بليز قولولي ايش اسوي :( انصحوني
 

السلام عليكم
حابه اقولكم اللي صاير معي و أبغا نصيحتكم
أنا متزوجه ليا 3 شهور جاتني الدورة مرتين مره 21-3 و مره 14-4 طبعا بالميلادي الدورة التالته يوم 14-5 نزل دم لونو وردي شي بسيط و تاني يوم اللي هوا 15-5 نزل خيط لونو بني غامق و اليوم اللي بعدو ما عاد صار ينزل شي حتى لما امسح مافي شي بس صار يجيني الم دورة و مغص مو طبيعي و لحد الان يروح المغص و يجئ لدرجه احيانا ابكي رحت حللت دم طلع سلبي و امس عدت التحليل كمان سلبي وسويت سونار مهبلي قال الدكتور مافي شي و لما سويت السونار خلاني ادخل الحمام و افضي كل البول ( الله يكرمكم ) اللي مخليني احتار تجيني أعراض الحمل صداع مو طبيعي و احيانا دوخه و اذا نومت يجيني خمول خلاص ماعاد ابغا اقوم بس ابغا أنام و بينزل مع البول خيوط لونها ابيض و الريحة احسها اتغيرت صارت مو حلوه و حاسه الشم احسها صارت قويه و فجأه احس بحرارة بجسمي شوي الا أصير بردانه و ابغا أدفى ومو مشتهيه اكل شي امس اليوم بطولو ما أكلت شي و مافي شهيه و بطني منفوخ و لما اكل احس بصعوبة اخد نفس و تجيني زي الحراره فوق معدتي ونفسيتي زفت أزعل من اي شي و نفسيتي تعبت اكتر بعد ما حللت و طلع مافي حمل امس جاني الم في ظهري و رحت الدكتوره و سوتلي تحليل و طلع سلبي وعطتني حبوب ( بريمولوت ن ) 3 مرات في اليوم لمدة 5 ايام وبعدين استنى من 5 الى 7 ايام اذا ما جات قالت تعالي و قالت اذا في حمل بيثبت و اذا مافي بتنزل الدورة قريت النشره كاتبين انو اذا شاكه في حمل وقفيه و بصراحه خايفه أخد أنتو ايش رأيكم استنى دحين لها 18 يوم ماجات هل ممكن يكون لسا ما يبان لأنو اول حمل ولا أنا أنا تفكيري غلط وربي ملخبطه مؤ عارفه ايش اسوي
و سوري ع الاطاله

رد: بليز قولولي ايش اسوي :( انصحوني
 

صباح الخير يالغلا


بما انه مكتوب بالنشره اذا شاكه لافي حمل توقفيه

نصيحتي لك لاتاخذين شي لمن تتأكدي انه مافي حمل واذا ع الدوره اصبري عليها كمان تنزل بكيفها

وان شاءالله ماتنزل ويكون في حمل ... لاتاخذين الحبوب نصيحه

وبالتوفيق الله يسهل أمرك يااارب ولاتفكري

رد: بليز قولولي ايش اسوي :( انصحوني
 

صباح النور
شكلي كدا بتحمل ألمي و استنى يارب يكتب لي الخير و تسلمي يا عسل

رد: بليز قولولي ايش اسوي :( انصحوني
 

ان شاء الله تكونين حامل
ماعندي فكره بس حبيت ادعيلك

رد: بليز قولولي ايش اسوي :( انصحوني
 

عزيزتي ان شاء الله حاااااااامل و خليني اقولك شي عن تجربة المفروض انها تعطيكي دافستون اذا فيه حمل تثبت و اذا ماااافي تنزل الدوره مو تعطيكي دوا مكتب انه مو كويس للحمل ايش هذا اقول انتي فين ساكنه علشان في دكتوره يمدحوها ابغا اقولك عليها

رد: بليز قولولي ايش اسوي :( انصحوني
 

تسلمي يا قمر :)

رد: بليز قولولي ايش اسوي :( انصحوني
 

أنا كمان استغربت و خوفت بصراحه ..
ساكنه في جدة

رد: بليز قولولي ايش اسوي :( انصحوني
 

حبيبتي اني اشك انه انت حامل بما انه صارلك 18يوم والتحليل سلبي ىعني موحمل واني اخذت بريموليوت مياثر على الحمل والله كريم

رد: بليز قولولي ايش اسوي :( انصحوني
 

حبيبتي لا تستعجلي في أخذ أي دواء ، الظاهر إنه دورتك منتظمة ، و أنا صار لي مثلك بالضبط نزلت افرازات يومين وراحت و كان عندي مغص الدورة شديد
و الحمد لله طلعت حامل
إنت استني كمان أسبوع و راجعي كتور آخر و إن شاء الله خير

رد: بليز قولولي ايش اسوي :( انصحوني
 

ان شاء الله بستنى و أشوف ايش بيصير