|
شو ممكن يكون اللي عم بصير معي
السلام عليكم ورحمة الله وبركاته
انا اليوم حالتي حاله .. ما صار معي هاللخبطه .. اللي 3 ايام استنى الدوره وما نزلت ... مع انه الحمد الله دورتي منتظمه كل شهر وبتيجي باليوم نفسه اللي بستناها فيه . لكن هالشهر في يوم موعدها نزل علي نقطة دم زهريه وراحت ثاني يوم نزل علي خيوط سودا من غماقتها وقلت خلاص بتنزل لكن ما في رجع وقف .. لليوم نزل علي مرة ثانيه اسود الصبح ووقف .. وحاليا نزل علي شوي دم زهري بكمية قليله .. عندي دوخه قويه مش عم بقدر قوم من التخت .. ومش عارفه حالي لا انا دوره نزلت ولا انا نظيفه ما في شي انا مني شاكه اني اكون حامل ما اظن 3 ايام معاناة واكون حامل كمان ما اعتقد .. بس حبيت شوف مين صار معا هيك شي وشو طلع معا ؟؟ انا للاسف عايشه بلبنان واليوم ما في عيادات فاتحه لانه اجازه .. رح روح بكره ان شاء الله عند دكتور على كل الاحوال ارجوكم ساعدوني واللي عندها خبره شو ممكن يكون عم يصير معي تفيدني |
رد: شو ممكن يكون اللي عم بصير معي
مرحبا حبيبتي انا ايضا صار معي نفس الشئ بس انا نزلت بعض النقط في نفس تاريخها في الشهر الماضي بس هذه المره بدون الم وكميه الدم قليله واستمرت 4 ايام
ما بعرف شو هو السبب بس ان شاء الله تطلعي انتي حامل ونحمل كلياتنا بأذن الله |
رد: شو ممكن يكون اللي عم بصير معي
شو معناته جملتك هذه : (انا مني شاكه اني اكون حامل ما اظن 3 ايام معاناة واكون حامل كمان ما اعتقد) ؟
هل انت بتاخذي مانع للحمل و متاكدة بانك مو حامل ؟ |
رد: شو ممكن يكون اللي عم بصير معي
اتوقع حبيبتي والله اعلم عندك فقر دم دام فيه دوخه
لان فقر الدم يايسبب نزيف او يوقف الدورة اتوقع لو تروحي للدكتورة احسن واضمن لك |
رد: شو ممكن يكون اللي عم بصير معي
الاعراض اعراض حمل بحكم التجارب الكثييره اللي كنت اقراها في هالمنتدى...وانشالله تكوني حامل
لكن كلامي يختلف اذا كنتي تاخذي منشطات للاباظه..طمني بالك وارتاحي اشغلي بالك باي شيء الى ان يأتي بكرا انشاءالله |
رد: شو ممكن يكون اللي عم بصير معي
شكرا على اجاباتكن
لكن ما اخدت لا منشطات ولا موانع حمل ولا اخدت شي هالشهر انا ماشيه بس على اخد درجة حراره جسمي ومنها بعرف ايمتى صار التبويض وايمتى رح تيجي الدوره ان شاء الله من بكره الصبح رح تكون العيادات فتحت ورح روح عند دكتور واكشف وشوف شو عم يصير معي بس انا قلت اكيد ما في حمل .. لانه الي 3 ايام عم عاني من الافرازات ونقط الدم الخفيفه معقول بعد كل هالشي اطلع حامل .. انا مستبعده هالفكره .. لانه اللي بسمعه انه بينزل يدوب نقطه وحده وليوم واحد بس صح ولا غلطانه انا ؟؟؟؟ |
رد: شو ممكن يكون اللي عم بصير معي
جربتي تحليل منزلي؟؟ وجربي وتاكدي ان ماكنتي حامل اليوم وباكر روحي للدكتوره وساليها
لاتحاتين فكل شي له سبب معين وهل الشغله ماهي بخطيره لها اسابب عاديه ان ماكنتي حامل فاكيد بسبب فقر دم او قله الحديد لاتحاتين ان شالله تكونين حامل |
رد: شو ممكن يكون اللي عم بصير معي
امممم شكلي رح قول لزوجي يجيب تحليل معه رح اعمله على كل الاحوال للتأكيد
وبروح بكره عند الدكتور وبشوف شو صاير معي عن جد شكرا كتير على اجاباتكن حسيت اني ارتحت شوي نفسيا |
رد: شو ممكن يكون اللي عم بصير معي
سبحان الله بس حطيت الموضوع نزلت الدوره
يلا الحمد الله على كل شي انا رح روح عند دكتور بكره زي ما قلت من شان اعمل فحوصات من اول وجديد الله يكتبللي الخير |
رد: شو ممكن يكون اللي عم بصير معي
الله يطمنك ان شاء الله
|
| الساعة الآن 01:15 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .