|
قررت الليله اخد قرار صعب واطلب من زوجي......
مش عارفة شو بدي احكي بس جد تعبت من عيشتي كتير مو شوي حاسة نفسيتي محطمه صارت امبارح بيني وبين زوجي مشكله وانا وقعت بالارض وتشنجوا ايدي وهلاء صحيت من النوم من كتر تعبي انا حكتلكم عن وضعي مع دار عمي وطلباتهم وزوجي وقلة شغله وحتى صاحب الشغل ما بعطيه مصاري وسكتت وتحملت وقلت ماشي بس انه يجيب 200 شيكل على البيت ياخدوهم اهله وما يخلولي شيكل هيك كتير كبير وانا لا عندي خضرا ولا كهربا فش عندي غير ربع كرتونة بيض وشوية خبز وال عايشه بزمن الجاهليه وفي الاخر تطفي علي الكهربا ومعيش اشحن كرت كهربا وتطفي ع التلاجه والاغراض الي الي سنه بفرز فيهم مشان رمضان ومشان الاقي اشي اكله بالشتا وبكل بساطه بتصل عليه بحكيله فش كهربا حبيبي ظفت عندي ع التلاجه بخربوا الاغراض وبقولي اوكي اليوم بشحن كرت وبالليل بيجي لا مدبر مصاري ولا حاتت كرت كهربا بحكيله ليش ومش ليش قلي الله لا يردك ولا يرد التلاجه والي فيها قدام امه وال انا ما قلتله انه الكرت خالص قلتله كيف حكتلك ال لا وسارت مشكله ووقعت بالارض وبس صحيت صرت ابكي زي المجنونه وكنت بدي اتصل ع بابا ع 12 بالليل يجي ياخدني بس نمت وصحيت هلاء وقررت بس يجي الليله بدي اطلب الطلاق وعطيني ابني علي وقت ما بده بشوفه ويعطيني مصروف لابني وبس لانه اهلي ما رح يرضه يصرفوا ع ابني علي اذا قبل قبل ما قبل ما بعرف اذا بقدر ادشر علي واروح مش عارفه جد انا بشكيلكم همي وببكي مش عارفه احكي او اكتب حتى انا بحب زوجي بس تعبت كتير الي 5 سنين متحمله اهله وطلباتهم ومشكلهم وحماتي ولئامتها وزوجي وقلة حيلته وشغله وبيتي الصغير الي مش عارفه بس اجيب البنت وين بدي احتها ولا احت علي في الغرفه الي مش واسعه حالها صح انا لازم اطلب الطلاق واروح عند اهلي اشرف الي واكرم راح استناه الليله واتشجع واطللب الطلاق وهو حر بعديها يمكن تتحسن حياته بعد ما اروح وانا بشوف حالي وبشتغل بشهادتي وبرتاح من همي وعذابي وخلي اهله ياخده ساعتها كل قبضته وهو حر معهم انا قرفتهم جدا وبكفي خلص بكفي
|
رد: قررت الليله اخد قرار صعب واطلب من زوجي......
حبيبتي أهدي وريحي نفسك واستغفري ربك
ترى مافي احد مرتااااااااح حتى لو عنده فلوس الدنيا وأهلك ياقلبي اليوم عايشين الله يطول في عمرهم ان شاءالله بس مو دايمين لك نصيحتي اتحملي اتحملي عشان خاطر ولدك وربي ان شاءالله يفتحها بوجهكم ويرزقكم من رزقه بس الطلاااااااااااق لاتفكري فيه ابد على قولة المثل : ظــــــل راجــــــــل ولا ظــــــــل حــــيــــطــــه والله يريح بالك |
رد: قررت الليله اخد قرار صعب واطلب من زوجي......
ياحبيبتي هدي نفسك زي ماقالت الاخت مافي حد مرتاح حتي لو معاه فلوس الدنيا ولاتفكري في الطلاق لانه مش اول حل الطلاق دا اخر الحلول
طيب حبيبتي انتي متعلمه ومعاكي شهاده دوري لك شغل واشتغلي كفي احتياجاتك كلنا شرينا من كأس الحموات وانا اول وحده بس ساكته وصابره عشان زوجي |
رد: قررت الليله اخد قرار صعب واطلب من زوجي......
ام علي ليه ما تيجي قسم الدردشة موضوع دردشة بنات فلسطين نحن بهاد القسم بنفضفض بتقدري تنضمي بالنسبه لمشكلتك انت اكثر معرفه بوضعك واكثر قدره على التقييم بس ازا مشكلتك بالمصاري المصاري بتروح وبتيجي وعمرها ما كانت هي سبب السعاده بدك تكوني عارفه ياما ايام مرت علينا صعبه وما في بالتلاجه شي بس مش كل يوم متل التاني تاني شغله احق مكان ليعيش الاولاد فيه هو بين الام والاب حرام تحرمي اولادك منك ولا من ابوهم ما حد بيعوض مكانكم ومين قلك الحل عيشتك عند اهلك لا ممكن يتحملو فترة بسيطه بس بعدها ما رح يصبروا على ولادك وبدك تسألي حالك هل انت قادره انك ما تشوفي ولادك او تيجي زوجت اب لهم او يجي زوج لك بعد طلاقك وما يتحملهم يعني بالنهاية رح تروح على اولادك انتي من وين من فلسطين لاني انا كمان من فلسطين ؟ بالنهاية بدك تهدي وتصلي الاستخارة ومش دائما الطلاق بيكون البديل الاصح ............ وبعدين شو اللي مانعك هلا تشتغلي بشهادتك؟؟قدمي طلبات وازا في فرص اشتغلي بالنسبه لبيت حماك ودي اهلك مع حد من اعمامك او اخوالك لبيت حماكي وحطو النقاط على الحروف انه من حقك المواد الاساسيه للحياة ومصروف خاص فيك وشوفي شو بيكون الرد......... اقتراح اخير وما بحبذ تاخديه اول الاساليب تروحي لبيت اهلك وتقعدي عندهم فترة تريحي حالك وتقولي فيهم مطالبك وبفضل تتركي الاولاد عند والدهم لحتى يشعر بصعوبة وضعك وتكون عودتك بشهود رجال على تحقيق مطالبك موفقه |
رد: قررت الليله اخد قرار صعب واطلب من زوجي......
حبيبتي اذا تقدرين تشتغلين وتصرفين على نفسك اشتغلي ولا الذل بس اشرطي من قبل على زوجك انو الفلوس بس لك مو بعدين ايقولك اهلي محتاجين وتعطينهم هذا حقك وحق ابنك
|
رد: قررت الليله اخد قرار صعب واطلب من زوجي......
لازم تتطلبي منو ان يتركك تشتغلي و تصرفي على ولدك و نفسك
و استغفري ربك لا تتسرعي و الله يهديه |
رد: قررت الليله اخد قرار صعب واطلب من زوجي......
الله يكون بعونك يا الله هونها عليك أنا لما بيت حماي بيعملوا لي مشاكل بفكر اتروك زوجي و روح بس قبل ما أتروك بصبر حتى أهدى أنا و زوجي لأن لما بتكلم و لحنا معصبين ممكن أني أندم على قراري
لهيك بنصحك تهدي و لا تفتحي الموضوع مع زوجك أصبري و أطلبي منه بعد ما تهدوا حلول يعني بدك حد لأهله بدك تساعديه بالمصروف ... و كمان يا أختي يمكن زوجك متوتر من هل ظروف أستغفري ربك ولا تخربي بيتك و ما بنصحك تروحي هلق على بيت أهلك لأن ممكن تكبر المشكله أكتر أصبري حتى يهدى الوضع الله يفرجها عليكي و علي قادر يا كريم |
رد: قررت الليله اخد قرار صعب واطلب من زوجي......
لا تتسرعي خيتوو وتندمي بعدين
الله يكوون بعونج ياارب |
رد: قررت الليله اخد قرار صعب واطلب من زوجي......
معليش ياخيتو قدري ضروف زوجك شوي والله بيسهلها عليكم بس طلاق !!! تذكري انو ابغض الحلول عند الله
الله يسعدك وييسر لك امورك .. |
رد: قررت الليله اخد قرار صعب واطلب من زوجي......
الله يخليكم ويوفقكم ويسعدكم يا رب انا من نابلس بفلسطين حبيبتي بس متزوجه بقريه سلفيت وقدمت لوظيفه 3 مرات بس ما حد بعتلي والمهم اجيت اقدم الشهر هاد ما قبل زوجي لانه عندي دوالي من الحمل وتعبانه بحملي هاد بس اولد باذن الله بدي ادور عوظيفه انا فاتحت زوجي بموضوع الطلاق بس بهدوء بس ما قبل وحكى مع الزلمه وجبلة مصاري والحمدلله حاليا ان شاء الله ما بقطع حدى وانا وهوحاليا مناح واهلة لسه ما حكتله عنهم بالنسبه لاخدهم المصاري منه راح احكي معه بس اشوف وضعه سار منيح ما بدي اضغط عليه فوق ما ضغطت عليه بموضوع الطلاق والرزق على الله طبعا بس انا تعبت نفسيتي من وضعي وحبيت الاقي حل وهو ما قبل هاد الحل وان شاء الله اللهه بهونها علينا وعليكم بتمنالكم التوفيق وجد انتوا نعمة الاهل ونعمه الاخوات شكرا كتير الكم لمشاركتي مشكلتي ومساعدتي احلها خواتي
|
| الساعة الآن 12:48 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .