|
نصيحة لأخواتى الحوامل
بسم الله الرحمن الرحيم
هذه تجربتى احكيها لكم واتمنى من الله ان يحفظكم من مثلها كتبت هذا الموضوع لتحذروا من الناس واعينهم انا كنت حامل وتعبت فى الحمل لدرجة ان القىء استمر للشهر الثامن بس كان اول حمل وكنت فرحانة جدا ورغم تعبى كنت فرحانة لأن السونار كل مرة بيكون تمام وعملت كمان تصوير رباعى الابعاد والبيبى كان زى الفل ووضعه طبيعى وحركته بحس بيها كتيره وكان ولد انتهى الشهر التامن وكنت اشتريتله كل حاجه من السرير لكل حاجه تلزمه بس قدر الله وما شاء فعل قابلت واحده معروفة بالحسد وكنت مخبيه عنها خبر حملى عشان آذتنى كتير قبل كده وبصت لبطنى بصه اقسم بالله مش ناسياها رغم مرور سنه دلوقتى المهم انا كنت خارجة من عند الدكتورة ودخلت بعدى سالت الممرضات عن حملى فى الشهر الكام نوع المولود.... وده عرفته انا بعدين من واحدة من الممرضات المشكلة ان الشخصية دى مرات أخويا تخيلوا انا عانيت منها 4 سنين حسد لدرجة ان اخويا كان عارف انى حامل وهى لا بس المرة دى الضربة كانت شديدة اوى كلفتنى حلمى اللى عشت احلم بيه المهم.. حركة البيبى وقفت رحت اعمل سونار قالوا مافيش نبض ومات ابنى وعشت فترة طويلة فى تعب نفسى وعضوى وهى كانت شمتانة فيا وعملت حفلة ودلوقتى بعد سنة هى حامل فى شهر وده اول حمل ليها وانا كمان حامل فى شهر و10 ايام وعارفة انه برغم حملها مش هاسلم منها برضه لانها بتحسد اى حاجة حتى لو عندها احسن منها ده مرض عندها ادعولى طولت عليكم بس عايزة اقول لكل واحدة حامل تحصن نفسها وتحذر من عيون الناس صحيح اللى حصلى قضاء ربنا وانا راضية بس الحسد سبب وربنا يجازى كل واحد على عمله انا اتجوزت كبيرة يعنى فرصى مش كتير ادعولى ربنا يسترها المرة دى وحافظوا على نفسكم والله يحميكم جميعا من عيون الناس |
رد: نصيحة لأخواتى الحوامل
العين حق أختي ..
وربي يحمينا وياك من عيون الحاسدين وربي الحافظ .. مشكوره عيوني على النصيحة . |
رد: نصيحة لأخواتى الحوامل
الله يحميك ويحفظك يا أم تركى
شكرا على كلماتك |
رد: نصيحة لأخواتى الحوامل
حصني نفسج بالأذكار و أكثري قراءت القراءن ودعي الله أنه يكفيج شر عين كل حاسد ويحميج ..
و لي كاتبه الله بيصير يالغاليه ومبروك الحمال وربي يتمممه لج وتقومين أنتي ونونو بالسلامه .. |
رد: نصيحة لأخواتى الحوامل
شكرا يا سماسم والله يحفظك ويسعدك
ويحفظنا جميعا |
رد: نصيحة لأخواتى الحوامل
الله يحفظنا من كل الحاسدين
مشكوره لاعدمناك |
رد: نصيحة لأخواتى الحوامل
يا حبيبة قلبي الحمد لله ربنا عوضك وحملتى
الله يثبت حملك يااااااااااااااارب ويبعد عنك وعنا العين يااااااااااااااارب وربنا يهديها قريبتك ويصلحها |
رد: نصيحة لأخواتى الحوامل
شكرا زهرة الرمان الله يحفظك ويحفظ كل المسلمات والمسلمين واولادهم يارب
|
رد: نصيحة لأخواتى الحوامل
داااااري على نفسك يالغااااااااليه....وحاااولي ماتتقابلين معااااااااااهااااااااا كثير.....
وحصني نفسج بأذكااااااار الصباااااح والمساااااا..... الله يسعدج..ويثبت حملج..وتشيلينه بين يديج وأنتي فرحااااااااانه..... |
رد: نصيحة لأخواتى الحوامل
مصرية مغتربة شكرا على كلامك
ودعواتك لى وربنا يسعدك فى الدنيا والآخرة ويحققلك املك يارب |
| الساعة الآن 12:37 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .