|
ابيكم تشورون علي بمشكلتي
بسم الله الرحمن الرحيم السلام عليكم ورحمة الله وبركاته بصراحه مالقيت الا هالقسسسم اطرح مشكلتي وكلي ثقه اني بين خواتي وراح يساعدوني بمشورتهم ولو بشي بسيط واول جزء من مشكلتي اني حامل بالشهر التاسع الحين ولي شهر ونص ماراجعت عند الدكتوره يوم اطلب زوجي يوديني يقول روحي انتي مافيك شي ومايحتاج فيتامين وخرابيط ومافيني اوديك وانا خايفه مااعرف شي عن الجنين وهذا اول حمل لي انا بكريه مااعرف شيhwaml15 وهل ترك المراجعات من صالحي والا لا؟؟ وثاني جزء من مشكلتي وهو الاهم اني من اول ماحملت وانا بمشاكل مع زوجي ونفسيتي زززفت كرهته وكرهت بيتي ضربني من ثاني شهر من حملي وينرفزني بكلامه ويسب اهلي ومااقدر اسكت واستحمل وارد عليه وشكيت للدكتوره عن نفسيتي وقالت لان فصيلة نقتف يعني o- وراح تمرين بوحامه قويه وفعلا مريت فيها hwaml4 وضيعت جوالي بشهر 1 مدري وين راح وانا شاكه بزوجي وهو يقولي انتي مسكينه سرقتيه وبعتيه وانا مدري وصارت مشاكل عنده وقبل يومين فتح معي موضوع الجوال وكنت ببدا في العشاء وسالني عنه قلت والله مدري بس خلني اتعشى وسحب من يدي الاكل ورماه مع الشباك وقالي انتي ما تستاهلين شي وتحطمت مدري شسوي وجلست ابكي ونمت بدون عشاء احس خلاص ماودي اكل من اكل بيته واليوم الثاني اتصلت على اخوي وجمعت شوي ملابس بكيس ولما جيت اطلع من الشقه وهو داخل وسحب مني الكيس وحاول يرجعني بس هررربت من البيت والحين عند اهلي وللمعلوميه انا اكبر منه بثلاث سنوات ودايم يعايرني ويقول انا بتزوج وحده صغيره وادلعها وانا مادريت انه اصغر الا بعد الزواج هو قالي صصرت افكر بشي واحد بس اني اتطلق وارتاح من المشاكل وترتاح نفسيتي |
رد: ابيكم تشورون علي بمشكلتي
ماقول غير الله يعينك وبصراحه الي هذا اوله ينعاف تاليه اذا كنتي حامل وهذا اول مولود وماهومهتم كيف الي بعده وكيف بيربيهم اذا مومهتم انالومكانك ماارجع لشخص مومحترمني ولاامقدرني لان ا الحياه الزوجيه اساسها الاحترام والتقدير المتبادل بين الزوجين وجعلنابينهم موده ورحمه ادري كثير بيقولون اصبري وتحملي ليش الصبر والتحمل والله يقول امساك بمعروف اوتسريح باحسان الي يمديده مره بيمدها مرات والنفس ماهي ملك للااسان بل امانه عنده ليش نحملها فوق طاقتها وانتي ياعزيزتي ادرى مني بضروفك والقرارلك انتي الي تحددين وين سعادتك وراحتك اتمنى لك التوفيق من كل قلبي
|
رد: ابيكم تشورون علي بمشكلتي
مد يده علي مرتين والحين لا بس يهددني يقول بس تولدين راح اشغل العقال
انا خايفه من كل شي وبالذات ان اللي في ببطني بنت وهو هددني مره ان لو رحت لاهلي بياخذ المولود مني احيانا افكر بالطلاق واحيانا اخاف انه ياخذ بنتي اللي تعبت عليها محتااااره مره بس مااظن حياتي بتستمر معاه ومشششكوره اختي على المرور والنصيحه انا قلت استشير قبل اتسرع |
رد: ابيكم تشورون علي بمشكلتي
ههههههههه هاذا وينه عني والله لأربيه من جد وجديد ولو انا منك واخذ اللقمه من يدي ورماها والله لأرميه من الشباك قبلها
إذا عايرك وقالك اباخذ وحده صغيره ادلعها انتي بالمقابل قولي مادريت اني اخذت واحد صغير عقله ما اكتمل بمجرد انه قالك مايحتاج اوديك هاذا غير مهتم لك فكيف لو يمده علييك مافي سبب مقنع لتصرفه انتي ايش بدر منك وايش خلاه يتصرف معك كذا الرجل الطبيعي بها الوقت من حياته يكون ألطف وأحن عليك لأنه في بنوته جايه بالطريق وشنو اشغل العقال هاذا مو شاريك بفلووسه خبري اهلك يتصرفون معه او قولي لأبووه عن تصرفاته اسمحيلي اقلك انتي في خطر معه |
رد: ابيكم تشورون علي بمشكلتي
مشكوره ياعسل ع المرور
كلمت امي قالت اصبري لين تولدين بالسلامه واذا رجعتي ولقيتي نفس المعامله ماتغير بعدين اطلبي الطلاق وانتم تعرفون الاهل ماودهم هالشي يصير بس انا كارهته مدري من الحمل والا من تصرفاته |
رد: ابيكم تشورون علي بمشكلتي
تاااااااااالينا اسمعيني زين انا اكبر منك وعلمتني الحياه
هالمشاكل الي قلتي عليها كلها الحين ابيك تحطينها ورا ظهرك ولا تفكرين فيهاااااا طنشي واهتمي بنفسك وبسسسسس لان نظرتك للمشاكل راح تتغير بعد ماتولدين كثير يعني انتي الحين حالتك النفسيه تعبانه وكلنا مرينا بذا المشاكل والله والرجال اغلبهم كذا مايراعوون ولا يدرون ان الحمل يتعب النفسيه مثل مايتعب الجسم والي لازم تسوووينه الان هالنقاط 1- انتي عند اهلك فرصه روحي مع احد منهم للمستوصف وتطمني عن صحتك وصحة جنينك 2-دائماً حاولي تكونين هادئه ومسترخيه ولا تشغلي بالك الا بنفسك وبالنونو لانها اهم شي الحين 3-المشاكل تحصل في كل بيت ومصيرها تنحل صدقيني بس انتي اصبري ولا تزعلين نفسك.وإختاري احد من اهلك الي تشوفينه اكثر حكمه وقولي له يكلمه بالتي هي احسن 4- بالنسبه لفرق العمر ترا ياكثثثثثثثثثثثثثر الي ازواجهم اصغر منهم وبالعكس عايشين حياة حلوه واكبر مثال السيدة خديجه رضيى الله عنها كانت اكبر من رسول الله صلى الله عليه وسلم . وبعدين انتي ليه ماتقولين له محد ضربك على يدك وقال تعال اخطبني؟ انت الي جيت مو انا.وماعليك ترا كل الرجال يتكلمون كذا 5-على فكره تدرين ليه زوجك كذا معاك؟؟؟؟ ببساطه لانه ماعاد يقدر يستفيد منك مثل اول فهمتنيني؟ فتتغير نفسيته والله انا زوجي كذا اذكر بالشهور الاخيره الي اكون انا في امس الحاجه له يقلب علي ويوم سألت لقيت السبب انه الرجال بعد تتغير نفسياتهم اذا انحرمو من الجنس وتقدرين تتاكدين من النت والمختصين. 6- انتي بس تفائلي خير واهتمي بنفسك وبسسسسس وماعليك ربي بييسر كل صعب تمنياتي لك بالصحه وراحة البال - وان الله يسخر لك زوجك ويحنن قلبه عليك موووووووووووفقه |
رد: ابيكم تشورون علي بمشكلتي
ام رهومه مشكوره حبيبتي على المرور
بس احس المشكله كبرت اليوم جاء يبغى ياخذني وطرده ابوي من البيت ومشى من البيت زعلان ومن بعدها مااتصل علي بس ارسل علي خلاص انتهينا بصصراحه توترت اكثر وبالذات اني على وشك ولاده وماجهزت ولاشي يعني ماكاني بولد ماعندي اغراض النفاس ولا اشترينا ملابس البيبي ماادري وش اسوي انا رحت بدون ملابس يعني اروح اخذ كل ملابسي من بيتي لان انتهينا والا بس قال هالكلام من الزعل اترك ملابسي بالبيت واروح اشتري غيرها احترت اكثثثثر ): |
رد: ابيكم تشورون علي بمشكلتي
الله يعينك ويساعدك ويفرج همك ويسخر لك زوجك ويحنن قلبه عليك
آمـــــــــــــــــــــــــــــــــين... |
رد: ابيكم تشورون علي بمشكلتي
استعين بالله في حل المشكله
في صلاه الليل والاكثار مت الاستغفار الله يفرج عليك همك ويسهل ولدك يارب |
رد: ابيكم تشورون علي بمشكلتي
ملكه الاحساس & ام سديم
اللهم امين والله يوفقكم في حياتكم ومشكورات ع الدعوه وعسى الله يفرجها.. |
| الساعة الآن 04:22 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .