أبي شوركم ..
 

مراحب ...
ابحكيلكم وخلوني افضفض يمكن ارتاح ..والشكوى لغير الله مذله ...
زوجي مدمن تقنيات تكنولوجيا بلاك بيري فيس بوك والنت والتصميم بشكل عام وهذا الطبع فيه م قبل الزواج ..حياته كله بلاك بيري ..احس ما بينا سوالف يعني بشكل عام في خرس وصمت زوجي ..حاولت معه كثير باللين وبالسياسه وبالهواش بس ماشي امل ..ليم حتى تعودت ع هالوضع ..وغير كذا اعاني م دوامه مرات يتأخر كثير فالدوام وانا عارفه ظروف شغله ومرات يطبع مع ربعه ويسهر كثير ..يعني اذا ما دوام ولا بلاك بيري في سهر وحياتي أكثر الوقت بيت اهلي في حالة الدوام والسهر واذا مع بعض العله تقنيات الاتصال ..يا ما كلمته وما في فايده ولا يراعيني ولا سآال عني ..احسه لسه ما عنده حس مسؤؤلية بيت وزوجه ..لساته مراهق ويتصرف تصرفات طيش شباي ومع انه الحين واصل الثلاثين..اقول دايمآ ربي يرزقني بالذرية لعل وعسى ربي يهديه ...
دعواتكم لي بصلاح الحال وربي يهديه ويسخره لي ويحنن قلبه علي ..لأني والله أحبه..شو صار بعد الزواج مادري ..قلبي فيه الكثير ..وحده تحس انها ولا شي فحياة زوجها
وع فكرة زوجي فيه الصرع ومأثر كثير مرضه ع الجماع
هذي حكايتي ...دعواتكم وانا واثقه انه ربي راح يكون معي ويصلح ما بينا
وكله خير وعسى ربي يصلح الحال يارب hwaml93

رد: أبي شوركم ..
 

الله يهدي لك زوجك ويعينك اختي ويصبرك
ويرزقك الذريه الصالحه عاجلا غير اجل ياررررررررررررررررب

رد: أبي شوركم ..
 

ثانكس ندوووش حبيبتي
..آميييييييين

رد: أبي شوركم ..
 

حبيبتي ازا هو مهتم بتقنيات الاكترونية الحديثة حاولي تتكلمين معاه بهذا الاطار وخلي كلامكم عن هذه الاشياء

يعني شاركيه اهتماماته وحسسيه انك بتعرفي فيها وخليه يعلمك عليها

وهيك ما بيصير خرس وصمت زوجي على حسب كلامك

وشوي شوي بيصير يتعود انو يتكلم ويكون في حوار بينك وبينه

وربي يرزقك الذرية الصالحة عن قريب ويفرج همك ويسعدك يا رب

رد: أبي شوركم ..
 

وهو.كذلك خيتووو ...اطلع اي سالفه واحكيها معه ...وربك كريم ويصلح الحال ..
ثانكس فدووو

رد: أبي شوركم ..
 

ياخيتي :

هونيها وهي تهون

يكون مشغول بوسائل التقنيه ولاينشغل بشئ تنقهري منه مثل المخدرات او المعاكسات

ياحلوه اللي يمرض قلب الزوجه هو خيانة زوجها

وإذا كان يحبك ويلبي طلباتك ويحترمك ولا يهينك ولا يجرح مشاعرك قولي الحمد لله

انت شوفي الاشياء الحلوه اللي بينكم ,,, فهي غيرموجوده عند كل الناس
ولا تركزي على السلبيات فقط ,,,واياك والمقارنه بين حياتك وحياة الآخرين

ومرض الصرع // الله يعينك هذا قدركم ونصيبكم لازم تتحمليه لأنه ليس له دخل فيه فالشفاء عند الله .. وصحيح انه مزمن يستمر مدى الحياة ولكن هناك ادويه له بحيث يعيش الشخص حياته الطبيعية
نعم تقلل الادويه من شهوة الرجل ولكن لاتقلل من خصوبته
انت تأقلمي مع ذلك

واعلمي ان

مريض الصرع تحمل زوجته وتنجب بدون تدخلات طبيه

رد: أبي شوركم ..
 

صعب جدا تطلبين من شخص يترك شي ادمن عليه ..

خليك مثله بهذي الامور اهتمي باللي يحبه اساليه شنو الجديد و هيك شغلات ..

بلنسبه لنظام حياته حنا يا البنات لما نتزوج ننجبر حنا نمشي نظام حياتنا على حياة ازواجنا

نادرا ماتحصلين واحد يغير شي عشان طرف ثاني الا اذا هو حاس بلمسؤليه و حاس ان لازم الطرف الثاني له حق و الخ من هذي الامور ..

انتي شوفيلك شي تنشغلين فيه ..

ادرسي خذيلك دورات بتفيدك .. انجليزي .. مهارات شخصيه .. كمبيوتر ..ادارة اعمال ..الخ و انتي بتلهين عنه صدقيني بتنشغلين و هو بيلاحظ

انا كنت هيك مع زوجي و مازلت

من الساعه 7 الى 4 العصر في الشغل بعد الشغل يرتاح ساعه او نص ساعه و بعدها يطلع اوقات يرجع السلعه 8 المساء 9 - 10 -11 ..
على حسب
لما انشغلت عنه و طبعا ناقشته و و و و تهاوشنا ليه مشغول عني طووووووووووووووووووول الاسبوع ماتفضى الايوم واحد و ياادوب .. و اذا قعد و هو جنبي بلاك بيري .. عاااااااااااااااادي

فا ريحي نفسك و شوفيلك شي تنشغلين فيه و انتهينا و اذا حد اسالك عن زوجك قوليلهم طالع يغير جوو


و بعدين انتي بنفسك اعترفتي انه يعاني من شغله يتاخر و ضغوطات ترى اللي يشتغل يتعب مهما كان العمل

فا خليه يفرغ الضغط تبع الشغل في الجوال في الفيس بوك بلطلعات ..

لكن لمحي له و قوليله تتهنى بطلعتك بس لا تنساني خليني في بالك

غرررررررقيه بلكلام الحلو


و قوليله انا ابد ماعندي اعتراض على طلعاتك بس لو مره حنا نطلع مع بعض يعني كل اسبوع اسبوعين تفضى لي شوي ..

انتي اكسري الروتين تبعكم سوي له مفأجاه حلوه ..

رد: أبي شوركم ..
 

زاهيه ومشاعل ...مشكورين ...بس يا مشاعل لو اقولك احاول واسوي نفس ما تقولي بس الصاحب خبر خير ...تصدقي اقوله خلا نطلع نتمشى يقول ما فيني بارض تعبان يتعذر بآي شي وبعد 10دقايق يقولي طالع مع الربع ..دايم احشه بالمسؤؤليه ونادر ما يحس ..مادري احس يبى يعيش حياته وبدون محد يحاسبه ..ربي يصلح الحال ويهديه ..وسويتها هالحركه انه هو ولا شي فحياتي وما اسويله اعتبار وما جابه ..وصرت مثله ادمان ع الوتس اب هالفترة ...ربنا كريم وله حكمته وعسى خير ...ودعوتتكم لي ..والحمد لله فالشده والرخاء ...

رد: أبي شوركم ..
 

الله يهدي زوجك يارب

رد: أبي شوركم ..
 

اني بعد زوجي كله مشغول وحياته كله شغل في شغل مع انه يشتغل شغل حر ولا يطلعني وكله هو طالع في شغله و همه الشغل وبس واحيانا اتهاوش معاه في هالشي لان الوحده تتملل كله قاعده في البيت تبي تطلع
الله يكون في العون