يخليكم ساعدوني (https://naqatube.com/showthread.php?t=136154)

مشكلة عمتي اخت بابا الله يخليكم ساعدوني

انا كتير بحب عمتي وهي متل صاحبتي يعني انا بحكيلها كل شي وهي بتحكيلي كل شي
من فترة كانت عندي وعم تحكيلي مشكلتها مع زوجها وانا والله بدي ساعدها بس مش عارفه كيف
المشكله انو زوجها عندو محل تحت بيت عمتي وفي وحده مطلقه ساكنه حد بيت عمتي وحاطه عينها على زوج عمتي وبدها تاخدو منها وعملتلو عمل سحر يعني وخلته ما يحب يقعد بالبيت وما يحب يقرب على عمتي مع انو كان بيموت فيها وهي كل تصرفاتها واضحه انها بدها تعصب عمتي وتضايقها مثلا مبارح كانت عمتي على الشرفه وكانت عم تطلع على شرفة بيتها وكانت واقفه وبتعملها لعمتي بالاشاره انو انا شايفه كل شي وعم راقبك طبعا عمتي انزعجت وبنت عمتي راحت على البنايه يلي ساكنه فيها لتسال عنها بس ما حدا بيعرف اسمها الحقيقي حتى الناطور ما بيعرف الكل بيقلها لولو بتحسو انو في شي لغز بحياتها مثلا مره زوج عمتي مان نازل الساعه 3 الفجر على الجامع حتى يصلي وشافها على الطريقه راجع على البيت بسيارتها بيسالها اذا في شي بتقلو بنتي بالمستشفى وهو حرام قلبو طيب بيصدق بسرعه يعني معقول تترك بنتها بالمستشفى وترجع على البيت طبعا هيدا كلو عمتي عم تشوفو وتسمعو من الشرفه وهي مش لبنانيه من بلد عربي تاني وشكلها غريب كتير متل الساحره يلي بتطلع بافلام الكرتون والله انو مش عارفه شو اعمل لساعد عمتي يلي صحتها كتير تعبانه وعم تاخد حبوب اعصاب
انا اسفه طولت عليكم بس بدي حل الله يفرجلكم كل همومكم