|
ما رأيكـ بالمستشفى اللي ولدتي فيه ؟؟؟
السلام عليكم ورحمه الله وبركاته....
مدري يابنات أنا الصراحه ابي استفيد وافيد ومدري اذا الموضوع مطروح من قبل ... بس ابي كل وحده تقول وين ولدت وايش رايها بالمستشفى والدكتوره .. طبعا بالرياض .... اتمنى تفيدوني لاني للحين ادور مستشفى كويس ومحتارهhwaml10 |
رد: ما رأيكـ بالمستشفى اللي ولدتي فيه ؟؟؟
والله اني مررره محتاجه للموضوع ومتضايقه احس اني ضايعه وماادري وين اروووح وش الافضل .... الله يعيننا وييسر لنا من عنده
حاليا اخذت موعد عند الدكتوره شاهده في مستشفى رعاية الرياض بعد3 اسابيع ان شاء الله لكن سمعت ان الدكتوره بس تتابع لك الحمل اما الولاده لا الا اذا كان فيه مضاعفات او قيصريه تجي اما الباقي يكون فيه فريق طبي ثاني ماادري هم اخصائيات او قابلات ماادري للحين مارحت وسئلت واستفسرت ... واذا طلبتيها هي براسها تجي لك بس بزيادة فلوس حوالي 2800.......... ياليت الي عندها معرفه بالمستشفيات تفيدنا .. ويعطيك العافية على الموضوع يالغلاااااا |
رد: ما رأيكـ بالمستشفى اللي ولدتي فيه ؟؟؟
يمدحون مستشفا سليمان الحبيب
والله يهون عليكم |
رد: ما رأيكـ بالمستشفى اللي ولدتي فيه ؟؟؟
باك رجعت لكم .....
اختي مستشفى الحبيب انواع واشكال الزحمه واي وحده اعرفها اولدت فيه تسبه تقول كأنه حكومي زحمه ودكتورته انفسهم شينه... اما رعايه الرياض حلو خاصه شاهدخ بس مواعيدها بعيده لانه زحمه ماشاء الله بس مشكلتهم ماتولدك الدكتوره يعني اللي يكون عليه المناوبه تولدك ...انا ولدت ولادتي الاولى بالتخصصي الطبي حلو ومريح بس انا قيصري ماجربت الولاده ونفس دكتورتي هي اللي سوت لي العمليه.... برجع لكم |
رد: ما رأيكـ بالمستشفى اللي ولدتي فيه ؟؟؟
السلام عليكم خواتي
اطلبكم هااااذي الخدمه تكفون لاتطنشوني بنات امانه قولولي احسن مستشفى اهتمام ونظافه واهم شي يبنجوني بنج الاكسجين مو الابره اللي في الظهر وتكفون اذا تعرفون احد على هاذي المناطق اسألوه ابها محايل عسير خميس مشيط تكفووون والله اني لادعيلها ومايهمني كم يطلبون مبلغ اهم شي راحتي وسلامتي وما احس بالالم وانا بصررراحه كنت بأولد في جده بس تعرفو المساافه وانا بصراحه ما ارتاح الافي بيتي والله عندي خوووف قطع قلبي من الولاده يااااااارب يسهل ولادتناا لاتطنشوني |
رد: ما رأيكـ بالمستشفى اللي ولدتي فيه ؟؟؟
السلام عليكم .....
أختي حـــس الغلا كان بودي افيدك بس مااعرف عن هالمناطق شي أن شاء الله البنات يفيدونك ...وبعدين ليه متأزمه من الولاده ربك يسهلها ياحرمه امهاتنا كانو يولدون بالبيت وسعي صدرك hwaml7 وحطي براسك تفكير ايجابي أنك راح تولدين طبيعي وولاده سهله وانك راح تساعدين نفسك والله يسهل علينا... دمتم بود وأمهات شباب المستقبل |
رد: ما رأيكـ بالمستشفى اللي ولدتي فيه ؟؟؟
تسلمين اختي على الرد بس تعررفي اول حمل لالالالازم اخاف
|
رد: ما رأيكـ بالمستشفى اللي ولدتي فيه ؟؟؟
حتى انا مختار مثلكم
انا اراجع الحين بالمستشفى الالماني بالرياض دكتوره ايمان بس لمن بحثت الكل يقول الالماني مو حلووو ويمدحون لي مستشفى دله ومحتاره لأن لي 5 شهور عند دكتوره ايمان وتعودت عليها ماني عارفه كيف بغيرها |
رد: ما رأيكـ بالمستشفى اللي ولدتي فيه ؟؟؟
خلاص اتوقع اذا مرتاحه مع الدكتوره ايمان ليه تغيرينها اهم شي تكوني مرتاحه مع دكتورتك
|
رد: ما رأيكـ بالمستشفى اللي ولدتي فيه ؟؟؟
انا اتابع عند دكتوره نوال الطب الحديث والولاده باذن الله باللمملكه بس وانا اسمع الناس كلن يسبها والله مدري وامي تقول اصلا الولاده تساهيل
وحملي الاول كنت عند دكتوره عزه بالريان وولدت بمستشفى دار الشفا بالجنوب مدحولي الدكتوره والله حلو بس عيبه كله اجانب وانواع الازعاج |
| الساعة الآن 01:34 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .