|
انا ياخبله ..ياغبيه..
سلاااام الله عليكم..
اخباركم بنات اسمعو قصتي ...وارشدوني... انا وسلفتي ...حوامل بس هي قبلي بشهرين... المهم ..ولدت وجابت ولد... وطول فترة حملها ..كل ماسالتها عن الجنس ..تقول بنت... ومرة قالت مو واضح... وبينما انا ....علمتها وعلمت اهلي واهل زوجي ...وصديقاتي...بجنس جنيني..وهو ولد.. ياربي لك الحمد... يعني هي ماعلمتني ..خايفه احسدها...طيب ليه....حتى انا حامل بولد ... المهم..يوم ولدت ...زرتها..واعطيتها هديه... قلت متى خبروك جنس الجنين اي شهر.. قالت من زمان وانا عارفه انه ولد... يعني هي وحدة من الثنتين.... ياانها خايفه من العين...او اني احسدها او انها ذكيه وشاطرة..... ... اكتشفت اني غبيه وخبله...في زمن غريب وعجيب... وعلى فكرة ... قبل كم سنه ..كنت انا واختى حوامل.... قلتلها ..انه الي ببطني بنت.. وانتي ...قالت مو واضح ..مسكر رجوله... المهم انا صدقتها...ومشت الايام ..وولدت اختى وجابت ولد... جلسنا نسولف ...قلت متى عرفتي جنس الجنين ...قالت من السادس ..علمتني الدكتورة واكتشفت بعدها.. اني ياغبيه...ياخبله.. يارب ارزقني على قد نيتي ...ياحيي ياقيوم |
رد: انا ياخبله ..ياغبيه..
الموضوع عادي مولازم تزعلين اذا حملتي لاتقولين جنس الجنين وبس
|
رد: انا ياخبله ..ياغبيه..
وعليكم السلام ورحمة الله وبركاته
الله يحفظك ويحفظ عيالك ويخليك ياشيخه ماعليك من هالحريم الموسوسات الله يصلحهن تعامليهن بحسن نية وصدق احساس ومشاعر وشوفي اشلون لاحول ولاقوة إلا بالله ماعاش من يقول عنك غبية انتي تعامليهم بما تحبين ان يعاملوك الناس لاتشيلي هم حبيبتي على قولتهم بالطقاق وش عليك منهم وياكثر الحريم اللي بهالعقلية بس وش تسوين على ايه يعني استغفر الله العظيم وياجبل مايهزك ريح وتقبلي فائق حبي واحترامي |
رد: انا ياخبله ..ياغبيه..
هههههههههههههه
ياحلوك وحلو كلامك خخخخخخ انتي طيبه ياقلبي وعلى نيتك انا لمل كنت حامل سالتني وحده وهي كانت حامل طبعا قلت لها انا ولد وشهقت بغت تموت من الشهقه خخخخخخخخ وقالت انتي دايما تجيبين عيال بسم الله عليها على بالها عندي 25 ولد كلهم ولدين وبنت الله يصلحهم طبعا هي قالت بنت ---------- وحملت بعد كذا وسالتها سويتي كشف قالت لا بس زوجي يقول ياليتك مثل(---) ماتجيب الاعيال وجابت (بنت) وحملت وسالتها وانهبلت ليش تتدخلين وش تبين فيه ولد او بنت وكل شوي تدق وتقول انا بالثامن وانا بالثامن ولسه مادخلت التاسع(طبعاقبل ولادتها بكم يوم) ولما ولدت ودقيت ابارك لها قلت لها من كثر طيبتي عساه الولد طيب ومادخل الحضانه قالت اصلا انا مطوفه عن التاسع وعن موعد ولادتي بس ماابي اعلم احد---لانه (ولد) عساها تجيب 10 عيال بس شوفي اكتشفت اني طيبه وعلى نيتي وهي غبيه وساذجه والله يعطيها على قد نيتهااااااااااااااااااااا يالله بعد هالكلام انا خبله او غبيه -----خخخخخخخخخخخخخخخخخخ |
رد: انا ياخبله ..ياغبيه..
والله انتي مو غبيه ولاخبله ولاااااشي بالعكس موقفك عادي
هم ماادري وش يحسون وانا صراحه مااحب كذااا يعني وش بتجيب اكيد يابنت ياولد واذا خبت وش بيصير الحمد لله والشكر ماعليك منهم ... |
رد: انا ياخبله ..ياغبيه..
والله كل واحد وظروفه لما كنت حامل بالتؤام ما علمت
وعارفه انو عيال وعائلة زوجي كلهم بنات ما عنده الا اخ واحد بس كنت خائفه من الحسد لأنو ما عندهم سيره الا حملي وصار ولدت بعد السادس وبعدها عرفوا بس اهل زوجي بالخبر ولما مات واحد منهم انتشر الخبر وتعالي شوفي التعليقات من عماني انا وزوجي والحريم بعد تسوونها وما تعلمون ،،، واللي يقول اثنين مره وحده مايراعون ان الثاني بالعنايه مانعرف بيعيش او يموت والحمد لله عاش وهذا عمره خمس سنوات،،،،، وبحملي الثاني ما علمت انو ولد كأن ماعندهم الا انا حامل لان زوجة ابو زوجي الثانيه ولدت قبلي بسنتين وجابت بنت وحماتي قبلي بثلاثة شهور وبرضوا بنت وتعرفين اذا احد عرف من البيت راح يطلع الخبر برى وهذا اللي مابيه ولا اهل زوجي طيبين وكمان مراعاة لمشاعر زوجة عمي بعد7 سنوات تحمل وتجيب بنت والكل زعل اولهم عمي ،،،هذا شئ بيد رب العزة والجلال لدرجة اخذت لولدي بعض الاشياء للبنات ما أبيهم ينتبهون راعي الظروف والمجتمع اللي انتي فيه ولا انتي خبله ولا غبيه سلامتك منهم الله يخليلك عيالك لا يهمك احد |
رد: انا ياخبله ..ياغبيه..
انتي ياقلبي مثلي طيبتي خلتني
هبله وما اسوى بس الله يعطينا على قد نيتنا والله يسعدك ان شاءالله |
رد: انا ياخبله ..ياغبيه..
ياكثر هالاشكال
وشوفيهم البنات نعمه من ربي مااحب اللي يفرق بين البنت والولد تخلف من ايام الجاهليه انا اهل زوجي عندهم اللي تجيب عيال هذي بنت رجال واللي تجيب بنت مايهتمون فيها واذا حامل وهي بالتاسع تسالينها تقول انا بالخامس !!! وععععع اول وحده اللي تحملين وبس والا تسال تنشب وش فيك بنت والا ولد ؟ وحده تسالني ناشبه قلت مفاجاءه وتنشب بالاخير قالت ترانا عارفين محلمين حلم وفسرناه طيب وش بجيب يابنت والا ولد قلق وحده اعرفها كنت انا حامل معها بنفس الشهر واقولها اني حامل واسالها ماحملتي تقول فيني الدوره في الاخير صارت حامل ولدت قبلي !!! الحمدلله رب العالمين مرض الله لايبلانا مجتمع تعبان |
رد: انا ياخبله ..ياغبيه..
ههههههههههههههههههههههه ...
اصلا ودك الواحد مايسال ولد ولا بنت ..ولا احرجه ولا يحرجني ...لان مايعلم مافي الارحام الا الله ...وش باستفيد لا عرفو ..وش بستفيد لا سالت غيري ...؟؟ بنت خالي ..كانت باول حمل لها كل ماتكشف ولد ولد ..وماخلت احد الا قالتله من فرحتها انها بتجيب ولد ..ويوم ولدت جابت بنـــت وانصدمت وكل الي حولها انصدم .... ودك الوحده اصلا تسكت لين تشوف طفلها بين يدينها ... واصلا الزمن هذا يخوف العين كثرت ..وحتى الرسول صلى الله عليه وسلم ذكر هاذا الشي ...انه اخر الزمان يكثر الموت بسسب العين ... والناس تحسد بعضها على اتفه شي ... بس انا والله طبعي ماحب الي يكذب ..سبحان الله ...مرت عمي الله يهيدها مرة سالوها اشبك تعبانه ومدري ايش تقول الدورة الدورة ..وكانت حامل ..وفي الاخير توفت بنتها..في التاسسع ..انا لله وانا اليه راجعون ... انا الي يسالني قلت حامل..وعن الشهر كمان اقوله انا باي شهر .. ..اما عن الي داخل بطني والله بقول العلم عند الله ..وانا صادقه ..لان حتى لو عرفت العلم عند الله ماقدر اجزم ان الي في بطني ايش.. بس مرة خفت ام صديقتي لما عرفت اني حامل قالت يوه مسسرع حملتي ..استغفر الله واعوذ بالله من شرها ..هو بايدي مثلا الله كتب كذا ...هذا وانا حملت بعد كم شهر من زواجي عدى شهرين وماحملت الا على الشهر الثالث ..غيري يحمل من اول شهر .. الله يعينا وقل لن يصيبنا الا ماكتب الله لنا ... |
رد: انا ياخبله ..ياغبيه..
ماادري ايش هذي خرافات بنت اووو ولد اناا بصرراحه عندي وااحد
ماهمنى ايش يجى وحتى اخوواتى يعلموونا اول مايسون سوناار ماادري ليه بعض ناااس يكبرونهاا وهي صغيره كان الدنياا واقفه عليهم انتى خليكى كذا وماعليكى منهم تكونى علي نياتك ولاتكونى خبيثه الله يتمم عليك ياقلبي |
| الساعة الآن 08:53 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .