|
للي دمها نازل فالحمل .. أو للي حملت وصار عندها نقص فالدم ممكن تدشون تفيدوني !
السلام عليكم و رحمه الله و بركاته شخباركم خواتي الكروشات ؟ الحمدلله ولله الحمد .. من جم يوم غيرت المشتسفى للي كنت بولد فيها لمشتسفى ثاني إن شالله وطبعا مثل ما تعرفون لازم تحاليل وجي .. المهم سوت لي الدكتوره التحاليل طلع الدم عندي 9 جي 9 و نص .. قالت الدكتوره أكيد الحديد عندج ناقص و لا مستحيل الدم جي ناقص لازم نسوي لج تحليل للحديد طبعا سويت طلع الحديد عندي تمام 12 .. خوفتني بصراحة الدكتوره قالت لي نقص الدم غريب جدا ماينقص ألا لو كان في مرض hwaml80.. قالت لي تعالي باجر عشان نسويي لج تحليل الثلاسيميا .. رغم اني تقريبا الصيف للي طاف كنت مسويه تحاليل شامله والحمدلله ماكان فيني شي .. وبالنسبة للثلاسيميا مرض وراثي ولله الحمد لا زوجي و لا أهله و لا أهلي فيهم هالمرض ؟! أخت زوجي قالت لي يمكن يقولون لج جي عشان تدفعين وتخافين ! والله ما أدري بس في أحد صار له هالشي ؟ و ياترى شو أسباب نقص الدم رغم أنه الحديد عادي مب ناقص .. hwaml85 شكرا لكم أخواتي وربي يسهل على كل وحده و يتمم لها على خير |
رد: للي دمها نازل فالحمل .. أو للي حملت وصار عندها نقص فالدم ممكن تدشون تفيدوني !
الله يسهل عليك
والله ماعندي علم بحالتك بس انا مثلا عندي طووووول فترة حملي دمي ناقص لان فيني تكسر منجلي وكذا مره يركبون لي دم واموت واحيا في العنايه المركزه بس الحمدلله رب العالمين الله يشفي الجميع ياااارب اما اذا مثل حالتك كثري من اكل الخضار مثل البقدونس الجرجير الملفوف الخس وهيك شغلات الله يسهل |
رد: للي دمها نازل فالحمل .. أو للي حملت وصار عندها نقص فالدم ممكن تدشون تفيدوني !
حبيبتي اتوقع فعلا
تتكثر تحاليل عشان الفلوس بس افضل شي ومن تجربتي الزبيب اليمني ويسمى الاسود رووووعه ---- الله ييسر امرك ويهون عليك |
رد: للي دمها نازل فالحمل .. أو للي حملت وصار عندها نقص فالدم ممكن تدشون تفيدوني !
انا على طول فيني نقص دم وخصوصاً لما احمل يبين فيني واضح
والدكتورة بس تكتب لي حبوب حديد اكل منها حبه يومياً .. ويصير دمي اوكي يعني مو المعدل المطلوووب الي المفروض اكثر من 11 بس الحمدلله انه يوصل 10 ومرات ينزل 9 ويرجع 10 اعتقد هذا الشي طبيعي .. لان الطفل يمتص الحديد من جسم الام عليج بالاشياء الخضرة البقدونس - البروكلي - الجرجير - الخيار - الفلفل الاخضر - الكبده كثر منها وبعد ما تاكلين الاشياء الغنيه بالحديد او تاكلين حبوب الحديد شربي معاها عصير برتقال فريش .. لانه يسهل ويسرع امتصاص الجسم للحديد وان شاء الله ما عليج الا العافيه هذي الدكتوره تبي تخسرج وبس |
رد: للي دمها نازل فالحمل .. أو للي حملت وصار عندها نقص فالدم ممكن تدشون تفيدوني !
يعطيج العافيه اختي و الله يتمم لج على خير
انا يوم حملت دمي نقص واايد و عطوني حبوب حديد وانتي يمكن ماتتغذين عدل من جذي دمج ناقص .. خبرج انتي فيج بيبي ولازم تاكلين دبل يعني لازم تهتمين بالاكل الصحي علشان ماينقص منج شي وحافظي على صحتج خلال هالشهر و الله يسهل لج الولادة |
رد: للي دمها نازل فالحمل .. أو للي حملت وصار عندها نقص فالدم ممكن تدشون تفيدوني !
يا جماعة نقص الدم شي طبيعي بفترة الحمل بس المهم انه ما ينقص كتير
و اشربوا عصير برتقال مع بشر الجزر كتيييييير مفيد و عصير الليمون كمان منيح شو هالكلام الفاضي هذا يعني هي الوحدة تحمل جنين ببطنها عالفاضي مو كله من دمها الله أكبر شو هالدكاترة هدول |
رد: للي دمها نازل فالحمل .. أو للي حملت وصار عندها نقص فالدم ممكن تدشون تفيدوني !
تطمني عزيزتي بحملي الاول دمي 10 وعادي جدا مثل ماقالوا الاخوات لانه البييبي يحتاج دم
وكانت الدكتوره اقول لي دم ناقص بس يعتبر من ضمن المعدل الطبيعي الحمل ولا ازيد عن الاخوات كثري الاشياء الخضرا يكون فيها نسب عاليه حديد واهتمي باكلك زين ولا عليك منها وادا حابه تطمنين اكثر روحي لدكتوره ثانيه واستشيرها وساليها عن نسبه دمك وان شاء الله يارب يهون عليك |
| الساعة الآن 10:58 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .