|
الرحم مفتوح 2سم لكن ؟
السلام عليكم ورحمة الله وبركاته
هذي اول مشاركه لي في المنتدى وماسجلت فيه الا لاني لاحظت انو كل ماابحث عن شي يفتح معي هذا المنتدى واحس الكلام من خبره الله يسهل علينا وعلى كل الحوامل يارب انا جاتني الدوره الله يكرمكم تاريخ 23 - 9 واليوم المتوقع للولاده هو 8 -7 وهذا ثاني حمل لي الحمل الاول كان قبل 3 سنوات وعليها وكملت التاسع زياده 7 ايام واخذت طلق صناعي والله اني تعقدت منه ومابي اجربه من ثاني قبل كم يوم حاولت ب اشياء تفتح الرحم وشربت خروع مرتين ولامن فايده بس لوعة الكبد حتى الاسهال الله يكرمكم مايجيني قبل امس آخر الليل حسيت ب عوار تبخرت ب حلتيت ويوووووه من ريحته بعدها تحممت بمويه دافيه بعدها صليت وشربت كوب قرفه ونمت وصحيت الصباح من بدري والا العوار مره والطلق رحت المستشفى وقالوا لي مفتوح 2 سم وركبوا لي التخطيط ويالله اني كملته من قو الألم عند صلاة الظهر جات الدكتوره وكشفت وقالت مفتوح من 3 إلى 4 سم بعدها ماعدت احس بطلق ولا ألم الين ب الليل جا الدكتور وقال مافيك طلق ليش جالسه روحي للبيت وكشف وقال 3 سم بس اجلسي الين الصبح ولو ماتطور شي روحي ع البيت بدل مايعطونك طلق صناعي لانو باقي على موعد ولادتك الساعه 12 ب الليل كنت داخله دورة المياه اللي يكرمكم وطلع معي زي الشي مطاطي وماهو بصغير والله وجاي عليه دم خفيف المهم انا مشيت ومشيت ومشيت ولامن شي تغير الصبح الساعه 7 جا دكتور ثاني وقال لي الرحم مفتوح 1 ونص سم الى 2 بس والله انهم بكوني وتعبوني كل واحد يقول شي لاتقولون ليش مستعجله والله ان الالم اللي جاني قووووي الصباح بس بعدها اختفى كيف مدري المهم انا طلعت من المستشفى بس تعبانه مره ويادوب اصلي والحين اصلي وانا جالسه واحس البيبي نازل بس الجو غبار ومقدر امشي لانو عندي ضيق تنفس زوجي بيسافر بكره وتمنيت اني اولد قبل يسافر بس ما الله كتب انا حاسه ان ولادتي قريبه اقرب من يومين وثلاثه وودي اني افرح ابو العيال وخلااااااص تعبت وربي من الالم والثقل يصير اتبخر ب حلتيت مره ثانيه والرحم مفتوح ؟ و لا ب كمون ولاقشر بصل انا حاسه اني على وشك بس بس يبي لي دفعه لانو احيان احس البيبي يبي يطلع من تحت واحس بألم زي السكين ولا امشي وبس ! علما اني اكلت تمر عن سنه قبل وفي المستشفى بس ماسوى شي وش يجيب الطلق تعبت مررره ونفسيتي تعبانه اكثر تكفون يااهل الخبره شوروا علي |
رد: الرحم مفتوح 2سم لكن ؟
هلا اختي سلامتك والله يسهل ولاتك ويفرح ابو العيال قبل لايسافر تبخري واشربي كف مريم وﻷتنسين ابو العيال ترى عنده اللي يعجل ولاتك وان شاء الله مايطلع الصبح الا والبيبي في حضنك بصحه وسلامه ﻵتنسين
|
رد: الرحم مفتوح 2سم لكن ؟
طمنينا عنك
|
رد: الرحم مفتوح 2سم لكن ؟
ياحياتي احس انك ولدتي
واذا ماولدتي الله يسهلك ولادتك ويقووومك بالسلامه اجر وعافيه عيوني |
رد: الرحم مفتوح 2سم لكن ؟
حبيبتي الله يسهل عليييك
ولاتلعبي بنفسك انا عن نفسي البخور بالحلتيت و مدري شنو ماعترف فيه وربي لو سويتي كل شي و ربك ماكتب لك تولدي مابتولدي عليييييك بالاستغفار المشي اشربي زمزم الرطب انااا تاخرت ببنتي و عديت التاسع و الدكتوره قالت لي اشربي زيت خروع و الحمدالله خالتي قالت ماتشربي قالت يلين البطن و يسبب اسهال و الحمدالله ماشربته بس صرت امشي وادعي و اقول يارب اني اعيذهااا بك من الشيطان الرجيم و فتح الرحم 3 و وقف وكنت عادي مافي مغص و تنومت بالمستشفى يومين ولما انفتح الرحم كانت اسهل ولاده والله ماخذت 5 دقاااايق و الا بنتي مع الدكتوره بس الغريب بنتي مابكت كانت ساكته الا لما الدكتوره ظربتهاا و بكت و كانت جدا طبيعيه وربي يسهلك حبيبتي |
رد: الرحم مفتوح 2سم لكن ؟
ربي يسهلك عليك ي قلبي ويقومك بالسلامهه
|
رد: الرحم مفتوح 2سم لكن ؟
ماانصح اي حامل بشرب القرفه hwaml4من تجربتي شربت القرفه وجاني طلق والرحم مسكر شفت الموت ليما فتح
خلك طبيعيه متى ماشاء الله راح تولدي كثري من المشي والجماع هذا كلام دكتور ربي يسهل ولادتي وولادتك وكل الحوامل امين يارب العالمين |
رد: الرحم مفتوح 2سم لكن ؟
أشربي فنجان عسل طبيعي ( كلام د.جابر القحطاني)
|
رد: الرحم مفتوح 2سم لكن ؟
الله يسهل عليك يارب
ادعي ربي ييسر امورك والله مايفيد لاخروع ولاغيرة الي كاتبه ربي بيصير بالتوفيق |
رد: الرحم مفتوح 2سم لكن ؟
الله يسهل عليك ومايجي الصبح الا انتي خالصه
اشربي حلبه او حليب محلى بعسل ولا تستعجلي لسى ربي ما اراد انه يطلع انا جلست اسبوع والرحم مفتوح 2 سانتي والطلق فااتر وبالاخير اعطوني طلق صناعي |
| الساعة الآن 06:43 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .