|
محتارة
السلام عليكم و رحمة الله و بركاته
كيف الحال جميعاً عندي استفسار : أنا عندي تكييس بالمبايض وكنت عماتعالج منو عبر مجموعة من الاعشاب بطريقة الغذاء الميزان المهم الدورة كانت ملخبطة كتير وكل شهرين بتجي مرة و بعد العلاج كان طول اول دورة 34 يوم وكان في تبويض و الدورة التانية طولها 29 يوم بس أجت على شكل دم بني مع دم أحمر استمر أسبوع و بعد الأسبوع أجت الدورة بشكل طبيعي و استمرت 5 ايام و انتهت من يومين وانا هالشهر لازم اتابع التبويض وما عمأعرف انا اي يوم من الدورة هل أعتبر أول يوم نزول دم بني هو اول يوم الدورة أم اعتبر أول يوم هو نزول الدورة مع آلام الدورة و دم الدورة المألوف ؟؟ وهالشهر سبحان الله اصبت بارتفاع حرارة و التهاب حلق ولوزات وتعب شديد يعني صعب اروح الدكتورة بس بدي احاول |
رد: محتارة
حبيبتي ما عندي معلومات
بس حبيت ادعيلك الله يحل كل مشاكلك ويرزقنا واياكم الذريه والولد اللي يفرح قلوبنا |
رد: محتارة
أهلا وسهلا و شكراً لدعائك
عفكرة هلا كنت عمأقرأ موضوعك ( لو سمحتم ساعدوني ) ربي يرزقك و يرزقنا جميع |
رد: محتارة
الله يخليكي حبيبتي
ويسلمك التكيس بيروح اشربي زنجيبل وقرفه كاستين هيك وكاستين هيك باليوم شهر وبتروح التكيسات ولتنظيم الدوره عن تجربه مسمار حب (قرنفل؟) واحكي للدكتوره تكتبلك كلوكوفاج لتنظيم الهرمونات وزيادة فرص الحمل |
رد: محتارة
اي انا عمآخد غلوكوفاج تقريباً من شهر والحمدلله في تحسن
طمني عنك ان شاء الله تجربة التلقيحالصناعي نجحت اله يرزقنا و يفرحنا ان شاء الله |
رد: محتارة
والله حبيبتي النتيجه يوم الاربعااااء ومستنيه ع نار وكل
الوقت خايفه تنزل الدوره كل شي من الله حلوووو بس تعب وارهاق لحظات الانتظار باقي يوم وما فيني صبر ادعيلي والله محتاجه كل دعاء وانا دعيلك وان شالله اكون حامل يا رب يا رب |
رد: محتارة
ان شاء الله رح ادعيلك اليوم
لا تتوتري كتير و تفائلي بالخير الله يسمعنا الأخبار الطيبة و يفرح قلبك يا رب انتي شكلك من سوريا ما هيك ؟ |
رد: محتارة
ان شالله اكون حامل وابشركم يا احلى ناس
والله محتاجه الدعاء و بضل ادعي بابا اصلو سوري بس ما عمري رحت ع سوريا وانا متزوجه وساكن بالاردن |
رد: محتارة
الله يرزقك و يفرحك بالحمل العاجل غير الاجل و لي و لجميع اخواتي يا قادر على كل شيء
|
| الساعة الآن 11:49 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .