|
مين ولدت طبيعي بعد القيصري تجي تطمني
السلام عليكم ورحمة الله وبركاته
اخباركم يا حلوات طبعا انا حامل وهذا حملي الرابع 2 طبيعي والثالث عمليه والحين انا مخيره بين الطبيعي وبين العمليه العمليه مريحة ما تحسي باي الم بس بعد الولادة الحركة تكون صعبة وانا متردده من العمليه لان ماعندي شغالة وانتو عارفين كيف بيكون وضعي بدون شغاله والطبيعي متردده منه بسبب الم الطلق الفضيع لاني كنت باموت في ولاداتي السابقة بس ميزة الطبيعي تتحركي بدري والحين ابغى اسال انا افكر اولد طبيعي بس اخاف يتاخر عليه الطلق وما اولد بسرعه وكلكم عارفين ما اقدر اخذ طلق صناعي وكمان انا حملت على طول بعد القيصري اخاف اتالم وبعدين يقولون يلا قيصري ياليت الي جربت تقولي كيف الالم والولادة تطول ولا بسرعه طمنوني الله يطمنكم يارب |
رد: مين ولدت طبيعي بعد القيصري تجي تطمني
الله يقومك بالسلامة ويسهّل عليك ولادتك
قريبتي ولدت طبيعي بعد العملية بس مااعرف شنو الاسباب الله يفرجها عليك ولا تنسين الاستغفار والدعاء وقت الشدة والكرب ان شاء الله مستجاب ما حبيت اقرا موضوعك وماأرد لاني مجرّبة اللي تولد وعندها اطفال قبل يبي لها تتحرك بدري على قولتك علشان تهتم فيهم وترعاهم الله ييسر امرك يارب .. |
رد: مين ولدت طبيعي بعد القيصري تجي تطمني
اولدي طبيعي ياقلبي
يقولو وجع ساعة ولا وجع كل ساعة |
رد: مين ولدت طبيعي بعد القيصري تجي تطمني
انا ولادتي قيصرية وحسيت اني مرة ارتحت عليها وبنفسي ناوية اطلب قيصري المرة الجاية صراحة
لا ألم ولا شي وبعد الولادة اتدلعلي فترة لين اقوم بالسلامة تقدري تسوي زيي انا بس فترة شهر بعد الولادة جبت لي شغالة لو حتى من اللي يروحو ويجو .. يساعدووووكي كتيييير والطبيعي الم صح بس ميزته زي ماقلتي تتحركي على طول و تشتغلي من بدري استخيري قلبو احسن بس سمعت انه اللي تحمل بدري بعد القيصري غالبا قيصري بيكون الله يكتبلك اللي فيه الخير لك |
رد: مين ولدت طبيعي بعد القيصري تجي تطمني
الطبيعي طبعا افضل لان كثرة القيصري مو زينه تسبب التصاقات ومدري ايش ويمفي لو شلتي شي ثقيل تنفتح مثل ماصار مع خالتي انفكت بعد سبع سنوات !!!
الولاده بعد القيصريه ممكن تكون طبيعي حماتي ولدت طبيعي بس بعد سنه ونص من العمليه وخذت ابرة الظهر ماحست بشي واخت رفيقتي ماشالله مرتين قيصريه والثال طبيعي بس عقب سنتين الله يوفقج ويهون عليج يارب انتي استخيري واستشيري دكتورك لانك حملتي ع طول بعد القيصري فيمكن يسبب خطر الطلق ؟؟ بالتوفيق |
رد: مين ولدت طبيعي بعد القيصري تجي تطمني
السلام عليكم
وانا الحمدلله ولدة طبيعي بعد قيصري صح تطولي بس ساعه افضل من العمليه بكثير والله يكتبلك الخير |
رد: مين ولدت طبيعي بعد القيصري تجي تطمني
الله لا يحرمكم الاجر يارب
ويطمن قلوبكم يارب ولا يوريكم مكروه دعواتكم لي بالي فيه الخير ليه |
رد: مين ولدت طبيعي بعد القيصري تجي تطمني
اعرف وحده ولدت طبيعي بعد عمليه بس جلست 4 سنوات عشان تحمل مره ثانيه
انتي كم لك من حملتك الاولى اذا حملتي بسرعه يعني مايقارب 6 اشهر وكذا يقولون الافضل عمليه والله اعلم |
رد: مين ولدت طبيعي بعد القيصري تجي تطمني
خواتي الغاليات
انا جلست شهرين ونص وحملت بعد القيصري الي ولدت طبيعي بعد القيصري هل طولت في الطلق ام لالالا وهل اتعبها مكان العملية اثناء الطلق لاني خايفة ينفتح الجرح اثناء الولادة |
| الساعة الآن 07:47 PM. |
Powered by vBulletin® Version 3.8.8
Copyright ©2000 - 2026, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .