|
الرحم بعد الولادة.
السلام عليكم انا ولدت ولله الحمد لي تقريبا عشرين يوم بس شاليه هم الخياطة بما أني بكر هل كل شي يرجع طبيعي ًً ؟وفيه شي مشغل بالي هل بعد النفاس أخاف لأحصل جماع يكون فيه ريحه بالإرحام او هوا او بقايا دم ؟ أفيد وني
|
رد: الرحم بعد الولادة.
ياليت افيدك بس ان شاء الله البنات يقدرون يفودونك .. ماحبيت ادخل واطلع من غير ماارد عليك ,, لاني بكريه وباقي ماولدت ..
|
رد: الرحم بعد الولادة.
وعليكم السلام .. الحمدلله على سلامتك ومبروك ماجاك الله يجعله من الصالحين
بخصوص سؤالك .. إذا اهتميتي بنفسك بيرجع كل شئ طبيعي .. طبعا مو مثل اول أكيد بس ماراح يكون اسوأ بالنسبه للخياطه اهتمي فيهآ لاتنفتح وبعد ماتطيح الخيوط استمري على التشطيف بالماء والملح مع المر تشطيف بس مو تنقيع .. والهواء يجيك إذا تسبحتي وطلعتي في الهواء .. او مثلا انتي تتسبحين ويدخل في الحمام وانتي بكرامه هوا يعني قفلي الشباك ومروحة الشفط وحتى من تحت الباب حطي شئ وتسبحي عادي لاحد يضحك عليك ويقول لاتسبحين شعرك .. تسبحي عادي ولو تقدرين يوميا لان الجسم بهالفتره يفرز عرق بكثره انا لاحظت هالشئ .. ولاتشربين غازيات أو أي شئ بارد كثري سوائل وماء بس ماتكون بارده تكون عاديه .. ولاتمشين ع السيراميك وانتي حافيه .. وانتبهي لايجيك امساك .. كلي تمر التمر زين بالنسبه لبقايا الدم اشربي القرفه ومعاهآ زنجبيل إذا ماترضعين وإذا ترضعين استغني عن الزنجبيل خذي بس قرفه لأني سمعت ان الزنجبيل ينشف الحليب و كلي مع التمر رشاد لأن الرشاد حاآر بس بكميه مناسبه لأنه يعتبر ملين و في خلطه كتبتهآ ام الياس الدمام موجوده هنا بنسخ لك الموضوع واحطه لك الخلطه ممتازه ومجربه ونتيجتهآ مضمونه باذن الله .. وإذا خلصتي آخر يوم روحي شيكي على نفسك عند الطبيبه .. ولو تروحين الحين احسن .. عشان تتطمنين على خياطتك كيف .. و ان شاء الله ماعيك الا العافيه ..لا توسوسين أهم شئ |
رد: الرحم بعد الولادة.
هذا الرابط اللي فيه الخلطه
http://forum.hwaml.com/t74758.html وفي حاجه بنبهك عليهآ .. مافي شئ اسمه بخور النفاس .. اسألي امك إذا موجوده او وحده كبيره عندهآ خبره انا سألت امي قالت وش ذا خرابيط فاضيه وكلي مايحلو لك .. مالذ وطاب بس باقتدار عشان ماتسمنين .. واستبدلي الخبز الأبيض بالأسمر .. ولاتاكلين الملوخيه و الباميه انا يوم اني قلت لأمي .. قالت ماكنت اعرف هذا ممنوع وهذا لا .. والحمدلله مافيني الا العافيه خلفت وربيت ولو ماربطت كان خلفت بعد وماجاني شئ الحمدلله .. بس نبهتني عن موضوع الهواء وقت التسبيح او قضاء الحاجه !! اي بعد .. لاتشيلين الأشياء الثقيله أبدآ ولاتوقفين كثير .. وبس .. هذآ اللي اعرفه |
رد: الرحم بعد الولادة.
يعطيكم الف الف عافيه
|
| الساعة الآن 08:30 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .