|
مرت سنه وعبدالله اجمل ماحصل لي (قصة ولادتي)
السلام عليكم ورحمة الله وبركاته الحمدلله على النعمه زي هذا اليوم25/5 /1432 ولدت وجبت نور عيوني عبدالله وانا وعدت نفسي اني مااكتب قصة ولادتي الا اذا كمل عبودي السنه عشان اعيد الذكريات الحلوه واليووم الحمدلله ربي حققلي الامنيه وراح اكتبها لكم hwaml84 طبعا انا اخر دوره لي كانت تاريخ 2/8 وحددولي موعد ولاده تاريخ 14/5 ومع الاسف ماولدت كنت مع صديقاتي امهات الغد بتجمع الي بيولدون في جمادي الاولى 1432 وماشاءالله كانت ايام حلوه ماننساها وكل يوم وحده من كروشات التجمع ربي يفرج عليها وتولد والحمدلله بس مع الاسف انا جا موعد ولادتي المحدد وماولدت طبعا انا بكريه والبكريات في الغالب يطولون مايولدون بسرعه مرت 10 ايام وانا اراجع بالمستشفى وماكان فيني اثار ولاده ابدhwaml85 كنت اراجع بمستشفى الملك عبدالعزيز الجامعي بالرياض وعشاني طولت رحت مراجعتي وعلى طول قررت الدكتوره تكتبلي تنويم بالمستشفى رجعت البيت جهزت اغراضي ورحت المستشفى الي بولد فيها مكان الولاده في مستشفى الملك خالد الجامعي تنومت يوم الثلاثاء وجت عندي الدكتوره الخاصه فيني وكلمتني وقالت بما انك طولتي ماولدتي راح نظطر نعطيك طلق صناعي وراح نبدا من بكره ان شاءالله hwaml5انا من هنا بدا الخوف عندي لاني قريت ان الطلق الصناعي حارر وانا بكريه مااعرف شي ابد http://forum.hwaml.com/images/smilies/TR%20(74).gif يوم الاربعاء عطتني الدكتوره الطلق وكان عباره عن تحميله وبغيت اموووت وهي تحطها لي ويوم حطتها قاست عنق الرحم طلع مفتوح 1سم بس وبعد التحميله على طووووول نزل مني دم وقالت لي هذا الدم طبيعي لاتخافين جلست يوم كامل دم بدون طلق اوشي http://forum.hwaml.com/images/smilies/TR%20(81).gif وكنت امشي بالاسياب وامي تنصحني اني مااجلس ابد بصراحه حسيت بالملل وانا انتظر كنت احسب اول مايعطوني الطلق بيبدا مفعوله على طول hwaml5 جا اليووم الثاني ودخلت عندي الدكتوره وقالت لي ماتحسين بالم او شي قلت لا قالت اجل خلاص بنبدا بالمرحله الثانيه من الطلق الصناعي hwaml03http://forum.hwaml.com/images/smilies/TR%20(75).gif طلع فيه مراحل hwaml03hwaml78 ودوني قسم الولاده انا ووحده وسوولي تخطيط وعطوني الطلق الي هي التحميله مره ثانيه بس اتوقع انها اقوى قالت لي الدكتوره في بعض الحريم نعطيهم 6 مرات الى ماتجيهم الولاده انا هنا جتني حاله وقلت مافيه الا اني اقولهم اني بطلع على مسؤوليتي رحت للدكتوره واول ماشافتني قالت لي ماولدتي قلت لا وقلت لها ابغى اطلع قالت لا ممنوع وخصوصا انه الضغط عندك مرتفع لانه الضغط ارتفع عندي صحيح في الايام الاخيره من حملي وتنومت بالمستشفى من قبل رجعت غرفتي كلمت امي وابكي قلت بجلس في المستشفى الى متى وماراح اولد ابغى اطلع قلت لها تعالي عندي لان نفسيتي صارت زفت والحمدلله جت امي زارتني واخواتي وخالتي وعمتي وارتحت الحمدلله طبعا ماقصروا عطوني نصايح وجابولي عسل وتمر وقالولي امشي بالاسياب لاتوقفين اتعبي عشان تولدين http://forum.hwaml.com/images/smilies/TR%20(80).gifخلصت الزياره وقاموا بيطلعون طلعت معاهم ورحنا لقسم مابعد الولاده لعند حضانة الاطفال اول ماشفت الاطفال دمعت عيني ودعيت ربي انه يفرج علي قريب طلعوا اهلي من هنا وانا رحت امشي على طول مشيت ساعه كامله والممرضات يشوفوني ويقولون لي خلاص مدام يالله نوم رجعت غرفتي واكلت العسل والتمر ونمت وكانت الساعه 11 بالليل صحيت عالساعه 2 وانا حاسه بشي يزر من تحت يجي ويروح ومع الوقت احس انه يزيد وكان مابين كل الم والثاني وقت منتظم اذن الفجر وجت الممرضه وقالت لي تعالي بنقيس الوزن رحت معها وقست وزني وماقلت لها لاني كنت احسبه شي عادي وبيروح قلت بدق على امي وبقولها وفي ذاك اليوم اهلي كانوا في الاستراحه كان يوم الخميس وماكان عندي جوال وتلفون المستشفى مايدق الا على الثابت http://forum.hwaml.com/images/smilies/TR%20(81).gif وكل مامر الوقت احس ان الالم يزيد فيني عرفت انه هاذي ولاده الى ماجت الساعه 6 قلت بروح اعلم الممرضه دقيت جرس وقلت لها اني تعبانه وفيني ولاده قالت بروح اعلم قسم الولاده وبجيب لك كرسي عشان تروحين قلت اوك وحاولت ادق على بيت اهلي بس مع الاسف مشغول حسيت اني ببكي ابي اقول لامي عشان تدعيلي تتسهل ولادتي ومر الوقت والممرضه طولت والطلق يزيد http://forum.hwaml.com/images/smilies/TR%20(8).gif رحت لها قلت لها وين انا تعبانه قالت شويه استني الين الساعه 8 عشان مافيه دكتور كل الدكاتره يسوون عمليه hwaml03hwaml4 صرخت عليها قلت كيف انا تعبانه فيني ولاده http://forum.hwaml.com/images/smilies/TR%20(76).gif شكلها مومصدقتني قالت الحين بجي اسويلك تخطيط وسوتلي تخطيط وطلع فيي طلق قالت انتي من متى فيك ولاده قلت من الساعه 2 قالت يوم قست وزنك ليش ماعلمتيني قلت مدري احسبه وجع خفيف ويروح المهم على طول راحت تجيب لي كرسي وجت ممرضه وجابت لي لبس وعطتني ابرة الشرج وقالت لي روحي فضي بطنك وانا من الالم عيوني تدمع وودي اعلم امي رحت عند وحده جنبي وقلت لها تعطيني جوالها الله يعطيها العافيه ودقيت على امي خليتها تدق علي قلت لها فيني ولاده والحين بيودوني قسم الولاده دعواتك دعت لي وقالت لي الحين روحي امشي عشان تتسهل ولادتك قبل ماتروحين قسم الولاده قفلت الخط ورحت امشي وادعي وابكي من الالم وجابولي فطور بس اكلت شوي لاني مالي نفس وشوي وتجي الممرضه وجابت لي الكرسي ودتني قسم الولاده http://forum.hwaml.com/images/smilies/TR%20(15).gifكانت الساعه 7 الصباح على طول حطولي مغذي وسوولي تخطيط وحطولي اكسجين http://forum.hwaml.com/images/smilies/TR%20(3).gif وانا تعبانه الطلق كل شوي يزيد كشفت علي وقاست الرحم طلع مفتوح 3 سم الممرضه جالسه عندي وكل شوي تشوف التخطيط وتكلم الممرضات وشوي الا وتقولي انتي مااكلتي شي قلت لا ليش قالت الطفل مايتحرك ببطنك http://forum.hwaml.com/images/smilies/TR%20(74).gif احتمال ولاده قيصريه انا هنا مت خووف وجلست ابكي تعبانه من الالم وخايفه يصير للنونو شي على طول الممرضه راحت جابتلي لبس ثاني قالت هذا عشان اذا ولاده قيصريه تكونين جاهزه طبعا ماكان فيه دكاتره لانهم يسوون عمليه بس جتني وحده وكشفت علي وجلست تكلم الممرضه وانا تعبانه ومن قوة الالم قلت لهم خلاص سوولي عمليه تعبااانه وابكي من الالم كل شوي واقولهم ابغى بنج تقولي مافيه بنج اذا عطيناك بنج بينام الطفل وكل شوي من التعب اجلس بالسرير والممرضه تهاوشني وتسدحني تقول لا عشان نشوف التخطيط وكل مازاد الطلق اجلس مااقدرت اتحمل من شدته وابكي وكل شوي تقولي الممرضه ليش مااكلتي البيبي خايف وموراضي يتحرك شوي جت الدكتوره وحطتلي زي الانبوب من تحت وحسيت كانه دخلت علي مويه من جوه عشان يتحرك البيبي وانا تعبانه واتعصر من الالم ومسكت حواجز السرير وابكي ولااراديا حسيت اني ادفع ومع الدفع حسيت بمويه تنزل من تحت شافتني الممرضه وشافت المويه وقالت لي انتي فيه ولاده كشفت علي قالت لي يوووه انا اشوف الراس ماشاءالله مفتوح 8 سم خلاص ولاده يالله مو هنا hwaml03 لانها بتوديني غرفة ثانيه وهي الغرفه الي بولد فيها وانا مقدر خلاص احس ان بولد تقولي لا امسكي نفسك مو هنا http://forum.hwaml.com/images/smilies/TR%20(8).gifhttp://forum.hwaml.com/images/smilies/TR%20(75).gif جابتلي كرسي ودتني غرفه فرديه نومتني بالسرير وعطتني ابره بفخذي وعطتني اكسجين اول ماحطيته حسيت بدوخه ورحت عالم ثاني وحسيت اني هديت بعد ماعطتني الابره قالت لي يالله الحين ادفعي دفعت باقوى ماعندي مره ومرتين و3 وكل ماادفع ااحس بتعب واتفس بقوه قالت لي الممرضه ارتاحي شوي وخذي نفس وبعده دفعت ودفعت وشوي حسيت ان كل الالم الي فيني راح ناظرت الممرضه لقيتها ماسكه عبودي hwaml42hwaml7http://forum.hwaml.com/images/smilies/TR%20(80).gif ولدت وماحسيت بنفسي الحمدلله ياارب ورتني اياه وقالت لي وش هذا قلت ولد وكنت فرحانه مومصدقه اخيراااا ولدت وكل شوي احمد ربي كانت الساعه 9وربع مسحت له الممرضه قدامي وقلت لها ابي اشوفه عطتني اياه شوي وسلمت عليه وهو يبكي ومع الصياح قال كلمه سبحان الله ماراح انساها اول كلمه نطقها لي قال امااااااااه حسيت الدنيا مو شايلتني من الفررررح كان وزنه كيلوين و300 قرام كان صغنون مرره جتني دكتوره وخيطتني وكل شوي اناظر في ولدي ومومصدقه اني ولدت الحمدلله يارب شوي وشالته الممرضه قالت بنوديه الحضانه وانا كنت تعبانه هلكانه وودوني الغرفه الساعه 11 كان يوم الجمعه تاريخ 25/5/1432ه هذا اليووم ماراح انساه في حياتي هو يوم فرحتي وهو اجمل حدث في حياتي الحمدلله ان ربي رزقني هالنعمه كلمه شكرا ما تكفي رب العالمين والحمدلله عالعافيه والنعمه الي نحن فيها وبهاليوم عبدالله كمل سنه http://forum.hwaml.com/images/smilies/TR%20(80).gif حبيت اقوله كل عام وانت بخير ياروح ماما وان شاءالله تكبر وتصير رجال hwaml84 اتمنى اني ماطولت عليكم وان شاءالله اكون خفيفه في كتابة قصتي ادعوا ربي انه يفرج على كل حامل بهالوقت ويولدون بالسلامه ويرزق كل محرومه ومايحرمها ربي من نعمة الضنا اتمنى انكم ماتنسوني من دعواتكم لان عبودي هو كل شي بحياتي الحين دعواتكم اني ماانحرم منه ياارب |
رد: مرت سنه وعبدالله اجمل ماحصل لي (قصة ولادتي)
ياعمررررررررررري يامنول جد خنقتني العبره
الحممدلله على سلامتك ويارب زي ماشلتيه صغير يشيلك ويبرك وانتي كبيره وتفرحين فيه ياااااااااااااااااااااااااااااارب ونرقص بعرسه حبيبي ابوالحمص فددددددددددددددددددددددديته ياناس |
رد: مرت سنه وعبدالله اجمل ماحصل لي (قصة ولادتي)
حياتي انتي تسلمين ام فوفي
امين ياارب والله يخليلك فجر وتفرحين فيها وتجيبين اخوانها ياارب |
رد: مرت سنه وعبدالله اجمل ماحصل لي (قصة ولادتي)
ياقلبي الحمد لله على سلامتك وكل سنة وعبود بخير وعقبال ماتشوفيه عريس
|
رد: مرت سنه وعبدالله اجمل ماحصل لي (قصة ولادتي)
الحمد لله ع تمام النعمه الله يخليه لك الولادة صعبه بس لما تذكرين النونو تفرحين الله ييسر ولادتي وكل الحوامل ياااارب
|
رد: مرت سنه وعبدالله اجمل ماحصل لي (قصة ولادتي)
اقتباس:
امين ياارب تسلمين حبيبتي |
رد: مرت سنه وعبدالله اجمل ماحصل لي (قصة ولادتي)
اقتباس:
امين ياارب تسلمين حبيبتي والله يفرج عليك وتولدين بولاده سهله ميسره اي منجد اذا شفتي ضناك تنسين كل التعب الي راح الحمدلله ياارب |
رد: مرت سنه وعبدالله اجمل ماحصل لي (قصة ولادتي)
يااحياااتي عليك
الله يخليك عبوودي يارب وتشووفينه يكبر قدااامك والله يخليه لك من الهداة المهتدين ويرزقك بره يارب ويحفظه لك من كل شر يارب ياكريم يلا شدي حيلك وجيبي له اخ او اخت هههههه |
رد: مرت سنه وعبدالله اجمل ماحصل لي (قصة ولادتي)
ربي يحفظه لك ويرزقك بره
يارب هونها ع كل حامل وارزق كل محروم ذريه صالحه تقر بها العيون ربي لاتذرني فردا وانت خير الوارثين |
رد: مرت سنه وعبدالله اجمل ماحصل لي (قصة ولادتي)
كل سنه وعبودي بخير الله يحفضه لك وعقبال ماتشوفيه عريس وتشوفين اولاده
|
| الساعة الآن 10:27 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .