|
بنات غرب الرياض مساعدتكم الله يجزاكم خير !!
>>>> بدخل صاروخ على الموضوع
بسافر الاربعاء لااهلي واليوم زوجي قال بيوديني مستوصف الاسرة عشان نسوي اشعة رباعية كيف سمعتهم وش اسماء اللي شاطرين بالاشعة ومايغلطون بجنس الجنين ؟؟؟ والسعر اذا امكن ؟؟؟ تكفووون قبل الظهر او العصرر واللي تعرف غيره اشطر ممنهم تفزع لي |
رد: بنات غرب الرياض مساعدتكم الله يجزاكم خير !!
هلا وغلا
ان كان قصدك مستوصف الاسره الطبي اللي على شارع النخيل بالسويدي انا اتابع عنده حملي وبالنسبه للاشعه الصوتيه مافيه الا اخصائية اشعة وحده اسمها الدكتوره شريفه عبدالباقي سويت عندها اشعه صوتيه مره وحده بالسابع بقيمة 250ريال اما الاشعه الرباعيه قالت لي اذا تبينها روحي ادفعي زيادة 250 وتعالي اعملها لك يعني قيمتها 500 وتطبع لك صور كبيره للنونو بس انا ماسويتها كان همي اني اتطمن على وضع النونو وصحته وبالنسبه للدكتوره ممتازه انا رحت لها على مدح خالتي لها لانها باولادها الثلاثه كانت تكشف عندها وخبرتها بجنس الجنين وهي في الشهر الثالث وكان صح عليها في كل المرات وتعلمك عن وضع المشيمه وموية الجنين ووزنه وتطبع لك ورقه فيها ثلاث صور طبعا ابيض واسود لاشعة الجنين مع ورقه ثانيه فيها التفاصيل الكامله عن صحة النونو وموعد ولادتك .....باختصار وعن تجربه انصحك فيه فهو يعتبر الافضل في غرب الرياض على حسب خبرتي المحدوده ويمكن البنات يفيدونك بمستوصفات افضل ....الله يوفقك ويسر امرك |
رد: بنات غرب الرياض مساعدتكم الله يجزاكم خير !!
الله يعطيك العافية ام حتومي
توني اشوف ردك رحت لهم اليوم وفعلا لقيت الدكتورة شريفة عبدا الباقي يختي عسل ولا يتهيأ لي ؟؟؟ تخيلي نزلت لي من سعر الاشعة الملونة + الدي في دي ( تخبريم البكر لازم نحتفظ له بذكريات) ههههههههه وصورة للقمورة الله يبلغني شوفتها بس كانت نايمة على جنبها - عطتني مراجعة بعد اسبوعين تقول ان شاء الله تكون تتحرك كثير وناخذ لك صورة للوجه كامل |
| الساعة الآن 12:30 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .