منتديات حوامل النسائية - قصتى :) اللهم لك الحمد ع تمام النعمه واكتمال المنه .. ع حبيبي الصغير فهودى

hwaml7

كيفكم يا كروشااااااات
شلونكم مع الثقل ..

ولدت يوم الاثنين تاريخ 7\5\2012
والمفروض موعد ولادتي 17/5

المهم صباح يوم السبت كان عندى موعد عند الدكتورة ( 38 اسبوع ويومين ) ومعى ألالم بس مش جازمه حتى ينزل معى دم احيانا – كشفت على قالت الرحم فاتح 2 ونص – بس عنق الرحم طويل وسميك – وقالت لى لسه يبغالك اسبوع زيادة عشان يلين –
طلعت من عندها وانا متضايقه من الالم حتى النوم ماعاد انا - بس قلت فى خاطرى يلا الى ربي كاتبه بيصير الحمد لله الخيرة في مااختارة الله .
رجعت البيت واشرب قرفه وامشى ساعتين هروله – وادعى ربي اولد هاليوم ولا بكرا –
عادتا اكمل التاسع بالضبط في حملاتى الثلاث السابقه واولد ع موعدهم ماازيد عليه –
بس هالمرة حاسه بشئ غريب لانه ينزل على دم كل فترة وهاذا شئ جديد على صراحه –
طولت عليكم صح خخخخخ .. طيب يوم الاحد قضيته مشى بهروله بعد وتعبت مرررررررة لدرجه بديت احس
بشئ يضررب ع وراء من تحت . وبالليل حصل الى خبري خبركم مع ابو الشباب – ومن جد جاب نتيجه فعاله
( زاد علي الالم لدرجه ملحوظه + مع دم ) جلست اتصبر قلت اخاف الالم يختفى زي قبل وشربت قرفه كل الليل
يوم اذن الفجر صليت .. وبعدين قومت عيالى للمدرسه وأستودعتهم رب العالمين .. سويت فلم هندى ههههههههههههه .. يوم جت الساعه 8 الصبح قلت خلاص شكلها جزمت خلينى اروح اشوف لانى اميز الالم بحكم سبقلى الولادة قبل كذا .
دخلت عليها بالعيادة وكشفت على قالت 4 سم – والرحم مرة رقيق واحس الراس تحت
\\\
يلا ولادة
ييآآآآآآآآى فررحت قوة – قلت جاء الفرج من رب العالمين – بيوم واحد تغير عنق الرحم وهى تقولى يبغالك اسبوع – رب العالمين قادر ع كل شئ .
نجى للجد (( تخيلو يوم طلعونى لقسم الولادة مالقو سرير لى  قالو ايش زحمه كانت الساعه 9 الصبح -
ع حظى كل الحريم يولدون الصبح وش سلطهم ماادري – خلونى ساعتين تقريبا. لين لقو سرير ودخلونى ع غرفه الولادة ع الساعه 11 ونص تقريبا – طبعاً – انا طالبه
ابرة الظهر ...... اول مررة اجربها – والله من غير مبالغه ررهيبه – عطانى دكتور التخدير تعليماته وحكالى عنها قبل مايعطينى إياها وتوكلت ع الله . بعدها صار الالم خفيف ومزعج بس مش اكثر .. جت الدكتورة وفكت المويه وقالت بعطيك شويه طلق صناعى مش كثير عشان بسرعه تولدين – وفعلاً من الساعه 12 ونص حطتلى الطلق وبدأ مفعوله كل شوى اطلب منهم يقيسون الرحم لانى مااشعر بقوة الالم بس احس بدفع ع تحت بالمقعدة ( فاهمين على كيف )– لمى وصل 9 سم وسمعت بجهاز النبض حق البيبي يختفى نبضه و يقل .
ثواني وشفت الممرضات يركضون ينادون ع الطبيبه وجلسو عند جهاز البيبي يراقبون نبضه
(( انا هنا ماتلاقونى قعت اصيح فيه شئ )) قالو لا بس بيبي نايم – يالله شعورر مرعب عن جد –
فتح الرحم وبديت بالدفع – طبعا ابرة الظهر مالها علاقه بالدفع يعنى تحسين بالدفع كله وألمه – هى بس تشيل الم الطلق – المشكله الى حاصله انه قل نبض البيبي مررة ثانيه وكان فى الوسط يعنى معلق بين السماء والارض –
جلست ادعى ربي يالله سهلها على وقر عينى بولدي سليم معافى – تخيلو مدة الدفع من يفتح الرحم والراس نازله
حدها من ربع ساعه الى نص ساعه – عن تجربتى السابقه –
هالمرررة كانت صعبه جلست من 3 الى 4 ونص وانا ادفع – يعنى ساعه ونص - وحبيبي ولدى عالق فى الوسط – وجهه الدكتورة تغير وكل شوى تطالع بالساعه ونادت ع طبيبه الاطفال وحضرت معى بالغرفه – من جد كان توتر – واقولها خلاص سوى عمليه – تقولى مااقدر البيبي خلاص نزل من الرحم يعنى معلق بالمهبل – وهنا اصعب مرحله للدكتور كيف يسحب البيبي – اقول خلاص اشفطيه – جابت الشفاط الى بالكهرب وشفطت اول مرررة
وماطلع – وجلسنا هواش انا والدكتورة والممرضات – اقولهم ادفعو بطنى سولى مساج ع تحت ساعدونى
تقولى لالالالالا خطر – ايش خطر – ياآآآآربي – قلت خلاص اعملى لى توسعه المهم ولدى يطلع –
وشفطت مرررة ثانيه واخيرآآآ (( فديت قلب وليدى فهودى طلع )) بعد معاناة اللهم لك الحمد .
شالوة ع طول كان عندة نقص بالاكسجين وعملو له تحاليل – وحطوة بالعنايه – لان ضربات القلب عندة ماكانت مسقرة – تعب حبيب قلبي – جلس 6 ايام بالحضانه – وطلعته يوم الاحد الى فات – والحمد لله انه بصحه وعافيه

كان عتبي ع الطبيبه شافت النبض مش مستقر...ليش تغامر بالبيبي كان ع طول عمليه .. بس الحمد لله ربي العالمين يسرها معاى ومع ولدى –
اما ابرة الظهر فهى رائعه : خففت 70 % من الم الولادة – من جد تجربه حلوة –
وهاذى قصتى ........... كانت ولادتى في مستشفى بروكير – مع الدكتورة رنا –

سووووررررررري ع الاطاله – قولو بعد ايش   

hwaml02hwaml02