منتديات حوامل النسائية - لعلك تنقذين حياتي بدعوتك

منتديات حوامل النسائية (https://naqatube.com/index.php)

- منتدى الحياة الأسرية والزوجية (https://naqatube.com/forumdisplay.php?f=61)

- - لعلك تنقذين حياتي بدعوتك (https://naqatube.com/showthread.php?t=120093)

لعلك تنقذين حياتي بدعوتك

السلام عليكم ورحمة الله وبركاته
قبل اي شي اشكر كل وحده فكرت انها تشوف موضوعي وحست فيه كاخت قبل كل شي ..الله يعلم اني امر في تجربه مره ما اتمناها حتى لعدوي ..بحكيلكم اكيد واتمنى تردون عليه بنصيحه او حتى تتذكروني بدعوه من قلبكم لعل الله يفرج همي وكربتي دعوة الاخ في ظهر الغيب مجابه باذن الله..
قصتي اني تزوجت كاي بنت ومريت بشهر عسل الحمدلله كنت فيه احسن من غيري صح ان فيه بعض المنغصات وفيه بديت احس بتغيير زوجي عن ايام الملكه وبخله علي الا اني مهما كان كنت احس اني افضل من غيري..مريت في ليلة زواجي ببعض المشاكل بين اهل زوجي واهلي اللي سبب حقد بينهم خصوصا بين امي وزوجي وتعرفون الزوج لما يحقد ما ادري وش اقول بس
المهم استمر زواجي لفتره وما اخفيكم هالفتره كلها صبر الحمدلله وامل ان زوجي يغيير بعض تصرفاته الا ان مافي فايده اهلي زي اي اهل حاسين ان فيه مشاكل بس ما يبغون يتدخلون وانا كمان ما ابي الا ان صار يوم من الايام وفاض بيه الحيل ودخل الشيطان بيننا وقت الغضب الى ان انتهت المشكله بمشاده بين زوجي ووالدي وبالتالي طلقني زوجي ما ادري يقول الشيخ انها تعتبر طلقه واحده ..المشكله اني متعلقه كثير بزوجي ولا اشوف حياتي الا معاه ولا اتخيلها بدونه ابي ارجعله وذابحني الهم والتفكير انه بيحقد علي ولا بيرجعني بسبب اللي صار عانيت من قسوه من اهلي لحضة طلاقي ومن بعد زوجي عني مو عارفه لمين احكي احس اني مخنوقه وخايفه وما ابي اضايق احد لان اهلي مبسوطين باللي صار وانا والله محترق قلبي على زوجي وحياتي ..من تقرا موضوعي ما ابي منها غير نصيحه او دعوه الله يفرج هم اللي تدعيلي او تنصحني ابي بس حد يصبرني لان الكل بعيد عني ومو فاضي لي مالي غيركم بعد الله ادعوووووولي تكفون