|
💔 بيت العمر 💔
هلا حبايبي شلونكم
بدخل بالموضوع ع طول حبايبي تزوجت زوجي وسكنا بشقه بعيد عن اهله واربع سنين الححمدلله وربي انها عيشه حلوه اككيد فيها مشاكل بس بيني وبينه المهم اهله كانوا يسكون بيت معطيهم الرجال قال هذا لكم لانه عمي كان مشارك ابوي بالبيت وطلع عمي من البيت لانه صار مشاكل حريم تعرفون البيت اذا صار فيه حريم مشكله والرجال قال هذا لك البيت والحين الرجال يطلب بيته ولهم ولد متزوج قبلنا وبيطلع له بيت قريب وطبعا بيت زوجي يبيله 20 سنه ع ما انه يطلع واذا زوجي قدم ع سحب البيت يعني يعطونه 75 الف وراح يبيعون ارض عند اهله والجاخور اهله زوجي ماكان مفكر انه ياخذ البيت متى ماجا جا بس ابوه واخوه لفوا راسه قالوا عشان نتوسع زوجي اخوه اللي اصغر منه يتزوج ويسكن عندي وامه وابوه واخوه الثالث او العكس صحيح يزوجون العيال بالبيتين مشكلتي مابي بيتي فيه شراكه ولا حريم العيال يدخلون علي 😖 تلوموني والا انا غلطانه 💔 اتمنى تردون علي لاني مضغوطه |
رد: 💔 بيت العمر 💔
كلام سليم ووجهة نظر بمحلها
الحياه الزوجيه يكمل نجاحها بالبعد والاستقلال لتتمكنوا من الاستقرار والشراكه سيئه وخصوصا مع اهل الزوج بالتوفيق وخليك على كلامك |
رد: 💔 بيت العمر 💔
من جد الله يعينك سأليني انا اللي عايشه مع اهل زوجي ولايعه كبدي مافي حريه في غرفه وحده وعندي 3بنات طفشت والله ومليت ادعي الله ان الله يفرجها قريب انشالله وأطلع وارتاح خاطري اعيش حياتي مع زوجي ماحد يشاركني وخاطري احس بالحريه في لبسي وفأكلي وقومتي الله يفرج عليك وعلي عاجلا غير اجل
|
رد: 💔 بيت العمر 💔
وربي ان مخي
ذابحني بالتفكير ولي بنتين بيكبرون ولهم طلباتهم ليش ينحرمون مثل ما انا انحرمت 😔 يارب رضاك والجنه ❤ |
رد: 💔 بيت العمر 💔
الله يكوون بعوونك يارب استخيري وشوفي وين الخيرة
انا عن نفسي افضل بيت العم من ناحية السوالف وعدم الملل وافضل شقتي من ناحية اللبس واخذ راحتي بالمشي |
رد: 💔 بيت العمر 💔
كلامك سليم مليون بالميه لك حق بالخصوصيه
والبيت اذا كثر فيه الناس من اهلك او اهل زوجك راح تكون المشاكل كثيره والعين عليكم ولو يعلى صوتك قالوا تهاوشوا حاولى تقنعي زوجك بالمنطق وبهدوء |
رد: 💔 بيت العمر 💔
مستحيل اوافق
والله يساعدني ع هالشي كلمت خالتي قالت انا معج اخاف مع الزمن يتغيرون ع بعض ويتهاوشون قلت ياخاله تكفين فكيني وخلي زوجي يبعد عن هالسالفه انا يابنات ماني دايمه لبناتي ابي لمت يقولون الله يرحمها خلت لنا بيت بروحنا الدنيا مافيها امان والله كريم ❤ |
| الساعة الآن 06:38 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .