|
وتستمر المعاناة
يا بنات متضايقة اكتير وما ليه حد غيركن اشكيلو انا هسه حامل جديد وابني عمره 4 شهور جوزي بس بدو اجيبلو اولاد لا بيهتم فيه ولا بيطلعني مشاوير ايما بلبيت ولما اطلب منه بصير يقولي الاسبوع الجاي وبيجي اسبوع وبيروح شهر وهو يحكيلي الاسبوع الجاي ولما اطلب منه اروح على جارتي اتسلى معها بيمنعني وعلى اخوتي كل 4 شهور بوديني بحجة البعد وهو دايما بره البيت ما بيجي الا ياكول وينام اوف ازهقت من هلعيشة بفكر الحياة اكل وشرب والله مليت من البيت والوحدة بيطلع من الساعة 5 الصبح وبيرجع الساعة 7 ونص الصبح وبضلو نايم للضهر بقوم بتغدى وبيطلع وبيرجع المغرب بياكول وبنام وبطلع على الساعة 9 للساعة 3 الصبح وبنام ساعة وبيطلع ولما احكيلو عندي موعد للدكتور بحكيلي روحي لحالك ما بيجي معي لان لغة الدكتور انجليزي ويدوب افهم عليه وهو بيعرف لغة انا الحق عليه مو لازم احمل واحد زي هيك ما بلزمو اولاد يريت يطلع من حياتي يصرف على اولادو ويروح ما بدي اشوفو اقرفت منه ومن عيشتي والله حتى الثقة بنفسي قلت من اهمالو ليه رغم اني مو مقصرة بحقو بس خلص يحل عن سماي بطلت اتحمل بدو اهتم فيه يهتم فيه كمان حامل وعندي ولد وبيت ومسؤولية ولا هو مقدر وهسه ما بيحكي معي بيعمل اكل الو لحالو وبنام وحدو ومع انو هو مزعلين بدو اياني انا اجي واراضيه زي كل مرة بس خلص طفح الكيل مع القلعة يطلع من حياتي احسنلو والله الكلب اللي بلشارع بطل جعان بهلأيام ايش بفككرني ما بكفي سامحتو على خيانته ومعاملته السيئة معايه وانا كنت نفاس وفي اكتر الاوقات بحاجتو هادا انسان بلا مشاعر ببيعني على اول مطب بس يتعرف عى وحدة بيرميني امانة هادا الو امان او ثقة فيه كيف حكمل حياتي معاه وانا فاقدة الثقة فيه ودايما حاسة بخوف بأنو بأي وقت بيتركني احمل مسؤولية اولاد لحالي لانو هو للأسف ما عندو مسؤولية بيت واولاد يا بنات والله متضايقة اكتير ومعي مغص ببطني من كتر الزعل وخايفة اجهض الجنين من الزعل مو بأيدي بس حاسة حياتي ولا شي ما في شي جديد نفس الروتين اكل وشغل بيت ونوم وهو عامل البيت اوتيل اكل ونوم اخ يا الله شكلي مو مكتوبلي ارتاح بحياتي بلمرة hwaml15 |
رد: وتستمر المعاناة
اختي اصبري الله يسهل عليك حاولي تقوليلو إحساسك بركي بيستحي عدمو
|
رد: وتستمر المعاناة
لاحول ولاقوة إلا بالله
بصراحة مدري وش اقول لك بس بجد مقهورة على حالك الله ييسر امرك لوبيدي شيء كان ساعدك بس ماباليد إلا الدعاء وأنت كمان أدعي لنفسك وادعي الله يسخر لك زوجك واصبري واحتسبي الاجر اسأل الله ان يسعدك ويفرج عليك عاجلا و لالالاتضيقي خلقك زيادة أهم شيء اللي ببطنك الله يصلح لك الذرية يمكن هم اللي بيسعدوك في الدنيا بعد الله سبحانه |
رد: وتستمر المعاناة
لا اله الا الله
شو هالرجال هدول والله القصص يلي بسمعها بتسم البدن يختي سبيكي منه وعيشي حياتك حاولي انك تلاقيلك اهتمامات تانية وحسسيه انك مطنشاااااااااااااااااااااااه عالاخر دايما تزبطي واتشيكي بس مش الوووو لألأ الك لحالك حسسسيه انه ولااااااااااشي ياربي فوق كل هادا كمان بخونك منيح انك اتطلعتي في خلقتو هالبني ادم الله يعينك يختي |
رد: وتستمر المعاناة
الله يهديلك زوجك ويحنن قلبه عليك
|
رد: وتستمر المعاناة
الله يصبرك عزيزتي ........للاسف اوقات التطنيش يجيب نتيجه......حاااولي تهتمي بحااالك بكره يكبرواااأولادك....وتحسي ...أن هذي تفااااهااااات.....
بس مع التطنيش .. موكل الرجااال يمشي لهم هالاسلوب ....بعظهم عاطوووول يبحث لاخرى ..فانتبهي..... الله يهدي لك زوجك ......ويخلي لك اولادك.. اختك...أنجليا.. |
رد: وتستمر المعاناة
طب كيف علاقتك باهله ؟؟؟
ممكن تكلمي حد منهم ، حد بيمون عليه واذا مافيه ، روحي بيت اهلك ، يومين ريحي اعصابك ، دام هو بيعمل كل شي بحاله الله يهديه ، ويسخره الك حبيبتي ويعينك ويصبرك ويحفظلك ابنك وجنينك :) |
رد: وتستمر المعاناة
مشكورات حبيباتي اهلو ما بيدخلو بمشاكلنه وكمان لو احكيلهم بصير يتشمتو فيه مو اكتر
وكمان ازا طنشتو بروح يدور وحدة تانيه مع القلعة يروح خليه يجرب قرفهن بلكي عرف قيمة اللي عندو اصلن لو ضاويتلو ايديه العشرة وتيجي فرصة يتعرف عوحدة ما بوفر ولا بحطني بعتباره هادا اكبر غدار ما بيطمر في المعروف ولا بفكر اني متحمليتو رغم قرفو ان شاء الله ربنا بعوضني بأولادي ويكونو سند الي بهلحياة لانو ما ضل الي بهلحياة غيرهم |
رد: وتستمر المعاناة
الله يكون بعونك اختي
اصبري واحتسبي وان شاء الله ربنا بعوضك خير باولادك انتي حاولي يكون الك نشاطات تانية وحاولي ما تفاتحيه بمواضيع البنات والقصص هاي بيني اله انك مو مهتمة بقصصو التااااااافهة استغفر الله العظيم يارب الله يهديه بس |
رد: وتستمر المعاناة
أسأل الله العظيم أن يفرج همك ويصخر لك زوجك ويحفظ لك اولادك يارب
|
| الساعة الآن 03:40 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .