ضيق التنفس تعبني،، ساعدوني يا حوامل
 

السلام عليكم ورحمة الله وبركاته

انا عضووة جديدة واحب منتداكم ، اتمنى منكم النصايح والدعوات الحلوة،

اخواتي انا بكرية في نص السابع، الحمدلله، امس رحت راجعت وسوتلي الدكتورة سونار وتحاليل وقالتلي انو كل شي سليم والحمدلله، بس مشكلتي لما دخلت السابع رجعت ليا ضيقة التنفس مرة تانية، بدأت معايا اظن في الشهر الرابع او الخامس وفي السادس وقفت ودحين في السابع رجعت تاني، لما رحت لدكتورتي في الشهر الرابع وقلتلها على ضيق التنفس قالتلي روحي عند طبيب باطنة عشان يشوف ازا فيه شي في صدري او الرئتين، عملي تحاليل كاملة وسونار والحمدلله قال انو كل شي سليم، ولما رجعت للدكتورة مرة تانية في السابع قالتلي انو كل شي طبيعي وانو ضيق التنفس دا شي طبيعي في الحمل وما فيه اي مشاكل، بس المشكلة انو اي احد يشوفني من صديقاتي وجاراتي وقريباتي يقولي شكلك مررة تعبان والله يعينك وانتي لسه في السابع وايش حتسوي ازا دخلتي التاسع واثنين حكوني انهم يعرفو حريم كان عندهم ضيق في التنفس ووقت الولادة ماتو، والي تقولي انتبهي ترا حيعملولك عملية قيصرية عشان ضيق التنفس، وانو ما راح اقدر اتنفس عند الولادة عشان الضغط وماني عارفة ايش، خوفوني مررة خوفوني، وسرت دحين قلقانة وموسوسة، قدي انا موسوسة ، والله الحريم خوفوني حسسوني انو الامر مو طبيعي مع انو الدكاترة كلهم يقولو ان الشي دا طبيعي،،

ادري طولت عليكم وكترت الهرج، بس والله مررة قلقانة، ايش اسوي، هل فعللا احتاج لعملية قيصرية او لا سمح الله يسير لي شي عند الولادة،، طمنوووووووووني وادعولي الله يقوم كل حامل بالسلامة وتولدو بالسلامة وتجيبو نونات سليمين ومعافين وزي القمر..

اختكم ..

رد: ضيق التنفس تعبني،، ساعدوني يا حوامل
 

هلا فيك ياالغاليه وحياك معانا وام ياحبيبتي علي ضيقت النفس والله لازم تحسين فيها وخلي عنك كلامهم مدام ماطلع معاك شي ن شالله مافيك شي واستعيذي بالله من الشيطان هذي كلها وسسوسه وان شالله عقبال ماتدخلين وتبشرينا بولادتك الله يفرج همك

رد: ضيق التنفس تعبني،، ساعدوني يا حوامل