|
هل انا اعاني من مشكله ولى انا قاعده اتوهم
مرحبا ياحلى اخوات بالدنيا مو عارفه من ابتديلكم قصتي
قررت وكالعاده اني الجأ لكم لاني عمري مافضفت لحد غيركم مشكلتي مع زوجي زوجي طيب فيني وانا اعزه واحترمه كثير لاكن بالفتره الاخيره صارت بيني وبينه خلافات كثيره ورى بعض كتمت الكثير بقلبي لاكن زي مايقولو طفح الكيل ابتدت المشاكل بعد سفرتنا انا وزوجي لماليزيا صار مايفهمني ابدا وانا صرت اتنرفز كثير من تصرفاته لدرجه صار ماعندي قدره اني اتحمله لدرجه والله يابنات حسيته طاح من عيني طبعا اول مارجعنا من سفرتنا سوالي مشكله على الهدايا تخيلو يقولي الهدايا اللي جبتيها لاهلك فخمه وانا هدايا حقتي تفشل بالرغم من انو الهدايا هو اللي اشتراهم بنفسه صار لاصق بهله وخواته الله ينتقم منهم 24 ساعه حتى لمى يكلمني وهو بداخله شايل علي من ايش مااعرف قلت بنفسي لازم ارجع بيتي لانه لو جلس عند اهله اكثر من كذا راح تكبر المشاكل بيني وبينه على ولى شيء فعلا رجعت البيت فتشت جوال الاخ لقيته محمل برنامج الواتس اب وضايف خواته ولى وحده من خواته راسلتله صوره اباحيه سالته كيف ترسلك زي كذ قال عادي مافيها شيء انتي لو اخوكي يرسلك كذا انا ماراح اقولك حاجه بعدين الواتس اب هذا كله كلام في كلام قلتله طيب انا حنزل هالبرنامج بجوالي وبستقبل من صاحباتي كل شيء حتى لو كانت صور اباحيه او صور شباب يعني باخذ راحتي على الاخر لانك انت تقول كلام بس كلام وصارت مشكله طويله عريضه على الواتس اب لحد ماحذف البرنامج غير كذا انا دائما اشكيله من اهله وتصرفاتهم معي دائما ماني عارفه ايش سويلتهلم او بايش غلط معهم يعني تعرفون حركات الحموات والمصيبه انه عارف هالشيء لاكن بمجرد مايجلس معهم ينسى كل شيء كل الكلام والنصايح اللي اعطتيه ايه تتبخر اخر مره جيت عند اهله دخلت الله يكرمكم بالجزمه وانا والله ناسيه اني دخلت بجزمتي المهم قالي وقدام اهله ((هيه ياختي نزلي جزمتكي )) مدري كيف كلمني بها الاسلوب وقدامهم بلعتها جات وحده من خواته والله العظيم فيها مرض نفسي وتغار مني غيره غير طبيعيه ومجرد ماتشوف ان لابسه شيك وشنطتي ماركه تشتغل عندها الغيره والحسد من اول ماجلست وهي تقوم توصف الحريم وقدام اخوها كل غرضها انها تنرفزني المهم المهم اني ماعطتيها مجال ابدا وانا ادري انهم من وراي يعملوا اسوء من كذا بس سكت عنهم وقلت يابنت الحلال الباب اللي يجيكي منه ريح سده واستريح صرت ماتصل فيهم وماجيهم الا بعد فتره طويله لاكن مافاد معهم هالخنافس ولى شيء وبالاخير لاني متاخره بالحمل وانا والله راضيه بقضاء الله وقدره داىما يحاول ينرفزوني من هالاجانب ويحسسون اخوهم انه شخص ناقص احس خلاص مو قادره اتحمله لا هو ولى اهله الله ينتقم منهم بالدنيا قبل الاخره ويوريني فيهم يوم حتى اليوم كنت جالسه على النت بس لمى اتذكرت الصوره الاباحيه اللي اخته كانت راسلته له انقهر موت قلت ليش ماتصلت عليه وهددتها حتى تزاعلت مع زوجي بدون سبب لانه دائما من ناحيه اهله يظلمني ويصدقهم حسبي الله عليهم تولد عندي احساس بعدم الامان ولي اول مره اتحجت انو يكون عندي طفل يربطني فيه ويقوي الرابط اللي بيني وبينه لدرجه اني قررت اني اروح المستشفى بكره واطلب من الدكتوره تعطيني ابر تفجير اتمنى تلاقولي حل وهل انا غلطانه وصلت لمرحله ماني عارفه انا اتصرف صح ولى غلط انتظركم لشموخي روايه |
رد: هل انا اعاني من مشكله ولى انا قاعده اتوهم
الله يهدي سرك .. ويسخر لك زوجك ويسخرك له
شوفي يالغالية .. وااااااضح إنك شايلة على اهلة ومو متحملة منهم اي كلمة او تصرف وهذا الشيء إنعكس على علاقتك بزوجك !! نصيحة لوجة الله .. ( لا تطفشي زوجك منك بكثرة الشكاوي من أهلة ) !! احتوي زوجك وتغاضي عن تصرفات اهلة واحتسبي الأجر عند الله على هالتصرف !! صدقيني والله إذا جعلتي الله نصب عينيك بكل ماتقومين به سيوفقك الله وراح ترتاحين نفسياً وتشعرين بالإطمئنان وسيسخر الله لك زوجك .. ويرزقك بالذرية الصالحة !! ماتدري لو أن الله منع عنك الذرية بذنب اقترفتية .. او دعوة مظلوووم !!!! لذلك اجعلي الله نصب عينيك بكل ماتقومين به سواء مع زوجك او اهلة .. ولا تحاولي تقارني نفسك باحد من أخواتة وهو حر معهم يرسلون له اللي يرسلون لا تدخلين في اشياء ربما تدخلك فيها يزيد الفجوة بينك وبين زوجك !!! خلاصة الكلام .. لا تجيبي لنفسك المشاكل من لا شيء !!! وحاولي تكسبي زوجك وتقربية منك قبل لا تطفش ويدور على وحدة تريحة وتسعدة وتنسجم مع اهلة !!! اسأل الله راحة البال والإطمئنان |
رد: هل انا اعاني من مشكله ولى انا قاعده اتوهم
انا ماني حكيمه في هالامور وحمواتي صغار مالي في هالسوالف الحمدلله
بس اقولك طنشيهم واكسبي زوجك لا تفرحينهم بإنك تزعلي زوجك بلعكس اذا عملوا شي يضايقك قدامهم بينيلهم العكس واضحكي خليهم ينكسحون وينطقون الله يرزقك الذريه الصالحه قااااادر ياكريم ويرجع زوجك مثل اول واكثر وانتي تقولي بدت المشاكل بعد السفره يمكن انحسدتي عليها ارقي نفسك وبيتك وزوجك وماعليك شر انشالله |
رد: هل انا اعاني من مشكله ولى انا قاعده اتوهم
الله يعينك يااختي
ويسخرلك زوجك ويرزقك بذريه صالحه |
رد: هل انا اعاني من مشكله ولى انا قاعده اتوهم
احسك ماعطه الموضوع اكبر من حجمه
مادري بس مو كل حاجه حبيبتي تعطيها اذنك و انتي مالك شغل باهله و علاقتك فيه لا تدخلي شيء في شيء و اكيد بوقف مع اهله لانهم اهله اقرئي سورة يس قبل النوم و ان شاء الله تنحل مشاكلكم |
رد: هل انا اعاني من مشكله ولى انا قاعده اتوهم
اتعوذي من الشيطان اختي
انتي رددتي كلمه مو متحملته ومو طايقه زوجي كثير لا لا اتهدي بالرحمن وحسني علاقتك بزوجك اكثر لاتحطين ببالج هذاي الامور اذا حاولتي اكيد راح تشوفين زوجك تغير خليج دلوعه اكثر ولاتهتمين باهل زوجك وان شاء الله تتحسن الامور |
رد: هل انا اعاني من مشكله ولى انا قاعده اتوهم
الله يصبرج عليهم إذا تبين تحرقين دمهم طنشيهم عالآخر و أنا لو منج ما بزورهم خير شر لانهم ما يستاهلون , وبعدين شو هالاخت إلي تطرش صوره إباحيه لاخوها أستغفر الله ها ما يسوونها إلا إلي رايحين من الدنيا ونسوا الحرام.. لاخوها مره وحده أنا زوجي مستحيل أراويه صورة وحده مو ساتره أسير أطرش لاخوي صوره إباحيه مره وحده وعلى هالشي هو كيف واثق فيها؟؟!!!
المهم إنتي لا تكبرين المشاكل ومثل ما قلتلج طنشيهم , إما بالنسبه لزوجج ما أعرف كيف طبعه بس حاولي معاه مب زين جي يتصرف معاج, وبالنسبه للحمل هم مالهم دخل فيه والله إلي يعطي مب هم ما أدري كيف تفكير هالناس عافان الله!! إنتي إستغفري ربج ليل ونهار و إقري سورة البقره و إدعي ربج يرزقج بالحمل عاجلا غير آجل و بإذنه سبحانه وتعالى راح يعطيج دامج طلبتيه بنيه صادقه ولا تلجئي لغيره.. والله يصبرج ويفك كربج ويريحج دنيا و آخره... |
رد: هل انا اعاني من مشكله ولى انا قاعده اتوهم
حبيبتي اسمحي لي خوات زوجك ما عندهم دين ولا حيا ولا اخلاق شنو صورة اباحية الله ايهداهم وبعدين وصف البنات جدام زوجك حرام الله يهديهم
انا اشوف ان الانسان لازم يترفع عن هالاشكال يعني لو زرتيهم لا تعطينهم ويهه ولا ايهزون فيك شعرة ولا كانهم موجودين و زوجك لا تشتكين له من اخواته وايد لان بعد فترة بيتملل منج لان الريال ما ايحب المرأة الشكاية وبالعكس اكسري عينه حتى لو هم حاولوا ايقللون منج جدامه انتي لا اتردين وحالولي تثبتين العكس لا اتخربين حياتك كلها فترة واهم بعد بيروحون في حياتهم وبيوت ازواجهم وبينشغلون عنك |
رد: هل انا اعاني من مشكله ولى انا قاعده اتوهم
حبيبتي الله يهديك ويسخر لك زوجك
غاليتي اولا (لاكن مافاد معهم هالخنافس ولى شيء) لايليق بك كمتعلمه ان تقولي على اهل زوجك هالكلام لانك بكره تتجيبين لهم طفل ترضين يكون زي كلامك لهم حبيبتي اللي ماترضيه لنفسك لاترضيه لغيرك حتى لو كان خطأه يهد جبال ______________________________________ ماعليش يمكن اقسي عليك بس انا اعتبر نفسي اخت كبيره واحب انصح من قلب __________________________________________________ غاليتي \\ احس موضوع الحمل هو اللي مسوي فجوه كبيره ___________ واحسك من طريقه اسلوبك بسرد المشكله شايفه نفسك عليهم مره _________________________ حبيبتي افتحي صفحه جديده مع زوجك وأهله خليك سمحه اللسان وطيبه معاهم ______________________ ولاتكبرين الموضوع لانه مومستاهل زوجك يحس بنقص فعوضيه هذا النقص ولاتشوفي نفسك عليه -------------------------------- الذي يجعل الزوج يخطيء هي زوجته بدون قصد منها فأحتوي زوجك وعيشي حياتك وتنازلي لانك بالاخير انتي الكسبانه _________________________ |
رد: هل انا اعاني من مشكله ولى انا قاعده اتوهم
فوضت امري لله
(لاكن مافاد معهم هالخنافس ولى شيء) لايليق بك كمتعلمه ان تقولي على اهل زوجك هالكلام لانك بكره تتجيبين لهم طفل ترضين يكون زي كلامك لهم حبيبتي اللي ماترضيه لنفسك لاترضيه لغيرك حتى لو كان خطأه بالنسبه لها النقطه ((انا اعترف وقدام الجميع اني مخطئه بها الكلمه اللي قلتها بحقهم ))وقتها كنت متنرفزه وانتي بعد ياليت تقبلي نصيحتي وتشيلو عنا هالمعتقدات الخاطئه ((انتي واللي على نفس شاكلتكي قاعدين تعطون صوره للناس اللي مي فاهمين وللناس المراهقين بالتحديد انو الدين يفرض علينا انا نكون متسامحين الى ابعد الحدود وانو الواحد لازم يصير ((حليل ))عشان الكل يتعدى علينا حكمتي انو موضوع الحمل هو اللي مسبب الفجوه مدري ايش دخل للمعلوميه انا متاخره بالحمل بعد اربعه شهور راح يكملي سنتين عمره ماكان الحمل مسبب مشكله الا من وراهم همى من ورى حمواتي اوكي واحسك من طريقه اسلوبك بسرد المشكله شايفه نفسك عليهم مره بعدين حضرتك اتهمتيني انو انا شايفه نفسي عليهم وشايفه نفسي حتى على زوجي انتي ياختي الفاضله ماتعرفين قد ايش انا سعيت لي ارضائهم ولاكن كل شيء اسويه ينرمي بزباله بعدين تقوليلي خليكي ((سمحه اللسان ))على قولتك انا ياقلبي سمحه لسان وو طيبه مع الجميع والكل يشهد باخلاقي واولهم حبايب قلبي عضوات منتدى حوامل وروحي بنفسك اسالي عن ((لشموخي روايه ))وبتحصلين الرد انشاء الله بس ماني عارفه كيف تفكرون اي صنف من البشر انتو انا انسانه ترى بنهايه لي احساسيس ومشاعر وطاقه عى التحمل يعني كيف تبغين اصير جماد يوصفون الحريم قدامه ويرسلون له صور ويسعون انهم يخربون بيني وبينه واسكت لحد ماينخرب بيتي بعد وحضرت مسكتيلي شايفه حالك وشايفه حالك ليه ماعلقتي على تصرفاتهم والصور اللي رسلوها ((مابينتيلي ايش حكمها )) وايش حكم كمان ((ووصفهم للحريم بغرض التخريب )) انتظر ردك على استفساري |
| الساعة الآن 05:50 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .