|
تجهيزات النفاس والبيبي
مرحبا ياحلوات ياليت اللي عندهم فكره من فين أجهز للبيبي السرير بس مو غالي بحدود 300 ابغاه
وأبغا أطقم النفاس من فين والله محتاره ولادتي قربت وأنا ماجهزت شي ماأعرف واللي تعرف اي شي عن التجهيزات تدلني ضروري والله لها دعوه من قلب أبغا محلات بجده أو بالمدينه بليز ساعدوني ضروري |
رد: تجهيزات النفاس والبيبي
إذآ تبين سرير بيبي بنفس هالسعر ..
رح تحصّلينه بالمحلآت العآدية حقت الأطفآل ! الي تكون موجوده بالشآرع .. يكونون حلوين وقويين ! . . بالنسبة لمفرش النفآس .. من أي محل ملآحف ، مو شرط مكآن معيّن .. ولآ شرط يكون المفرش مكشش او مترتر او مدنتل ! عآدي خوذي شي يخدمك لبعدين .. |
رد: تجهيزات النفاس والبيبي
لو تبين اطقم مفارش نفاس مع السرير عندي موجود
|
رد: تجهيزات النفاس والبيبي
ان شاء الله تلاقى طلبك اختى
|
رد: تجهيزات النفاس والبيبي
والله مآعرف امآكن بجده او المدينه
ان شآء الله الباقي يفيدوك =) |
رد: تجهيزات النفاس والبيبي
شوفي حبيبتي عندك السعر المنافس في جده والهرم عندهم مجموعة اسره خشبيه وحلوه, واسعارهم معقوله انتي روحي وشوفي وبالنسبه لمفرش النفاس عند سوق الخيمه فيه كذا محل يبيعهم طلقم كامل لك وللبيبي اذا مافي وقت للتفصيل,وعندك الكندره مول,برضو تلاقي عندهم اطقم للنفاس, ان شاءلله اكون فدتك حبيبتي ماابغى غير انو تدعي لي ربي يسهل عليا حملي واولد ولاده طبيعيه ميسره انا والبيبي وشكرا...
|
رد: تجهيزات النفاس والبيبي
حتلاقي حبيبتي
في العائله مول واكسينا او البوادي او اسواق محمود يعيد الي قدام مستشفى عرفان بالسلامه ياقلبي |
رد: تجهيزات النفاس والبيبي
السرير سياقلبي لقيه بجده مكان الاثاث الي بالحراج الي عند ريدان اسعارهم حلوة واشكالهم تجنن
وبالنسبه للملابس الحقي بدئت تخفيضات سنتر بوينت وستس ماكس وهالاماكن عندك كمان السعر المنافس اشيائو حلوة وسوق الخيمه مليان مواليد واسعارها مناسبه مرة ويارب اكون افدتك وتقومي بالسلامه انتي وبيبتك |
رد: تجهيزات النفاس والبيبي
في جده
بتلاقي اسره جدا ممتازه مثل حق سنتربويت واي مول تاني فى سوق باب شريف كل شئ مدسات تقديم ولحف للبيبي وللنفاس واسرة السبوع وكراسي اطفال عربات كمان وعندك السعر المنافس فى طريق مكه القديم بحي الثغر والهرم محل اسمه (اس سمارت) فى الاندلس مول الدور الثاني |
رد: تجهيزات النفاس والبيبي
ياقلبي حاسه بمعانتك انا قبلك حووسه حووسه على التجهيزات سرير مولود بحدود 300 من سنتربوينت شريته قبل اسبوعين وهو مو سرير كبير لا مثل اللي يسمونها سله موسى في مذركير وبعد ماشريت شفتها في الضباء الكبير فرع شرق دوار الهندسه وبسعر اقل من 200 تنددددمت ليش ماشفتها قبل اشتري وكمان جلابيه الرضاعه تلاقيها عند الضباء واحه الجلابيه واطقم نفاس ارخص حاجه تلاقيها في باب شريف مركز الحبيب اذا رحتي هناك اسئلي محلات مفارش نفاس وتجهيزات مواليد وجلابيات واسرة وعربات اطفال يعني من محل تجهزي كل شي لو عجبك دعواتك بتسهيل ولادتي واشوف طفلي في اتم صحه وعافيه |
| الساعة الآن 11:49 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .