|
زوجي وحبه القديم؟؟!!!
السلااااااااااااام عليكم خواااااااتي
انا مشكلتي ان زوجي قبل لايتزوجني خطب بنت قريبه له وكان يحبها بس رفضوه اهل البنت المهم من تزوجته وكل شوي يجيب طاريها وشلونها هي تغيرت عقب اول وخاصه لارحت لااجتماع وشفتها تهاوشت كم مره انا وياه عشان هالسيره تخيلوا يتكلم فيها قدامي انا انسانه لي مشاعري ودي اخليه ينساها تعبت واحيانا افكر اخليه وانا والله اني احترم مشاعره جدا ماعمري مدحت رجل قدامه واذا تهاوشت انا وياه يطلعني انا الغلطانه يقول انتي حساسه جدا وانا نسيتها ومدري ايش طيب اللي ينسى يجيب طاري اللي يحبها كل شوي تعبت ارجوكم عطووووووووووني حل؟؟؟ |
رد: زوجي وحبه القديم؟؟!!!
ليه تزوج مدامه يحبهآآآآآآآآ ..
مدريشقولج صرآآحه أأحقريهـ .. |
رد: زوجي وحبه القديم؟؟!!!
مو شرط من كثرة اسألته للـآن يحبها .. الرجل له كبرياء يكره الرفض أتوقع لو أهل البنت يعرضون عليه يتزوجها حالياً هو راح يرفض لـأن النفس مهما كان لها عزه بس كل ما يتذكر رفضهم له ممكن يحس بشوية قهر ليش رفضوه ؟! هو ايش ناقصه ؟! فـ يحاول يفضفض بطريقته و يبدا يسألك .. المفروض تكون أجوبتك ذكيه خليك هاديه و حسسيه إنها بنت جداً عاديه مثلها مثل غيرها ( انتبهي تحتقريها أو تسبيها أو شيء من هالقبيل ) و لو حسيتي إنك طفشتي أو قربتي تعصبي استأذنيه و كأن وراك شغل في البيت و اتركيه شويات و هو من نفسه بينسى و مع الوقت ممكن ينساها للـأبد بس انتبهي من الهواش بدافع الغيره لـأنك ما راح تستفيدي إلّـا وجع الراس زوجك عندك و بنت الناس في بيتهم هم رافضينه من قبل ماله داعي تحرقي أعصابك و الموضوع بكبره ما يستاهل كلها إن شاء الله مرحله و تعدي |
رد: زوجي وحبه القديم؟؟!!!
حبيبتي الغيهااااا تماااااما من حياتك ولاتفكري فيها ابدا ويمكن هو مايحبها او نساها بس لما يكون زعلان منك يحاول يغيضك ربي يصبرك عليه هو غلطان بس نصيحتي لاتتركي لاحد فرصه عليك مهما كاااااااااااااااان ولاتطلبي الانفصال لانه هو زوجك وانتي اولى انسانه فيه ولاتفتحي الطريق لغيرك ولاتسمحي لاي شخص ياخذه منك والحل مايكون بطلب الانفصال نصيحه عشان لاتندمي بعدين
|
رد: زوجي وحبه القديم؟؟!!!
موقفك سليم 100% لكن ردة فعلك ما بتجيب لك نتيجة وتحسب ضدك وليس لك..
ما فيه زوج يحب الهواش.. إذا انتي تبين تغيرين فيه تصرف لا تنتظرين وقت بدور هالتصرف عشان تتكلمين.. لا انتي تعالي له في وقت الروقااان والصفاء والمرح وضميه ودلعيه hwaml02 وقولي له وانتي في حضنه بكل دلع ورقة: حبيبي فيه شي أبيك تسويه عشاني لأني مب مرتاحة ومخنوقة والله العظيم :"( وإذا سويت لي هالشي بيكون بالي متطمن.. ولا تنسين الكلمة الأساسية في مثل هالمواقف: انت تخيل لو العكس وانا اتكلم عن واحد كان خاطبني قبلك شنهو بيكون شعورك؟ :"( لازم كذا شوي مقدمات وتجيبين الموضوع بالسياسة والهدووء وان شا الله ان شا الله ما بيردك اصلا ما بيقدر يقول لا hwaml02 أنا هذي الطريقة المعتمدة عندي hwaml02 |
رد: زوجي وحبه القديم؟؟!!!
حبيبتي عاد ما اظن يحبها
بعدين لما هو يطريها انتي سكتي عنه لانه اذا قمتي تناقشيه بتطول السالفة اكثر وبيطول النقاش عنها واذا سألج عنها قولي معرف بعدين هو بروحه ما عاد يسأل لانه ما يحصل اي معلومات عنها |
رد: زوجي وحبه القديم؟؟!!!
لا تزعلين و تتضايقين ..
بلعكس لا اسالك خلي نفسك عادي لا اسالك عنها تحديدا .. جوبيه اجابه نموذجيه .. الحمدالله الكل بخير و طيبين و هيك شغلات.. أو بنفس الوقت اللي يسالك عنها قولي له ممكن احكي لك شغله بكل رواقه و تفهمني ياليت .. ادري ان في اشخاص في الحياه مرت عليهم تجارب حب و تجارب اعجاب و تجارب مرت بنجاح و بعضها بلفشل .. انا احترمك لانك لما اعجبت بقريبتك ما لفيت و لا درت رحت الى بيت ابوها و خطبتها لكنهم ارفضوك .. هذا الشي مو ذنبي و لا ذنبك .. لكن بعدها انت قررت ترتبط بوحده ثانيه بغض النظر عن هدفك من الزواج .. انا لي احترامي و لي خصوصيتي معاك .. اانا احترمك و احترم اللي انت مريت فيه و مقدر لكن انت كل ما تذكرها تحسسني اني مو ماليه عينك او اني مقصره معاك احنا في بداية حياتنا و كل وحده منا له شخصيا .. لازم تحاول معاي ان حنا نلاقي حل نتواصل فيه مع بعض شي مشترك او شي .. و حاول على قد ما تقدر انك ماتذكر شي من ماضيك يضايقني.. زي ما انا من اليوم بحاول اتغاضى و اسوي نفسي ماسمعتك .. و من هذا الكلام اللي يخليك تكبرين بعينه و يخليه ينصدم و يستحي و يحاول بجد يتغير على شانك.. اما اذا بكل مرره بيذكرها لقصد او بدون قصد و انتي بتتهاوشين معاه لا شعوريا بترسخ اكثر و اكثر بمخه .. لان معروف كل ممنوع مرغوب .. |
رد: زوجي وحبه القديم؟؟!!!
و اذا راح تفكري فيها طول الوقت .. انتي اللي بتهدمين حياتك و بتحولينها الى مشاكل مع زوجك اما ..
اذا فكرتي فيها من زاويه ثانيه افضل انك بكل الطرق تحاولين تلفتين نظره و تخلينه ينساها .. اذا دللتيه و عرفتي شنو يحب و شنو يكره و كل اللي يقول عليه سمع و طاعه بتلفتين نظره بيقول الحمدالله زوجتي تغيرت و ماتقصر و و و و و مو شرط يقولك لكن بيبن من تصرفاته .. كل رجال عنده عيب و كل رجال عنده مفتاح تكسبينه منه .. مثلا انا زوجي كان متزوج و في بداية زواجنا و الى مدة سنه و هو يقولي أنا اعرف استشور شعري و اسوي فير لكن طليقته ماكانت تعرف و دايم بلمشغل و انا احف جسمي بلبيت و هي لا في الشهر مرتين تروح المشغل و تروح تحف وجها و جسمها .. فا في كل مره و الله انتي تعرفين تستشورين اللي قبل جننتني بلمشاغل .. و تخيلي بكل مره اسوي شعري يقولها لي .. و اقوله عادي انا لو مالي خلق بروح المشغل بس دام فيني حيل و عندي بسوي شعري و ادلع نفسي طفشني و انا اقوله ايه عادي كل وحده و طريقته و براحتها ... الين بلنهايه استوعبت انه لا شعرويا يطلع منه الكلام و ان قصده يمدحني و يذم فيه لكن بنفس الوقت .. كان ذكرها يضايقني و انا قلت له .. من بداية زواجنا بطل مقارنات بيني و بينها لو حتى انك بتمدحني و بتذم فيها و هيك شغلات .. |
رد: زوجي وحبه القديم؟؟!!!
الله يعين على سخافات بعض رجال ؟
يحللون لهم تصرفات ويحرمونها عليهم ماأعرف ليش ينتظرون نقول حط نفسك مكاني ومن هالكلام ؟ ماعرف متى يحترمون أنفسهم بدون مانتعب نفسنا وأحنا نبحث عن حلول معهم ياارب الصبر |
رد: زوجي وحبه القديم؟؟!!!
الله يعينك حبيبتي ,و الله كلميه باللين و حاولي تقولين له ان ميفتح سيرتها امامك ميجوز هذا الشي ابدا
و حبيبتي صدكيني حاولي تتجاهليها قدر الامكان و انتي كل الي عليكي ان تحافظي على زوجك و علاقتكم و لتسمحين مثل هيج امور تخلق مشاكل بينكم الله يبعدكم عن المشاكل , اني احس فيكي و اعرف الي يتصرفه مو صحيح , بس هو ليكي انتي وبس وربي ينور طريقكم و يجعل ربي المودة والمحبة بينكم و ربي يجعلها بردا وسلاما بينكم امين يارب العالمين ,,,, بالمناسبة شوفي قصتي ويمكن راح تهون عليك الامور شويه بصراحة ذكرتيني بزوجي نفس الشي كانت له علاقة بوحدة اجنبية ايام الدراسة في الخارج و حسب كلامه انه هي كانت مجرد صديقة مخلصة و تحبه بس هو مكان يحبها و لكن كانت علاقتهم مثل المتزوجين وانتوا تعرفون الاجانب وطريقة علاقاتهم وعيشتهم , بعد متخرج وترك بلدها ورجع الى بلده بقت اتصالات تليفونية خفيفة على المناسبات و كان يروح يتصيف في بلادهم كل سنه يبقى شهر ويرجع هذا الكلام من سنين, تزوجنا , و شائت الصدف و نجي نعيش بنفس بلدها ورجعت تليفوناتهم سوى و صداقتهم و حتى عرفها عليه و جابها للبيت عندي هي طبعا كبيرة في العمر الان وقالت لي من زارتني بالبيت انه كل شي انتهى بيني وبين زوجك من سنين طويلة انا قلت لها اعرف ها الشيء و قالت لي نحن الان مجرد اصدقاء قلت لها كل شي اعرف , المهم انا قلت مع نفسي ليش سمحت الها تجيني للبيت, المهم حبيبتي حسيت بيها بعدها نفسها بزوجي من خلال اتصالاتها حتى في اوقات متاخرة بل 11 ونص بالليل تتصل و تبقى تحكي معه بالساعة ونصف تقريبا الى ان سوت حياتي دمار ومشاكل اني وياه وكم مرة طلبت منه يتركها ولكن ميفيد الى ان اجى يوم وفاة ابوها و حظرنه جنازته في يومها عملت مشكلة و طردتنه من بيتها لان اني وزوجي صار جدل بينه و في بيتها من هذاك اليوم بعد ان رجعنه الى المدينة الي ساكنين بيها قلت ال زوجي بعد ما اريدك تكر اسمها على السانك امامي ولا اقبل بيك تتصل بيها امامي و لا هي تتصل بيك وانت يمي بالبيت ابدا ما اقبل بعد تستمر هي على استهتارها و انت هم على استهتارك بيه اني طول عمري محترمته و مقدرته و لا مرة جرحت كرامته ولا رجولته , و بالاخر ما احصل منه بس قلة الادب و ساحق كرامتي بالارض من عدها بعد ابد بطلت تتصل الا نادرا لاسباب جدا ضرورية و اني اعرف بيه هو يكلمها من ما اكون يمه او من يكون هو خارج البيت , ولو ها الشي يأذيني و يجرحني بس افضل من ان يكلمها بحضوري و تنهان كرامتي لان حاولت ان يترك علاقته بيها بس فشلت و اجيتله بكل الطرق و ماكو فائدة بس هسه احس بيه الحمد لله شويه احسن من قبل, ربي لا يوفق كل شخص يدمر حياة عائلة او شخصين تربطهم روابط مقدسة الله ينور طريقج غاليتي تحياتي لكي |
| الساعة الآن 08:13 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .