|
ابي اطلع في بيت وزوجي رافض وش الحل
انا متزوجة لي عشر سنوات وساكنة قي بيت اهل زوجي وطبعا معنا في البيت عائلتين يعني اصبع العدد ثلاث عوائل الي هي احنا واخو زوجي وزوجته وعياله العائلة الثانيه والثالثة اخت زوجي تزوجت وجابت بنت وتطلقت ورجعت لنا علاوتا على خالي وخالي والمشكلة ان اعداد الاطفال زادت وزادت مشاكلهم لما كبرويعني صرنا كاننا في عزبت عمالة علاوتا على اخوات زوجي الي جنب بيتنا الي يوميا يجون
لكن المشكله الحقيقية بالاضافة الى كل هذا ان غرفة ابني عبارة عن بلكون اي غرفة ملابس فقط وعمره الان 9 سنوات ولان الغرفة ما يدخلها الا نفرين اضطرينا انا ما نحط لها باب يعني كانه نايم معنا هي الغرفة و3مرات يدخل علينا واحنا في وضع حرج وزوجي الان ادمن على بيت اهله ولا يبينا نطلع في بيت وكل ما كلمته قال ما راح اطلع لين يطلع اخوي الي له 20 سنه متزوج وولده عمره 19 ومسكين كل وقته في هالشارع من يوم عمره16 سنة لان ما فيه مكان يجلس فية بحكم ان البيت زحمة ولا فيه احد في مثل عمره يجلس معه والبيت كله الان ما مكان لاستقبال الضيوف من رجال ونساء الا مجلس كنب ومقلط فقط لا غير وحنا جلستنا في المقلط والصاله عبارة عن ممروالحوش الله لا يوريك عبارة عن محل سيارات واذا قلت حنا وش دخلنا في اخوك قال هم اكثرعدد وحنا اولى بالقعده عند اهلي واذا شرحت له عن مشاكل ولدنا مع بنات اخوه وبنت اخته المطلقة قال طلع حجة ثانية وقال ما راح اطلع الا في بيت ملك ما راح اطلع في اجاريعني انه ادمن وتعود على بيت اهله تكفون دبروني وش الحل وللخديث بقية لان زوجي الان يبي الاب توب ردوووووووووووو |
رد: ابي اطلع في بيت وزوجي رافض وش الحل
مااقول غير الله يصبرك بس والله زوجك مامعه حق يحشرك مع العالم الي ببيت اهله وبصرحه مستغربه وشلون زوجك ماتضايق من سالفت عدم الخصوصيه في النوم وماشالله ولدك كبير يعني حرام اتضيعون شبابكم بالحاله هذي 00
ونصيحتي لك انك اتظلي اتمني زوجك بقولت لو حنا ابيت لحالنى كان اقدر اسويلك اشياء ان تندم على عمرك الي فات مثلا مره افاجأك بعشاء رومنسي على الشموع ومره ارقص لك بحريه 00ومره افاجئك بحفله ليوم زواجنا واولادنا معنا وطبعا انهيها با ليله هاديه ورمنسيه ومن غير ازعاج اولادنا الله يصلحهم00واشياء كثيره اكيد يتمناها ومايقدر يسويها بس يكابر انه مرتاح ببيت اهله 00وانتي حاولي فيه بس اتكوني هاديه ومو منفعله عشان يسمع لك وخليه دايم يحس انك منتي مرتاحه عشان مايتبلد احساسه بس نصيحه اختي انك ما تلحي عليه اذا كان امكانيات زوجك الماديه ضعيفه لان الاجارت فعلا مكلفه واذاكان يبي ملك اقنعيه تشترون والباقي اقصاد لان كل العالم عايشه على كذا00 ولايضيق صدرك وتيأسي بنت خالتي تقريبا مثلك والله فرجها واطلعت ببيت عادي جدا لان هي قايله لزوجه لو اطلعني بعشه00اناراضيه لانه عارفه اذا اطلعت اول مره راح تطلع مره ثانيه ببيت احلى وبكذا بسطت الموضوع على زوجها وعلى نفسه00والحين ماشالله اطلعت ابيت حلو وعقبالك يارب وتقبلي تحياتي 00اشواق |
رد: ابي اطلع في بيت وزوجي رافض وش الحل
الله يكون في عونك يارب وتفرج قريب يارب...
|
رد: ابي اطلع في بيت وزوجي رافض وش الحل
الله يكون في عونك .ودائما ادعي ربك واستغفري
الله يوفق الجميع |
رد: ابي اطلع في بيت وزوجي رافض وش الحل
يارب يكون بعونك ويصبرك بجد انتي انسانة صابرة
طيب حاولي تتكلمي وتاخدي راحتك بمعرفة الاوقات اللي زوجك يكون فيها مبسوط يعني باوقات الصفا لازم تبينله ان ولدك كبير وبسن حرجة وع قولتك طول وقته برة لاتحاولي تتذمري من اهله لا خلي معظم شكوتك ع خوفك ع ولدك وعلى نفسك انك تعملوا اشياء جديدة وكانكم عرسان وان الوضع بيحرجك بوجود ناس واتمنالك التوفيق وربي يفك ازمتك ع خير |
رد: ابي اطلع في بيت وزوجي رافض وش الحل
حبيبتى حاولى تتفاهمى معاه
انا كذا مع زوجى ساكنه باجار جم اهلى بس يبى يفوت شقه ثانيه بمنطقه بعيده عن اهلى وصارت مشكله بينه وبينى وصرت اسمع كلامه وصار يفهمنى بهدوء |
رد: ابي اطلع في بيت وزوجي رافض وش الحل
اااااااااااه الله يعينك الى يشوف مصايب الناس تهونعليه مصايبه....
خلى الولد يكلم ابوه يقوله مثلا نفسي يسر عندي غرفة نفسي اجيب اصحابي البيت البيت ضيق محنا مرتاحين البنات ماشاء الله كتير في البيت يعني كلام من دا وربي يفرج همي وهمك |
رد: ابي اطلع في بيت وزوجي رافض وش الحل
اسمعي حبيبتي شاكره لله انا بنصحك نصيحه لوجه الله الي فهمته من خلال كلامك ان زوجك مصر على بقائه في بيت اهله وهذا الاصرار انا في نظري انه اما حرص يعني يمكن يكون زوجك من النوع الحريص الي الي يحسب الف حساب قبل لايصرف اي مبلغ وفي هذي الحاله صدقيني مراح تطلعين بااي نتيجه لان هذا النوع مستعد يعيش في اي وضع موب مهم المهم انه مايصرف بختصار مراح يجيك الا الهم والمشاكل حاولي تتعايشين مع وضعك بشتى الطرق بذات اذا كنت تحبينه اما اذا كان حب في اهله صدقيني مراح يستمرهالشي بذات اذا شاف ان هالحب جاء على حساب نفسها وزوجته وابنه في هذي الحاله حاولي معه دايم خليه يحس بتئنيب قولي له لا انت ولا انا ولا ابننا بنعيش بهالوضع الي انت تبيه يستمر عمر ليته موقت قولي له تاكد انت راح تجبرني اما اعيش انا وانت بنكد وهم من كثر الضغوط الي علينا او ننفصل طبعا كتهديد يعني حاولي لاتيئسين معه اما اذا كان زوجك ظروفه الماديه ماتسمح يفتح بيت مستقل علشان كذا هو صابر ومتحمل انتي بعد في هذي الحاله لازم تصبرين وتتحملين علشانه وعلشان ابنك لاتكلفين عليه فوق طاقته ترى اشين شي الرجل اذا حس ان زوجته موب واقفه معه وفي الاول والاخير مالك الا الدعا ء ادعي ان الله يهديك |
رد: ابي اطلع في بيت وزوجي رافض وش الحل
الله يصبرك يا قلبي....
والله لو مكانك يمكن ما كنت اتحمل ولا سنة وحدة!!!! لذلك خليني ساكتة أحسن!!! |
رد: ابي اطلع في بيت وزوجي رافض وش الحل
ماشالله أشواق كفت ووفت
الله يصبرك ويعينك |
| الساعة الآن 01:25 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .