منتديات حوامل النسائية - ماسك مقشر مبيض منقي 2013 , ماسك الاسبرين وَ العسل , بشرة صحية

ماسك مقشر مبيض منقي 2013 , ماسك الاسبرين وَ العسل , بشرة صحية
ماسك مقشر مبيض منقي 2013 , ماسك الاسبرين وَ العسل , بشرة صحية

ماسك مقشر مبيض منقي 2013 , ماسك الاسبرين وَ العسل , بشرة صحية
ماسك مقشر مبيض منقي 2013 , ماسك الاسبرين وَ العسل , بشرة صحية

http://forum.hwaml.com/imgcache2/hwa...357120_874.gif
جداً مفيد للي يعانون من الحبوب خاصه الُملتهبه وَ المحمره
أنصحكم تصلحونه للوقايه خاصة البنات إللي تطلعلهم الحبوب قبل الدورة الشهريه ركزوا على هالماسك ممكن تتجنبكم ظهورها
أيضاً حلو الماسك وقت موسم الغبار لأن تكثر الحساسيه وَ الحبوب اللي تشبه الفصوص ، أيضاً ًالبنات اللي يعانون من آثار حبوب الشباب أو الكلف أو التصبغات مع المداومه راح تتفتح البشرة وَ تتخلصون من البقع
نحتاج لـ
3 الى 4 حبات اسبرين ( يفضل الاسبرين غير المشمع لسهولة ذوبانه)
مقدار بسيط جداً من العسل الأصلي
قطرات ماء لتذويب الاسبرين

الطريقة ~
بالقطارة نضيف فوق كل حبة أسبرين قطرة ماء ، مو ضروري تستخدمون قطاره ممكن تستخدمين أصبعك في التقطير ، بس تحطون نقطه ، هدفنا نسهل عملية تفتيت الأسبرين
بالملعقه أو بأصبعنا نضغط على حبة الاسبرين وَ راح تتفتت بسهوله ، نفتت جميع الحبات
نضيف قليل جداً من العسل إللي يكفي لصنع معجون من الاسبرين
( أستخدمت مايقارب ربع ملعقه صغيره أو أقل )
ممكن لما تحطين العسل تحسينه قليل بس مجرد ماتخلطينه مع الاسبرين راح يتشكلك معجون بسهوله
نمد الماسك على البشره وَ نبعد عن منطقة العين وَ الشفايف
وَ نتركه من 7 إلى 10 دقائق ، و إذا البشره شديدة الدهنيه نقدر نتركه لـ 15 دقيقه بس مو أكثر ، من ثم نبل يدنا بشوية ماء وَ نفرك البشره كأنا نفرك scrub
وَ تذكروا أفركوا بخفه من ثم نغسل وجهنا زين بالماء الفاتر ..

إللي يعانون من الحبوب لا يفركون مجرد يغسلونه لأن الفرك راح يلهب الحبوب وَ يعدي المناطق السليمه .

الماسك يستخدم مرة في الاسبوع ، وفي حالات الحبوب الشديده ممكن نستخدمه مرتين فقط مو أكثر .

وتذكروا رطبوا بشرتكم بعد الماسك لأن الأسبرين ينشف البشره ، خاصة للي بشرتهم جافه .
أي فئة تَستخدمه ؟
الماسك مفيد جداً للبشره الدهنيه يقلل الدهون ، يحارب البثور ، ينعم البشره وَ تحسين بالنعومه مجرد ماتغسلين وجهك ، يقتل البكتيريا ، يضيق المسام .
أيضاً الماسك مفيد لبعد الحف ( عملية نزع الشعر )
بالنسبه للي بشرتهم جافة مانصح كثير بهالمساك إذا مافيكم حبوب أو التهاب ، بس ممكن لتخفيف الجفاف تضيفون قليل من جل الصبار أو الزبادي للماسك .

فائدة الاسبرين ||
يحتوي على حمض الصفصافيك salicylic acid المقاوم للبكتيريا وَ المضاد لحبوب الشاب وَ مقشر وَ مجدد للخلايا .

http://forum.hwaml.com/imgcache2/hwa...681822_336.jpg