|
تنصحوني اطلب خياطه تجميليه؟
السلام عليكم ورحمة الله وبركاته
سؤالي عن الخياطه التجميليه للوالد انا اعرف ان الخياطه التجميليه للمنطقه هذي دائما الي تسويها الي تكون ماراح تحمل مره ثانيه وجابت كم طفل لان الخياطه التجميليه هي عمليه لتضييق المنطقه وبعدها صعب الوحده تولد طبيعي لكن اليوم وحده قالتلي ان في اول ولاده لها طلبت خياطه تجميليه وسالت قالولي انها غير هذي الخياطه بس عشان ينتبهون للخياطه تكون بشكل مرتب ولا تصير في تشوهات واثر للخياطه مع مرور الزمن وممكن انها تضوق المنطقه لكن من غير خطر او صعوبه لولاده طبيعيه ثانيه في وحده عندها فكره عنها؟ هذا اول حمل لي وانا بالتاسع في احد ينصحني اطلبها؟ لاني خايفه من الجروح والشقوق الي يعملونها وقت خروج الراس اخاف انها تشوه المنطقه ويبقى اثرها ولا يختفي في وحد عنده فكره؟ انصحوني يااهل الخبره الله يسهل عليكم |
رد: تنصحوني اطلب خياطه تجميليه؟
اهليييين اختي
الخياطه التجميليه عاديه هذا اختي مسويتها وحملت وولدت طبيعي وسوت تجميل والخياطه العاديه من قال انها تشوووه المنطقه ترى ترجع طبيعي مثل اوووول ومافيها تشووهاااات انشالله البنات اللي مجربه تفيدك اتمنى اني افدتك يالغلا دمتي بحفظ الله ورعايته |
رد: تنصحوني اطلب خياطه تجميليه؟
الصراحه الوالده مسويتها وتحمل وتولد طبيعي وتسويها مره ثانيه
لاكن بقولج شغاله الخياطه تعتمد على الدكتوره و الله يكتب لج إلي فيه الخيره .. و إن شاء الله تقومين بالسلامه أنتي ونونو وطمنينا عنج يالغاليه . ,, |
رد: تنصحوني اطلب خياطه تجميليه؟
صحيح الخياطة مافيها شئ
ولكن مافيه احد ماتطلب الخياطة نا صادفت انسانه في المستشفى من مراجعتي للحمل مهي حاسه اساسا بالجماع مع زوجها وخاصه اهي اساسا عندها ست عيال فالخياطه اساسا ضروريه ولا فيها ضرر ابدا |
رد: تنصحوني اطلب خياطه تجميليه؟
مشكوريييييييييييييييين ويعطيكم العافيه على الردود
بس انا بحثت بالنت لقيت ان كثير من الي حملو وولدو طبيعي كم مره يقولون ان المنطقه تشوهت من كثر الخياطه في كل ولاده وتوسعت ولقيت كثير يقولون بعد ما سووها قالهم الدكتور انهم مستحيل يولدون طبيعي انا بكريه ولا ابي المنطقه تتغير على زوجي ولا ابيها تتشوه وبنفس الوقت ابيها متهيئاه لولاده طبيعيه ثانيه يعني ماابيهم يقولون لي مستحيل تولدين طبيعي ماادري سمعت ان في عملية شد للمنطقه تكون من المهبل هذي هي الي تكون مستحيل تولد طبيعي مره ثانيه وفي خياطه تجميليه بعد الولاده مباشره هذي يخيطون الشقوق الي عملوها لكن بدل ماتكون خياطه عاديه تكون تجميليه بحيث يراعون فيها الترتيب وجمال المنطقه هل هذا صحيح؟ واذا كان صحيح هل يضوقون المنطقه بحيث ارجع مثل ماكنت؟ ولا بس ترتيب للشقوق؟ والخياطه العاديه اكيد ماتشوه المنطقه؟ اذا ماتشوه المنطقه شنو الفرق بين التجميليه والعاديه؟ انا من الشرقيه وان شاء الله ولادتي بالمانع تنصحوني اطلب دكتوره معينه؟ ااااااااااااسفه جدا على الاطاله في الحديث |
رد: تنصحوني اطلب خياطه تجميليه؟
عزيزتي.....وحده من قريباااتي....سوت تضووويق باليزر....
أسهل....واريح...ومضمونه.... |
رد: تنصحوني اطلب خياطه تجميليه؟
لسه ماجربت ...الله يقومك بالسلامه
|
| الساعة الآن 04:14 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .