|
اقسم بالله طفشوني في حياتي..
مرحبا ياعسولات كيفكم..! كتبت و انا ودي افضفض كثر ما ودي الاقي حل للي اعيشه و يجيني من اللي حواليني.. انا تزوجت من كم شهر و زوجي عنده 12 اخت غير اخواته المتزوجات و بنفس ليلة زواجي تزوجو معانا 2 من اخوانه.. عرايس اخوانه يصيرون بنات عمهم وانا مو من نفس عايلتهم و سلفاتي و اخوات زوجي طفشوني من بداية زواجي احسهم حاقدين علي يعني اخوات زوجي فجاءه يقررون مايسلمون علي و لا يكلموني مع اني ما صار بيني و بينهم شي و الاقيهم في بروسينال الواتس انواع السب و التهزيء و المقصد فيني حتى والله توصل لدرجة انهم يجوني بيتي بعزيمه و مايسلمون و انا والله ما اقصر مع احد بشي دايماً محترمه الكل و مكرمتهم سواء في بيتي او اذا جيتهم غير انهم يتعمدون و انا جالسه يتكلمون بالالغاز عني و يضحكون او يقولون قومي يافلانه قلدي اللي قلدتيها البارحو الاقيها تسوي حركاتي و هم انواع الهمجيه و الضحك و فجاءه يجون بعدها باسبوع عادي ما فيهم شي.. اما سلفاتي شي ثاني اول شي قاهرهم ان زوجي ما اخذ من اخواتهم و دايماً ينادوني بخطافة الرجاله غير حركاتهم من وراي وحقدهم و تجسسهم ع بيتي من خلال الشغاله و يعطونها رشاوي عشان تراقبني و تنقل حياتي لهم.. وكذا مره الاقيهم شارين ادوات تجميل و عطورات و يقولون تزيني و تعطري و لا عليك منها .. انا جاء لي حاله نفسيه بسببهم صرت فجاءه ابكي بشكل غريب و انهار خصوصاً اني بعيده عن اهلي و بمدينه ثانيه و مالي احد هنا غير انجبر اني اكون معاهم و اتحمل غثاهم.. اش اسوي لهالناس و ربي طفشت و كرهت حياتي.. |
رد: اقسم بالله طفشوني في حياتي..
كلمي زوجك اذا مالقي حل خليه ينقل بعيد عن اهلة وانتي خلاص خففي معاهم مرررررررررررة وخلي حق الله بس الا هو السلام وصلة الرحم يعني زوريهم في المناسبات بس ولا تتكلمي مع احد وحاولي تكون لكي شخصيتك الي ينبهرو فيها مثلا اذا انتي صغيرة كملي دراستك واوصلي اعلى المستويات وربي عيالك افضل تربية مستقبلا وعيشي مع زوجك احلى اللحظات ولاتخلي للحزن طررييق واتعرفي على جيران وصديقات وانشغلي وترى الحمدالله مافي وحدة في الدنيا الا تعاني من شي بس الا الصبررر وحاولي تثبتي وجودك وتفرضي احترامك على اي احد وهذا مايجي كدا لازن ترقي بنفسك وتعرفي كيف تتعاملي مع الناس
|
رد: اقسم بالله طفشوني في حياتي..
والله ياحبيبتي هالاشكال مايبيلها الا التطنيش احقريهم وعيشي حياتك دامك انتي وزوجك كويسين واهم شي لاتشكي لزوجك من سوالفهم
ترى سوالف حريم وهبال ماتستاهل ولمن يشوفون انهم مااثروا فيك والله ماعاد يضايقونك وربي ماتستاهلين تصيحي بسببهم فلي اوم الدنيا وحطيهم هم وحركاتهم على جمب دامك انتي وزوجك حلوين واتهني مع زوجك ياحلوه ولاتقصري معه واهم شي مثل ماقلت لك لاتنقلي سواياهم فيك لزوجك ولاتشيلي الموضوع ابد خلهم والله بيتعدلون لو مااهتميتي وحقرتيهم ^^ وربي يرد كيدهم بنحرهم |
رد: اقسم بالله طفشوني في حياتي..
لا حول الله الله يعينك اختي الكريمه ما عليكي الى بدعاء وتفويض امرك لله عز وجل وهو الوحيد القادر عليهم اكثري من الدعاء وصلاة اليل وطلبي فيها إصلاح الحال.............
وفي شغله لازم تعرفيها بما انهم كلهم مجتمعين عليكي وكلهم ضدك فعرفي انك المتميزه بيناتهم وانتي الي شاغله بالهم خليكي زي ما انتي وضلي قويه واذا سمعتي اي شي منهم ولا تردي ولا تجاوبيهم لانو هاض شي الي رح يقهرهم وفي جمله انا دايما بحكيها (اذا اتتك الركله من الخلف فعلم انك بلمقدمه) عشان هيك كل ما تشوفيهم بيضحكو او بيتمسخرو طنشي وبلعكس صيري اضحكي معهم ولا تعبيريهم وما تبينلهم انك مدايقه ................. وبخصوص شغالتك غيريها او حاولي تعاقبيها لانو ما بصير ابدا تنقل اخبار بيتك واسرارك وحاولي اتناقشي مع زوجك بلموضيع هاي ومن غير مشاكل وبطريقه منيحه........... اتمنى اكون افدتك والله يحسن احوالك وكافة امورك تقبلي مروري اختي الغاليه |
رد: اقسم بالله طفشوني في حياتي..
والله زعلت عليكي ياقلبي
الله يعينك ويصبرك ويهديهم عليكي والله يريح قلبك ان شاءالله حبيبتي طنشي وارمي ورى ظهرك ولاتزعلي نفسك |
رد: اقسم بالله طفشوني في حياتي..
مثل ماقالو الخوات
ماعندي شي ازيده طنشي وماعليك من احد وعيشي حياتك الزم ماعليك سعادتك وسعادت زوجك وشغالتك قولي لها انك بتخصمين من راتبها اذا تكلمت عن اسرار بيتك وقطت الميانه معهم وانتي قلتيها حاقدين عشانك كسبتي قلب رجلك ولاتجيبين طاري لزوجك بطريقه تذمين فيها اهله عشان متجرحينه لان هاذي سوالف حريم وهو ماراح يفكر فيها كذا انبسطي وعيشي حياتك وخلك معهم عادي ماكأنك تفكرين بحركاتهم بس حاولي تكسبيهم بسلوبك وبطيبتك حاولي تشوفين كل وحده وش تحب وكسبيها فيه الي تحب الطلعات اطلعي معها وخليهم وحده وحده تثق فيك وتكسبين ثقتهم بس اذا استهبلو لاتعطين وجه ترى كل انسان فيه مساؤ لازم يكون فيه محاسن وهذولي اهلك بنهايه انتي وحده منهم الحين بيني هاذا الشي لهم انكم صرتو عايله وماعليك من باقي اهله اهم شي امه وابوه وخواته الي اكبر من زوجك هم الي لازم تحترمينهم وتصيرين معهم اوكي هاذا الي عندي والله يهدي النفوس يارب ويوفقك بحياتك |
رد: اقسم بالله طفشوني في حياتي..
وجع وجع وش قلة الحياء ذي بأي حق ينادونك ياخطافة الرجال والله والله لو يقلون لي انا كذا والله لاامسكها مع رقبتها واتفل بوجهها وش خطافة الرجال
ورا ساكته انتي شافوك ساكته قالو هاذي خبله ماتقدر تدافع عن حقها خلونا نهينها امسكيهم وحده وحده قولي فكوني من شركم والله قسسسم بالله لاادبكم وحده وحده عاد كل شي ولاالغلط. ماحد يرضاه اذا انتي واثقه من نفسك انك ماخطيتي ولاضايقتيهم قولي لزوجك مابي اشوووف اخواتك وحريم اخوانك ولاقسسم بالله ماقعد لك وعلميه بكل الي يسونه فيييك ترا هاذي اهانه لك ياقلبي لاتسكتين فاهمه قسسم بالله لو هم مسوين فيني كذا كان حرقت فيهم قلة حيا كل شي ولاالغلط |
رد: اقسم بالله طفشوني في حياتي..
كلام الأخوات عين العقل أدائهم تطنييش وهذا العلاج مجرب خيتووو
يمكن يربيهم لك مثل ماتبين او على الاقل يوقفهم عند حدهم ولا تصيرين حساسه أختي،،،،اهم شئ مايتدخلون بينك وبين زوجك وهذا هم السلفات والحموات مامنهم الا خراب البيوت ( الا من رحم ربي) واذا على الواتس حطي تجاهل ولاتفكرين تطالعين رسايلهم وخليك واثقه من نفسك هذا راح يقهرهم اكثر طولت عليك اختي بس حطي في بالك هذا حال الدنيا. رددي دائم (حسبي الله لا اله الا هو عليه توكلت وهو رب العرش العظيم). واكثري من الاستغفار. الله يصلح أحوال المسلمين |
رد: اقسم بالله طفشوني في حياتي..
شوفي حبيبتي انا عانيت زي معاناتك ..
قبل مااملك ولما انخطبت ابوي يسمع انو بنات عم زوجي مشاكلهم كثيرة ولسانهم طويل فلما جاا يخطبني زوجي ابوي قاله انا اعرف مشاكلكم ماابغي ازوجك بنتي ويبهدلونها بمشاكلكم لا والله تزوج من بنات عمك وزوجي اخر العنقود واخوانه كلهم متزوجين بنات عمهم ماهم خارجين برا قبل مااملك بشهر نااادوني بزواج وانا خبلة رحت لهم شافوني وحدة قعدت تقول تشبه اخوها فلان وهي تقصد اخوي من ابوي لان حرمتو علي طول تنزل لهم والثانية طالعت فيا وقالت انا تراني عسل بس مو صافي وكل وحدة اعطتني ظهرها وجلست انا كأنو كف جاني ولا احترام ولا حشمة تزوجت وتعالي شوفي التريقة وبنتي يطلعون فيها عيوب ويقولون زي امها كنت انقهر وزوجي يتصلون عليه اذا جا يسافر يودعونه علي اساس انهم بنات عمه واذا بغو شي مايتصلون علي او علي عمتي علي طول علي زوجي شووفي لي 4 سنوات مالي فيهم اي علاقة ولا بيني وبينهم طريق اجي لعمتي زيارة وانام عندهاا حتي لما تتعب وحدة من سلفاتي او تولد مااروح لهم لما انزل لعمتي تقولي تنزلين معاي اقولها ماجبت هدية او ماجبت لبس او تعبانة وكل مرو اتحجج بشي ولما اروح زواج لهم اكشخ البس احسن شي لاني عارفة انهم حاقدين علي وانهم كانو يبغون زوجي ياخذ اختهم فهذا كلو حقد مني اروح للزواج واجلس لحالي او مع عمتي ولا اعبرهم ولا كأني اشوفهم شي كنت ببداية حياتي اخاف وساعات ابكي انو زوجي ممكن يرجع ياخذ بنت عموو بس وحدة من صاحباتي قالت لي ياخبلة زوجك لو يبغي بنات عمو ماطلع برا كان علي طول اخذ منهم هالشي خلا عندي ثقة بنفسي واي وحدة راح تتجرأ تقولي انتي اخذك ولد عمنا او خطافة رجالة بأقول لو يبغي وحدة منكم ماتركم بس احسن عرف كيف يحسن نسلو واصلا انا معبية راس زوجي ومسحت ارقام سلفاتي من عندهم وكان يطلب من اخوانه اكلات يسونها حريمهم صرت اتفنن اسويها وابدع فيها الين اعترف هو بنفسو انها الذ من الي يسونها سلفاتي وهددتو لو طلب من اخوانه ماعاد يذوقها وقلت له تراهم بكل مجلس يدقون بالكلام انك تتصل وترسل رسايل تدور اكلات من عندهم الكلمة جات قوية عليه ماهمني اثرت فيه والا لا اهم شي تأدب وماعاد يطلب من احد غيري واكرره عيد عمي ابو زوجي لاني مااطيق اقابلهم بس اصلا اجلس مااتحرك بس اصب لي قهوة واحلي واطقطق بجوالي ومااشوفهم شي مالي الا بعمتي ادلعها وادلع عليها مع انو مو من هالنوع بس انا بالغصب عشان اقهرهم لانهم يحاولون يقهروني ومااقولهم كل شي اهم شي ثقتي بنفسي حتي ساعات اقعد اتكلم قدام زوجي انهم مدحو لبسي وفلانة غارت وفلانة قلدتني ترا تقدرين تعبين راس زوجك تراهم يصدقون لو قعدت مدحتي بنفسك واهم شي عمك وعمتك ام زوجك وابو زوجك وزوجك علي عينك وراسك وانا اشوف ايش الي زوجي مفتقده وايش اخوانه مفتقدينه من حريمهم زي اخوان زوجي لما يخرجون يتعشون برا في البر اللحم يشترونه متبل وبس وقهوتهم وشاهيهم من امهم استغل هالشي واسوي حلا وحركات وساعات ارسل سلطة او رز عشان اول شي اشرف زوجي وبنفس الوقت استغل الفرصة اعبي زوجي انو بنات عمك مافيهم خير انا مو شريرة لهالدرجة بس امي تعذبت من اهل ابويه دايم يقولون انها تسوي المكايد والمشاكل وتجيهم ولا كأنها مسويه شي وعي مسكينة ماتدري عن شي ماتلقاهم الا طايرين فيها سب عشان كذا تعلمت كيف احافظ علي زوجي واسحب علي اهله ناس مايجيني من وراهم الا الشر مايلزموني |
رد: اقسم بالله طفشوني في حياتي..
عندك وعندنا خيير الي عندي الله لايوريك اشكالهم شوي وبوزهم يصقع بالارض
ونقالين كلام وحاقدين وحاسدين واكتشفت انهم ياخذون اخباري ومابتزيدهم اخباري الا نار بقلووبهم لو اعيش ميه سنه قدام مابشوف زي الهبال الي بجماعتنا الحمد لله ان زوجي ماعنده خوات بس بنات عم شياطين والحمد لله اني ماشوف خشتهم الا بالاعياد والعروس وما اطالع فيهم بعد |
| الساعة الآن 06:43 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .