|
محلات لاشياء التقديمات االبالجملة بالرياض؟ ارجو المساعدة
السلام عليكم ورحمة الله كيفكم حبيباتي جميعا بالنسبة لكل حامل اقولها الف مبروك؟ وسهل الله لك ولي الولادة ومن لم تحمل حتى الان ارجو من الله ان يرزقك بالذرية الصالحة انا الان حامل واسكن الرياض اريد معرفة بعض المحلات التي اجد فيها قطع تقديمات بعد الولادة كتحف صغيرة وعلب مكتوب عليها new baby او طفل جديد تكون بالجملة واسعارها رخيصة ريال او ريالين للقطعة ارجو كتابة عنوانها لاني جديد نقلت على الرياض ولكم كل دعواتي وشكري |
رد: محلات لاشياء التقديمات االبالجملة بالرياض؟ ارجو المساعدة
معقولة مافي احد من الرياض يقدر يفيدني؟ فينكم يا بنات |
رد: محلات لاشياء التقديمات االبالجملة بالرياض؟ ارجو المساعدة
هلا وغلا فيك
بنسبه للاشياء حقت التوزيعات فيه محلات تسوي لك تكون جهازه على ذوقك ,, وذا انتي تبين تسوووينها عندك ابو ريالين فيها اشياء حلووهـ اخذي اللي يعجبك وأبو ريالين تحصلينه في كل مكــان بالرياض اما سووووووووق الجمله معروف عندنا بالبطحاء رخص وروعه اللي هو شارع السويلم روحي من طريق الملك فهد على طول لين يجيك لوحة الامام فيصل بن تركي اذا شفتيه خذي الخدمة اطلعي الجسر وروحي على طول لين تجيك اشارة تراها اشارتين جنب بعض اشارة توديك على طول واشارة تروحين يسار انتي خذي الاشارة اللي تروحين على يسار وبعد ماتلفين روحي على طول وثاني اشارة تجيك خذي يمين واول اشارة تجيك خذي يمين في طريقيتين بقولك طريقة وطريق ثاني وانتي وبكيفك اول اشارة تجيك بعد ماتلفين يمين لفي معاها بتجيك محلات اقمشة ستاير وقفوا سيارتكم وامشوا مشي في لفة اول الشارع على يمين لفه صغيرة تدخلون معاها بتلاقين محلات على يمينك محلات يبيع اشياء صغيرة واشياء حقات الهدايا والتغليف هذا بداية الطريق وعلشان تتاكدين من طريقك على حسب وصفي بتلاقين محل على يمينك اسمه المقبل ,,هذي كلها محلات توزيعات رخييييصه اذا عرفتي الوصف ورحتي له ماابغى منك الا تدعين لي الله يسخر لي زوجي ويهون على حملي ,, |
رد: محلات لاشياء التقديمات االبالجملة بالرياض؟ ارجو المساعدة
موووووووووووووووووووفقة
|
رد: محلات لاشياء التقديمات االبالجملة بالرياض؟ ارجو المساعدة
الله يسهلك حملك وولادتك ويجعل مولدك قرة عين لك ولزوجك مشكورة جداااااااااااااا وان شاء الله اول ما اروح السوق راح اشتري واخبركم واصورلكم الاشياء الف شكر |
رد: محلات لاشياء التقديمات االبالجملة بالرياض؟ ارجو المساعدة
تسلمــين يالغاليه ,,
اهم شي تصورين ونشووف أبداعك وانا والله بعد ودي اسوي توزيعات بحاول ابد في تجهيزها |
رد: محلات لاشياء التقديمات االبالجملة بالرياض؟ ارجو المساعدة
يا ريت لو اي وحدة راحت السوق ولقيت اشياء بأسعار مناسبة انها تدلنا خصوصا اني جالسة اجهز ا في الرياض بس اهلي مو عندي وابي مساعدة منكم لاني قبل الولادة ان شاء الله لازم اسافر عند اهلي وتكون جاهزة كل الاغراض آخذها معايا انا ما حاقدر انزل السوق قبل اسبوع او اسبوعين بس لو نزلتي انتي قبلي السوق وبدأتي التجهيز ما اوصيكي بالتصوير وعقبال الجميع |
رد: محلات لاشياء التقديمات االبالجملة بالرياض؟ ارجو المساعدة
يا بنات الرياض يا ريت توصفولنا محلات تانية كمان
عشان الاستفادة مشكووووورين |
رد: محلات لاشياء التقديمات االبالجملة بالرياض؟ ارجو المساعدة
لررررررررررفع
|
| الساعة الآن 04:27 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .